Հինգշաբթի, 14 Հունիսի 2012 15:58

Թողարկվել է "Սերգեյ Փարաջանով” նոր հուշադրամ

ԱրմԻնֆո: Հայաստանի Հանրապետության կենտրոնական բանկը “Աշխարհի հայտնի ռեժիսորները” միջազգային դրամագիտական ծրագրի շրջանակում թողարկել է արծաթե հուշադրամ` նվիրված Սերգեյ Փարաջանովին: Ինչպես ԱրմԻնֆո-ին հաղորդել են ՀՀ ԿԲ մամլո ծառայությունում հուշադրամի բնութագիրն է. Անվանական արժեքը`100 դրամ, Մետաղը եւ հարգը`արծաթ, 9250,Քաշը`28,28 գ, Չափը` 28,0 x 40,0 մմ, Որակը`պրուֆ, Տպաքանակը` մինչեւ 5555 հատ:

Հուշադրամի դիմերեսի աջում պատկերված է Սերգեյ Փարաջանովի կոլաժից հատված, ձախ մասում Փարաջանովի դիմապատկերն է: Կենտրոնում կինոխցիկ է ամրակալանի վրա, որից աջ ճեղքված նուռ է, իսկ ձախ` դրամահատարանի առեւտրային նիշը: Ներքևում Հայաստանի Հանրապետության զինանշանն է եւ հուշադրամի անվանական արժեքը` "DRAM 100 ԴՐԱՄե: Ձախում ուղղահայաց հայերեն, իսկ ներքեւում հորիզոնական անգլերեն համապատասխանաբար մակագրված են՝ “ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ" եւ “REPUBLIC OF ARMENIA”: Վերեւի աջում ուղղահայաց նշված է թողարկման տարեթիվը` “2012":

Հուշադրամի դարձերեսի կենտրոնում Փարաջանովի դիմապատկերն է, որից վերև “SERGEI PARAJANOV” ոճավորված մակագրությունն է: Վերևի աջ անկյունում Փարաջանովի "Ֆաբերժեի հիշատակին" կոլաժից հատված է, իսկ դրանից ներքև՝ Փարաջանովի ինքնատիպ ստորագրությունը, որն ավարտվում է անսովոր կափարիչով. ռեժիսորը դրա վրա քերծելով գծել է Պուշկինի դիմանկարը: Ձախ կողմում ուղղահայաց մակագրված են Փարաջանովի ծննդյան և մահվան տարեթվերը` "1924 – 1990”:

Հուշադրամի ուրվագծերի հեղինակն է Ուրսուլա Վալեժակը: Հուշադրամը հատվել է Լեհաստանի դրամահատարանում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Թողարկվել է "Սերգեյ Փարաջանով” նոր հուշադրամ