Ուրբաթ, 22 Հունիսի 2012 20:01

ԿԲ-ն ՀՀ մարզերին և մայրաքաղաքին է նվիրում նոր արույրապատ պողպատե 50 դրամ անվանական արժեքով մետաղադրամները

ԱրմԻնֆո. Հունիսի 25-ից շրջանառության մեջ են մտնում հիսուն դրամ անվանական արժեքով Հայաստանի Հանրապետության մարզերին և Երևանին նվիրված 2012 թ. թողարկման Հայաստանի Հանրապետության շրջանառու հիշատակային մետաղադրամները: Այս մասին ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից:

Աղբյորի համաձայն, 2012 թ. հունիսի 25-ից շրջանառության մեջ են մտնում հիսուն դրամ անվանական արժեքով Հայաստանի Հանրապետության մարզերին և Երևանին նվիրված (Արարատի մարզ, Արմավիրի մարզ, Արագածոտնի մարզ, Լոռու մարզ, եղարքունիքի մարզ, Շիրակի մարզ, Տավուշի մարզ, Կոտայքի մարզ, Սյունիքի մարզ, Վայոց Ձորի մարզ, Երևան) 2012 թ. թողարկման Հայաստանի Հանրապետության շրջանառու հիշատակային մետաղադրամները:

Հիսուն դրամ անվանական արժեքով Հայաստանի Հանրապետության մարզերին և Երևանին նվիրված 2012 թ. թողարկման Հայաստանի Հանրապետության շրջանառու հիշատակային մետաղադրամները Հայաստանի Հանրապետության տարածքում օրինական վճարամիջոց են և ենթակա են անվերապահ ընդունման իրենց անվանական արժեքներովª փողով արտահայտված բոլոր պարտավորությունների դիմաց: Հիսուն դրամ անվանական արժեքով 2003 թ. թողարկման Հայաստանի Հանրապետության մետաղադրամները մնում են շրջանառության մեջ առանց սահմանափակումների և շրջանառության պայմանների փոփոխության:

Աղբյուրի համաձայն, Հայաստանի Հանրապետության կենտրոնական բանկը թողարկել է 11 տեսակի 50 դրամ անվանական արժեքով շրջանառու հիշատակային մետաղադրամներ` նվիրված Հայաստանի Հանրապետության 10 մարզերին և ք. Երևանին:

Մետաղադրամների դիմերեսի կենտրոնում պատկերված են. Տավուշի բերդը (Տավուշի մարզին նվիրված շրջանառու հիշատակային մետաղադրամ), առնու հեթանոսական տաճարը (Կոտայքի մարզին նվիրված շրջանառու հիշատակային մետաղադրամ), Սևանի թերակղզին (եղարքունիքի մարզին նվիրված շրջանառու հիշատակային մետաղադրամ)
Հաղպատի եկեղեցական համալիրը (Լոռու մարզին նվիրված շրջանառու հիշատակային մետաղադրամ), Ֆայտոն (Շիրակի մարզին նվիրված շրջանառու հիշատակային մետաղադրամ), Սյունիքի դարպասները (Սյունիքի մարզին նվիրված շրջանառու հիշատակային մետաղադրամ), Խոր Վիրապը Արարատի պատկերի ներքո (Արարատի մարզին նվիրված շրջանառու հիշատակային մետաղադրամ)
Քարայծ (Վայոց Ձորի մարզին նվիրված շրջանառու հիշատակային մետաղադրամ)
Բյուրականի աստղադիտարանը (Արագածոտնի մարզին նվիրված շրջանառու հիշատակային մետաղադրամ)
Սարդարապատը (Արմավիրի մարզին նվիրված շրջանառու հիշատակային մետաղադրամ)
Սասունցի Դավթի արձանը երկաթգծի կայարանի շենքի պատկերի ներքո (Երևանին նվիրված շրջանառու հիշատակային մետաղադրամ):

Պատկերների ներքևում մետաղադրամների թողարկման տարեթիվն է` ՙ2012՚, իսկ շրջագծովª ՙՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ՚ և համապատասխանաբարª ՙՏԱՎՈՒՇԻ ՄԱՐԶ՚, ՙԿՈՏԱՅՔԻ ՄԱՐԶ՚, ՙԵՂԱՐՔՈՒՆԻՔԻ ՄԱՐԶ՚, ՙԼՈՌՈՒ ՄԱՐԶ՚, ՙՇԻՐԱԿԻ ՄԱՐԶ՚, ՙՍՅՈՒՆԻՔԻ ՄԱՐԶ՚, ՙԱՐԱՐԱՏԻ ՄԱՐԶ՚, ՙՎԱՅՈՑ ՁՈՐԻ ՄԱՐԶ՚, ՙԱՐԱԱԾՈՏՆԻ ՄԱՐԶ՚, ՙԱՐՄԱՎԻՐԻ ՄԱՐԶ՚ և ՙԵՐԵՎԱՆ՚ մակագրությունները:

Մետաղադրամների դարձերեսի կենտրոնում շրջանառու հիշատակային մետաղադրամի անվանական արժեքն է` ՙ50 դրամ՚, իսկ շրջագծով` զարդանախշեր:

Դիմերեսի էսքիզների հեղինակն է Էդուարդ Կուրղինյանը: Դարձերեսի էսքիզի հեղինակն է Կարապետ Աբրահամյանը: Շրջանառու հիշատակային մետաղադրամները հատվել են Ֆինլանդիայի դրամահատարանում:

Շրջանառու հիշատակային մետաղադրամների բնութագիրն է` Անվանական արժեքը` 50 դրամ, Մետաղը` արույրապատ պողպատ, Քաշը` 3,50 գ, Տրամագիծը` 21,5 մմ, Դրամաշուրթը` ատամնավոր, Տպաքանակը` 60000 հատ յուրաքանչյուր տեսակից:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ԿԲ-ն ՀՀ մարզերին և մայրաքաղաքին է նվիրում նոր արույրապատ պողպատե 50 դրամ անվանական արժեքով մետաղադրամները