Չորեքշաբթի, 25 Հուլիսի 2012 17:22
Հայաստանի ֆինանսական համակարգի հաշտարարի միջնորդությամբ վճարված փոխհատուցումների 79,7 տոկոսը բաժին է ընկել ապահովագրական ընկերություններին
ԱրմԻնֆո. 2012 թ. I կիսամյակում Հայաստանի ֆինանսական համակարգի հաշտարարի միջնորդությամբ 42.6 մլն դրամ փոխհատուցումներ են վճարվել ֆինանսական ծառայությունների սպառողներին: Ինչպես ԱրմԻնֆո գործակալությանը հաղորդել են ՀՀ ֆինանսական համակարգի հաշտարարի գրասենյակում, այդ գումարի շուրջ 79,7%-ը կամ 33.9 մլն դրամ բաժին է ընկել ապահովագրական ընկերություններին, 14,9%-ը կամ 6.3 մլնդրամ` բանկերին, 4,1%-ը կամ 1.8 մլն դրամ` Ավտոապահովագրողների բյուրոյին, 1,3%-ը կամ 546.2 հազար դրամ` վարկային ընկերություններին (այդ գումարը հատկացվել է միայն II եռամսյակի համար):
I կիսամյակում ՀՀ ֆինանսական համակարգի հաշտարարի գրասենյակը ստացել է 593 բողոք ընդդեմ ֆինանսական կազմակերպությունների, որոնցից 160-ը ընդունվել են ուսումնասիրման գրավոր պահանջների հիման վրա: 2012 թ. I կիսամյակում ՀՀ ֆինանսական համակարգի հաշտարարի կողմից ուսումնասիրված բողոքներից 113-ն ուղղված էին ապահովագրական ընկերությունների դեմ: Դրանցից 83 առնչվում էին ԱՊՊԱ-ին, 15-ը` փոխադրամիջոցների ապահովագրմանը, 9-ը` բժշկական ապահովագրմանը, 3-ը`տուրիստական ապահովագրմանը, 2-ը` դժբախտ դեպքերից ապահովագրմանը: Հաշվետու ժամանակահատվածում ֆինանսական համակարգի հաշտարարը ուսումնասիրել է նաև բանկերի դեմ ուղղված 40 բողոք, որոնցից 20-ն առնչվում էին վարկային գործարքներին, 5-ը` ավանդային գործարքներին և 15-ը` այլ գործարքների: Ֆինանսական հաշտարարն ուսումնասիրել է նաև Ավտոապահովագրողների բյուրոյի դեմ ուղղված 4 բողոք, վարկային կազմակերպությունների դեմ` 2 բողոք, լոմբարդի դեմ` 1 բողոք:
Այն բողոքների ընդհանուր թիվը, որոնց ուսումնասիրումն ավարտվել է 2012 I կիսամյակում, կազմել է 85: Դրանցից 30-ի առնչությամբ պահանջները բավարարվել են հաշտեցման ճանապարհով, 21-ի առնչությամբ պահանջները մերժվել են, 19-ի առնչությամբ պահանջները բավարարվել են մասամբ, 8-ի առնչությամբ պահանջների ուսումնասիրումը դադարեցվել է, 6-ը լիովին բավարարվել են, 1-ի պահանջների ուսումնասիրումը մերժվել է:
Միայն 2012 թ. II եռամսյակում ՀՀ ֆինանսական համակարգի հաշտարարի միջնորդությամբ ֆինանսական ծառայություններ սպառող հաճախորդներին վճարված փոխհատուցումների գումարը կազմել է 32.2 մլն դրամ, որից 26.3 մլն դրամ (81,8%) բաժին է ընկել ապահովագրական ընկերություններին, 4 մլն դրամ (12,4%)`բանկերին, 1.3 մլն դրամ` Ավտոապահովագրողների բյուրոյին, 546.2 հազար դրամ` վարկային ընկերություններին: II եռամսյակում ՀՀ ֆինանսական համակարգի հաշտարարի գրասենյակն ստացել է 344 բողոք ֆինանսական կազմակերպությունների դեմ, որոնցից 236 ենթակա էին ուսումնասիրման ՙՖինանսական համակարգի հաշտարարի մասին՚ օրենքի հիման վրա, ընդ որում 4 բողոք ֆինանսական կազմակերպությունը բավարարել է, իսկ 114-ը ֆինանսական հաշտարարն ընդունել է ուսումնասիրման: II եռամսյակում ուսումնասիրման ընդունված բողոքներից 88-ն ուղղված էին ապահովագրական ընկերությունների և Ավտոապահովագրողների բյուրոյի դեմ. դրանից 69-ն առնչվում էր ԱՊՊԱ-ին, 8-ը` փոխադրամիջոցների ապահովագրությանը, 7-ը`բժշկական ապահովագրությանը, 2-ը` տուրիստական ապահովագրությանը, մեկական` դժբախտ դեպքերից ապահովագրությանն ու գույքի ապահովագրությանը: Նշված ժամկետում ֆինանսական հաշտարարն ուսումնասիրել է նաև բանկերի դեմ ուղղված 25 բողոք, որոնցից 14-ն առնչվում էր վարկային գործարքներին, 4-ը` վճարային-հաշվարկային գործառնություններին, 3-ը` ավանդային գործարքներին, 4-ը` այլ գործարքների: 2012 թ. II եռամսյակում ավարտվել է 71 բողոքի ուսումնասիրում, որոնցից 27-ի առնչությամբ պահանջները բավարարվել են հաշտեցման ճանապարհով, 18-ի առնչությամբ պահանջները բավարարվել են մասամբ, 14-ի առնչությամբ պահանջները մերժվել են, 6-ը լիովին բավարարվել է, 6—ի առնչվող պահանջների ուսունասիրումը մերժվել է:
Հիշեցնենք, որ 2009 թվականից Հայաստանում գործող ֆինանսական համակարգի հաշտարարի ծառայությունները տրամադրվում են անվճար, իսկ դրա աշխատանքի դիմաց վճարում են իրենք` ֆինանսական կազմակերպությունները:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները