Հինգշաբթի, 23 Օգոստոսի 2012 17:34

Հայաստանի համախառն միջազգային պահուստները երկրորդ եռամսյակում կրճատվել են 2.3 տոկոսով, մինչև 1719.2 մլն.դոլար

ԱրմԻնֆո. Հայաստանի համախառն արտաքին ակտիվները 2012 թվականի երկրորդ եռամսյակում նվազել են 2.3% կամ $ 40 մլն-ով, կազմելով $ 1719.220 մլն: Նախորդ տարվա նույն ժամանակահատվածի համեմատ այս ցուցանիշը նվազել է 3,5%: Այս մասին ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից:

Համախառն արտաքին ակտիվների կազմում միջազգային պահուստներ (համախառն արտաքին ակտիվները ազատ փոխարկելի արժույթով) հաշվետու եռամսյակում նվազել են` $ 1759.216 մլն-ից մինչև $ 1719.219 մլն (տարեկան անկումը կազմել է 3,5%): Փոխառության հատուկ իրավունքների չափը (SDR) Արժույթի Միջազգային Հիմնադրամում 2012 թ. 2-րդ եռամսյակում աճել է 9.2%, կազմելով $ 59.613 մլն (39.3 մլն SDR): Տարեկան կտրվածքով փոխառության հատուկ իրավունքների չափերը (SDR) ԱՄՀ-ում աճել է ավելի քան 3 անգամ:

Զուտ արտաքին ակտիվները, 2012 թվականի երկրորդ եռամսյակում կրճատվել են 1,6% կամ $ 16.3 մլն, կազմելով $ 973.025 մլն, ինչը 8.7%-ով ցածր է 2011 թվականի 2-րդ եռամսյակի ցուցանիշից:

Նշենք, որ համախառն միջազգային պահուստների կազմում ոսկու բաժինը զրոյացվել է 2003 թվականի դեկտեմբերին: 2012 թվականի հունվարի 1-ի դրությամբ, Հայաստանի համախառն արտաքին ակտիվները կազմել է $ 1932,477 մլն, որոնց կազմում միջազգային պահուստները (համախառն արտաքին ակտիվները փոժարկելի ազատ արժույթով) կազմել են $ 1932,477 մլն: Փոխառության հատուկ իրավունքների չափը (SDR) ԱՄՀ-ում 2012-ի հունվարի 1-ին կազմել է $57.033 մլն (37.148 մլն.SDR), իսկ զուտ արտաքին ակտիվները կազմել են $ 1178.344 մլն:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի համախառն միջազգային պահուստները երկրորդ եռամսյակում կրճատվել են 2.3 տոկոսով, մինչև 1719.2 մլն.դոլար