Երեքշաբթի, 9 Հոկտեմբերի 2012 17:28

Հայաստանի ֆինանսական հաշտարարի գրասենյակը հնարավոր է, որ սկսի զբաղվել նաեւ ՓՄՁ սուբյեկտների բողոքներով


ԱրմԻնֆո. Հայաստանի ֆինանսական հաշտարարի գրասենյակը հնարավոր է, որ սկսի զբաղվել նաեւ փոքր եւ միջին բիզնեսի սուբյեկտների բողոքներով: Այս մասին այսօր հայտարարել է ՀՀ Կենտրոնական բանկի Խորհրդի անդամ Արմենակ Դարբինյանը, ՙՖինանսական Օմբուդսմենի Ինստիտուտն ուղղված հանրության վստահության ամրապնդմանը և ֆինանսական միջնորդության ավելացման՚ թեմայով ամենամյա երրորդ կոնֆերանսի շրջանակներում, որը կընթանա մինչեւ հոկտեմբերի 10-ը:

Նա նշել է, որ այսօր Հայաստանի Ֆինանսական հաշտարարը կարող է իր ընդունել վերցնել միայն ֆիզիկական անձանց բողոքները: ՙԻսկ ապագայում հնարավոր է, որ, իր հնարավորությունների ընդլայնմանը զուգահեռ, Ֆինհաշտարարի գրասենյակը սկսի զբաղվել նաեւ այն վեճերով, որոնք առաջանում են անհատ ձեռներեցների եւ ֆինանսական կազմակերպությունների միջեւ: Այս հարցը գտնվում է քննարկման փուլում եւ կքննարկվի ներկայիս կոնֆերանսի ընթացքում՚,- լրագրողներին հայտարարել է Ա.Դարբինյանը:

Նա նաեւ նշել է, որ այսօր Կենտրոնական բանկը կարեւորում է Ֆինանսական համակարգի հաշտարարի գործունեությունը, առաջին հերթին, որպես ֆինանսական ծառայությունների սպառողների պաշտպանի: ՙՍակայն, սպառողների շահերի պատպանությունը ֆինանսական համակարգի կայունության վրա ունի ինչպես անմիջական, այնպես էլ միջնորդական ազդեցություն, հատկապես Հայաստանի նման երկրում, որտեղ ֆինանսկան հաստատությունների գործարար համբավը նախկինում տատանվել է՚,- ընդգծել է նա: Այս առումով, շարունակել է նա, ֆինհաշտարարն իր գործունեությունով նպաստում է ֆինանսական հաստատությունների նկատմամբ հասարակության վստահության ամրապնդմանը, եւ, հետեւաբար, ֆինանսական միջնորդության մակարդակի բարձրացմանը:

Նշենք, որ ֆինանսական համակարգի հաշտարարի գրասենյակի հիմնադիրն է հանդիսանում Հայաստանի Հանրապետության Կենտրոնական բանկը: Իր մասնագիտական գործունեությունը գրասենյակն սկսել է 2009-ի հունվարի 24-ից:

Ի դեպ, Ֆինանսական հաշտարարի ծառայությունն անվճար է, իսկ դրա դիմաց վճարում են իրենք, ֆինանսական կազմակերպույթւոնները: