Չորեքշաբթի, 12 Դեկտեմբերի 2012 19:43

ՙԱմերիա՚ ընկերությունների խումբը 76 մլն.դրամ կուղղի օնկոլագիական հիվանդություններ ունեցեղ երեխաների բուժմանը

ԱրմԻնֆո. ՙԱմերիա՚ ընկերությունների խումբը ձևավորել է ավանդույթ` Ամանորի շեմին կազմակերպելու բարեգործական աճուրդ` ուղղված հիվանդ երեխաների բուժմանը: Դեկտեմբերի 11-ին ՙԱրմենիա Մարիոթ՚ հյուրանոցում տեղի ունեցավ բարեգործական 3-րդ աճուրդը, որի հասույթն ուղղվելու է պատանեկան իդիոպաթիկ արթրիթ, հեմատոլոգիական և քաղցկեղային հիվանդություններ ունեցող 15 երեխայի բուժմանը, ովքեր գրանցված են ՙՕգնեմ՚, ՙՆվիրիր կյանք՚ և ՙԵրեխաներ առանց ցավի՚ հիմնադրամներում:

Այս տարի ՙԱմերիա՚ ընկերությունների խումբը ՙԱնտիկյան՚ պատկերասրահի աջակցությամբ միավորեց գործարար աշխարհի և ժամանակակից արվեստի ներկայացուցիչների ուժերը` միասնաբար օգնելու երեխաներին, այն երեխաներին, ովքեր ամեն օր կյանքի համար դժվարին պայքար են մղում` սպասելով հրաշքի:

Ինչպես ԱրմԻնֆո գործակալությանը տեղեկացվել է Ամերիաբանկի մամուլի ծառայությունից, աճուրդին ներկայացվեց ժամանակակից հայ անվանի արվեստագետների թվով 24 գործ: Արվեստագետների շարքում են ափոն, Թենի Վարդանյանը, Մարինա Դիլանյանը, Արշակ Սարգսյանը, Ստեփան Վերանյանը, Սամվել Սաղաթելյանը, Արա Ալեքյանը, Սպարտակ ևորգյանը, Զուլեյկա Բաժբեուկ-Մելիքյանը, Արմեն ևորգյանցը, Սահակ Պողոսյանը, Արարատ Սարգսյանը, Սամվել Չիբուխչյանը, Անատոլի Պապանյանը, Սարգիս Համալբաշյանը, Լևոն Ազատյանը, Նորա Բադալյանը, Սերյոժա Վարդանյանը, Վահագն Համալբաշյանը, Ռաֆայել Մեգալլը, Սարգիս Վարդանյանը, Տիգրան Մատուլյանը:

Աճուրդի արդյունքում հավաքվեց 35.120.875 ՀՀ դրամ, որը կրկնապատկվեց ՙԱմերիա՚ ընկերությունների խմբի կողմից, իսկ առանձին հանգանակումներից հավաքագրվեց ևս 6.321.275 ՀՀ դրամ, և արդյունքում օգնության ամբողջ գումարը կազմեց 76.563.025 դրամ: Նշենք, որ հանգանակումները դեռ շարունակվում են:

ՙԱմերիա՚ ընկերությունների խումբը շնորհակալություն է հայտնել բոլոր այն անձանց և կառույցներին, որոնք միացան Ամերիայի նախաձեռնությանը` վառ երանգներով գունավորելու մեր մանուկների երազանքը, որոնց յուրաքանչյուր օրը լի է սպասումով` հրաշքի սպասումով: Միասնական ջանքերով հնարավոր դարձավ հավաքել այնքան գումար, որը կազմեց նախորդ երկու տարիների բարեգործական միջոցառումների արդյունքում հավաքագրված գումարի գրեթե կրկնապատիկը:

ՙԱմերիա՚ ընկերությունների խումբը հանրությանը կներկայացնի մանրամասն հաշվետվություն գումարների օգտագործման ուղղությունների վերաբերյալ` կոնկետ նշելով, թե որքան գումար է փոխանցվելու յուրաքանչյուր երեխայի բուժման համար:

Այն բոլոր անհատները և կազմակերպությունները, ովքեր ցանկություն ունեն միանալու Ամերիայի նախաձեռնությանը` կարող են գումարները փոխանցել Ամերիաբանկում բացված 1570036910764400 բարեգործական հաշվեհամարին` օգնության ձեռք մեկնելով հիվանդ երեխաներին, որոնց ամեն օրը պայքար է, կյանքի պայքար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՙԱմերիա՚ ընկերությունների խումբը 76 մլն.դրամ կուղղի օնկոլագիական հիվանդություններ ունեցեղ երեխաների բուժմանը