Չորեքշաբթի, 9 Հունվարի 2013 19:20

2012 թվականի նոյեմբերին դրամական բազան Հայաստանում կրճատվել է 2,8 տոկոսով

Արմինֆո. 2012 թվականի նոյեմբերին դրամական բազան Հայաստանում կրճատվել է 2,8%-ով (կամ 17.8 մլրդ դրամով) դեկտեմբերի 1-ին կազմելով 623.7 մլրդ դրամ ($ 1,5 մլրդ): Ըստ ՀՀ Կենտրոնական բանկի նախնական տվյալների, որոնք ԱրմԻնֆո գործակալությանն են տրամադրվել ՀՀ Ազգային վիճակագրական ծառայությունից, դրամական բազան տարեկան կտրվածքով աճել է 5.5%:

Դրամական բազայի կազմում Կենտրոնական բանկից դուրս կանխիկ դրամական միջոցները դեկտեմբերի 1-ին կազմել են 406.3 մլրդ դրամ (դրամական բազայի 65.1%-ը), նոյեմբերին նվազելով 0.6%, իսկ տարեկան կտրվածքով աճելով 10.3%:

Դրամական պարտադիր պահուստների տեսակարար կշիռը դրամական ընդհանուր բազայի մեջ կազմել է 26% կամ 162.5 մլրդ դրամ, նոյեմբերին նվազելով 4.6%, իսկ տարեկան կտրվածքով աճելով 39.8%: Պարտադիր արտարժութային պահուստները կազմել են ընդհանուր դրամական բազայի 7.6%-ը կամ 47.3 մլրդ դրամ, նոյեմբերին նվազելով 12.1%, իսկ տարեկան կտրվածքով` 52%:

Ըստ աղբյուրի, արտաքին պահուտների չափերը (առանց սեփականաշնորհման միջոցների) նոյեմբերին նվազել են 1,4%, իսկ տարեկան կտրվածքով` 15.7%, մինչև 377.5 մլրդ դրամ: Ներքին ակտիվների չափերը հաշվետու ամսում նվազել են 4,8%, դեկտեմբերի 1-ին կազմելով 246.2 մլրդ դրամ, իսկ տարեկան կտրվածքով աճելով 71.8%:

Ներքին ակտիվների կազմում կառավարության հանդեպ պահանջների գծով արձանագրվել է 102.2 մլրդ դրամ բացասական ցուցանիշ, խորանալով մեկ ամսում 15.1%, իսկ տարեկան կտրվածքով` 23.8%: Բանկերի նկատմամբ պահանջները նոյեմբերին կրճատվել են 0.4%, մինչև 149.3 մլրդ դրամ, տարեկան կտրվածքով աճելով 49.9%: Դրանց կազմում ռեպո-գործարքների ծավալը մեկ ամսում աճել է 17%, իսկ տարեկան կտրվածքով` մոտ 5 անգամ, մինչև 53,6 մլրդ դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2012 թվականի նոյեմբերին դրամական բազան Հայաստանում կրճատվել է 2,8 տոկոսով