Հինգշաբթի, 24 Հունվարի 2013 15:06
Հայաստանի ֆինանսական հաշտարարի գրասենյակի միջնորդությամբ փոխհատուցված գումարների գրեթե կեսը բաժին է ընկնում 2012 թվականին
Արմինֆո. Հայաստանի ֆինանսական հաշտարարի միջնորդությամբ 2009-2012 թվականներին վճարվել 228.013 մլն դրամի փոխհատուցում, որի ավելի քան 49%-ը վճարվել է 2012 թվականին: Ինչպես այսօր կայացած միջոցառմնը հայտարարել է Հայաստանի ֆինանսական հաշտարար Փիրուզ Սարգսյանը, հունվարի 24-ին լրանում է կառույցի ստեղծման 4 տարին, և այդ կարճ ժամանակահատվածում հաշտարարին հաջողվել է անցնել ոչ միայն կայացման փուլը, այլ նաև վայելել հանրության վստահությունը: Իր ծննդյան օրը Հաշտարարի գրասենյակը միջոցառում էր անցկացրել, որին մասնակցել են բանկեր և ապահովագրական ընկերություններ, որի ընթացքում այդ կառույցների ղեկավարներին տրվել են ամենամյա գովասանագրեր: Խոսքը գնում է 3 բանկերի և 2 ապահովագրկան ընկերությունների մասին, որոնց թվում են` ACBA-Credit Agricole Bank-ը, Արդշինինվեստբանկը, ՎՏԲ-Հայաստան Բանկը, ինչպես նաև ՙՌոսգոսստրախ Արմենիա՚ և ՙԻՆՈ Արմենիա՚ ապահովագրական ընկերությունները: ՙԻՆՈ Արմենիա՚ ապահովագրական ընկերության գործադիր տնօրեն Լևոն Ալթունյանը գովասանագիրն ստանալիս հույս է հայտնել, որ ընթացիկ տարում ՙԻՆՈ Արմենիային՚ կհաջողվի մնալ հաշտարարի ուշադրությունից դուրս: Չափանիշները, որոնց հիման վրա ընտրվում են լավագույն գործընկերները, հանդիսանում են` համագործակցության աստիճանը բողոքներն ուսումնասիրելիս, խաղաղ համաձայնությունների մեծ տեսակարար կշիռը, ինչպես նաև բարի կամքի դրսևորումը փոխհատուցումներ իրականացնելիս:
Չորս տարվա գործունեության ընթացքում իրականացված փոխհատուցումների 68,4%-ը եղել է հաճախորդների օգտին: 2012 թվականին 2011 թվականի համեմատ գրասենյակը գրանցել է բողոքների և քննարկված գործերի զգալի աճ, որոնք համապատասխանաբար կազմել են` 63,2% և 172,2%: Նախորդ տարիներին պատկերը եղել է հետևյալը. 2010 թվականին 2009-ի համեմատ բողոքների թիվն աճել է 70%, իսկ քննարկված գործերի թիվը` 93%, 2011 թվականին, 2010-ի համեմատ, համապատասխանաբար` 25% և 31%: 2012 թվականին այս ցուցանիշների զգալի աճն արդյունք է հաշտարարի հետևողական գործունեության` հանրությանը ծանոթացնելով գրասենյակի գործունեությանը և նոր ծառայությունների ներդրմանը:
Ըստ ՀՀ ֆինհաշտարարի տվյալների, 2012 թվականին ուսումնասիրվել է 392 դիմում - բողոք, որից 71,03%-ը լուծվել է հօգուտ հաճախորդի, ընդ որում, դրանցից 68%-ը` ֆինանսական հաստատության հետ խաղաղ ճանապարհով: Արդյունքում, 2012 թվականին հաճախորդներին փոխհատուցվել է 111.911 մլն.դրամ: 392 դիմում-բողոքներից 96-ն ուղղված է եղել բանկերի, 284-ը` ապահովագրական ընկերությունների, 5-ը` ավտոապահովագրողների բյուրոյի, 2-ը` վարկային ընկերությունների, ինչպես նաև 5-ը` գրավատների եմ: 2009-2012 թվականներին ֆինանսական հաշտարարի գրասենյակն ստացել է 3211 դիմում-բողոք, որոնցից 722-ը`եղել են ուսումնասիրման ենթակա:
Մեկնաբանելով 2013 թվականի պլանների վերաբերյալ ԱրմԻնֆո գործակալության հարցը, Փ.Սարգսյանը նշել է, որ ներկայումս համապատասխան ատյանների կողմից քննարկվում է ՀՀ ֆինհաշտարարին ՓՄՁ սուբյեկտներից բողոքներ ներկայացնելու հնարավորությունը: Նա հույս է հայտնել, որ այդ հարցը լուծում կստանա ընթացիկ տարում: Իսկ ԱրմԻնֆո-ի` ֆինհաշտարարի որոշումները դատական կարգոց բողոքարկելու հնարավորության վերաբրյալ հարցին նա պատասխանել է, որ ֆինանսական կազմակրպություններն ի սկզբանե հրաժարվել էին իրենց այդ իրավունքից, հաշվի առնելով հաշտարարի բարձր պրոֆեսիոնալիզմը բողոքների ուսումնասիրելիս: Հիշեցնենք, որ ՀՀ Սահմանադրական դատարանը 2012 թվականի հոկտեմբերի 9-ին իր համաձայնությունը տվեց ՀՀ Ֆինանսական հաշտարարի որոշումները դատական կարգով վիճարկելու հնարավորության վերաբերյալ:
Նշենք, որ ՀՀ ֆինանսական հաշտարարի ծառայությունները, որը Հայաստանում գործում է 2009 թվականի հունվարի 24-ից, անվճար է, իսկ հաշտարարի գործունեությունը ֆինանսավորվում է ֆինանսական հաստատությունների կողմից:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները