Ուրբաթ, 5 Ապրիլի 2013 15:47

Հայաստանի դրամկան բազան 2013 թվականի փետրվարին աճել է 3.6 տոկոսով, մինչեւ 1.7 մլրդ.դոլար

Արմինֆո. Հայաստանի դրամական բազան 2013 թվականի փետրվարին աճել է 3.6%, մարտի 1-ին կազմելով 680 մլրդ դրամ ($ 1.7 մլրդ): Ըստ ՀՀ ազգային վիճակագրական ծառայության նախնական տվյալների, որոնք տրամադրվել են ԱրմԻնֆո գործակալությանը, տարեկան կտրվածքով դրամական բազան աճել է 20.7%:

Դրամական բազայի կազմում ՀՀ Կենտրոնական բանկից դուրս կանխիկ միջոցները մարտի 1-ին կազմել են 397.7 մլրդ դրամ (դրամական բազայի 58.5%-ը), փետրվարին նվազել են 0,7%, իսկ տարեկան կտրվածքով աճել 10.5%:

Պարտադիր դրամային պահուստների տեսակարր կշիռը դրամական ընդհանուր բազայի մեջ կազմել է 27% կամ 183.4 մլրդ դրամ, թետրվարին աճելով 4,3%, իսկ տարեկան կտրվածքով` 20.5%: Արտարժութային պարտադիր պահուստները կազմել են դրամական ընդհանուր բազայի 12.6%-ը կամ 93 մլրդ դրամ: Այդ ցուցանիշը փետրվարին աճել է 26.6%, իսկ տարեկան աճը կազմել է ավելի քան 2 անգամ:

Ըստ աղբյուրի, արտաքին պահուստների չափերը (առանց մասնավորեցվծ միջոցների) փետրվարին աճել են 3.7%, իսկ տարեկան կտրվածքով` 0.03%:

Ներքին ակտիվները փետրվարին աճել են 3.4%, կազմելով 261.5 մլրդ դրամ, տարեկան աճը` 80.3%: Ներքին ակտիվների կազմում կառավարության հանդեպ պահանջները կազմել են -122 մլրդ դրամ, ամսական կտրվածքով նվազելով 6.7%, իսկ տարեկան կտրվածքով խորանալով 38%: Պահանջները բանկերի հանդեպ փետրվարին նվազել են 4.1%, իսկ տարեկան կտրվածքով` մինուսից դեպի +168 մլրդ դրամ: Ռեպո գործարքների ծավալը փետրվարին նվազել է 11.7%, տարեկան աճը` 9.4 անգամ, մինչեւ 61.4 մլրդ դրամ: (ՀՀ Կենտրոնական բանկի փոխարժեքը փետրվարի 28-ին եղել է 409.22 դրամ/$):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի դրամկան բազան 2013 թվականի փետրվարին աճել է 3.6 տոկոսով, մինչեւ 1.7 մլրդ.դոլար