Երեքշաբթի, 30 Հուլիսի 2013 18:13
Արդշինինվեստբանկը միացել է զինվորականների վարկավորման պետական ծրագրին
ԱրմԻնֆո. Արդշինինվեստբանկը ս.թ. hուլիսի 30-ից մեկնարկում է զինվորականներին կենցաղային տեխնիկայի ձեռքբերման վարկավորման պետական ծրագրի շրջանակներում վարկերի տրամադրումը:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,
վարկերը տրամադրվելու են առանց եկամուտները հիմնավորող փաստաթղթերի` հետևյալ պայմաններով. ըրպես վարկառու կարող է հանդես գալ ՀՀ քաղաքացի, ՊՆ համակարգի, ազգային անվտանգության ծառայության կրտսեր, միջին, ավագ սպայական անձնակազմը, ոստիկանության միջին, ավագ, գլխավոր սպայական անձնակազմը, որի տարիքը մինչև վարկի մարումը չի գերազանցում 65 տարեկանը: Տարեկան տոկոսադրույքª 12%, որից պետության կողմից կսուբսիդավորվի 2%-ը, իսկ երեք և ավելի անչափահաս երեխաներ ունեցող զինվորականներին պետությունը կսուբսիդավորի 3%, վարկի առավելագույն ժամկետը` 7 տարի, առավելագույն գումարը` 500.000 ՀՀ դրամ: Երաշխավոր կարող է լինել Բանկի պահանջներին բավարարող հաճախորդի ընտանիքի անդամը: Վարկի տրամադրման այլ վճարներ չեն գանձվում, վարկի հաստատման և տրամադրման տևողությունըª մինչև 2 աշխատանքային օր: Անհրաժեշտ փաստաթղթերն ենª անձնագիրը (հաճախորդի և երաշխավորի), աշխատավայրից տեղեկանք ըստ օրինակելի ձևի և ընտանիքի անչափահաս երեխաների ծննդյան վկայական(ները:
Վարկը հնարավորություն կընձեռի զինվորականներին բարելավել իրենց կենցաղային պայմանները` Արդշինինվեստբանկի կողմից առաջարկվող վարկավորման լավագույն պայմաններով: Վարկերը տրամադրվելու են Արդշինինվեստբանկի բոլոր 55 մասնաճյուղերում և գլխամասային գրասենյակում:
Ըստ ԱրմԻնֆո գործակալության` Հայստանի բանկերի ֆինանսական Ռենկինգի, 2013 թվականի առաջին կիսամյակի վերջին Արդշինինվետբանկի ակտիվները կազմել են 233.5 մլրդ.դրամ, տարեկան աճը` 32.1%: Բանկի վարկային պորտֆելը կազմել է 155 մլրդ.դրամ, տարեկան աճը` 33.1%: 2013 թվականի առաջին կիսամյակը բանկը եզրափակել է 2 մլրդ.դրամ զուտ շահույթով, տարեկան կտրվածքով գրանցելով 53.3% աճ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները