Երկուշաբթի, 9 Սեպտեմբերի 2013 20:13
ԼՂՀ-ում սեպտեմբերի 8-ից գործարկվել է Ամերիաբանկի քարտային` ՙԵս եմ Արցախի ապագան՚ նոր պրոդուկտը
ԱրմԻնֆո. Իր Ստեփանակերտի մասնաճյուղում Ամերիաբանկը գործարկել է ՙԵս եմ Արցախի ապագան՚ քարտային նոր պրոդուկտըւ: Այս մասին սեպտեմբերի 8-ին հայտարարել է Ամերիաբանկի գլխավոր տնօրեն-Տնօրինության նախագահ Արտակ Հանեսյանը մասնաճյուղի նոր գրասենյակի բացմանը:
ՙԱյս պրոդուկտը թույլ կտա զգալիորեն մեծացնել մանրածախի պորտֆելը Լեռնային Ղարաբաղում, որի տեսակարար կշիռը ՙՍտեփանակերտ՚ մասնաճյուղի ընդհանուր պորտֆելում կազմում է ընդամենը 20%՚, - նժել է բանկիրը:
Նրա խոսքերով, ՙԵս եմ Արցախի ապագան՚ քարտը բանկի հաճախորդներին հնարավորություն է տալիս 1 տարվա ընթացքում արտոնյալ պայմաններով օգտվել բանկի ծառայություններից, ընդ որում, առաջին տարվա սպասարկումը կլինի անվճար: Քարտը տրամադրվում է ինչպես իրավաբանական, այնպես էլ ֆիզիկական անձանց, որն սկսվել է սեպտեմբերի 8 - ից:
ՙԵս եմ Արցախի ապագան՚ քարտի Ֆիզիկական անձ հանդիսացող քարտապանների համար գործում են հետևյալ արտոնությունները` բոլոր վարկերը տրամադրվում են սահմանվածից 1 % պակաս տոկոսադրույքով, իսկ ավանդներն ընդունվում են սահմանվածից 1% բարձր տոկոսադրույքով: Բանկային անհատական պահատուփի տարեկան վարձակալության դեպքում կսահմանվի 50%զեղչ:
Իսկ իրավաբանական անձանց համար ընձեռվում է աշխատավարձային նախագծերից օգտվելու 1 տարվա արտոնյալ հնարավորություն: Օրինակ, եթե իրավաբանական անձը ներգրավում է ավելի քան 25 աշխատողի, ապա Visa Electron/Maestro Cirrus և Visa Cassic/ MasterCard Standard քարտերը 1 տարի կսպասարկվեն անվճար: Իրավաբանական անձանց համար ՙԵս եմ Արցախի ապագան՚ քարտային պրոդուկտի շրջանակներում հաշվի բացելիս առաջին տարվա ընթացքում հաշվի սպասարկումը կլինի անվճար: Քարտապանը կարող են նաև ձեռք բերել մաքսային քարտ, 1% ավելի ցածր տոկոսադրույքով:
Ըստ ԱրմԻնֆո գործակալության` ՙՀայաստանի բանկերը քարտային բիզնեսում՚ վերլուծական տեղեկագրի, 2013 թվականի ապրիլի 1-ի դրությամբ Ամերիաբանկի ակտիվ քարտերի թիվը կազմել է 40 հազար, որտեղ առյուծի բաժինը կազմում են միջազգային քարտերը (Visa և MasterCard): Հատկանշական է, որ Visa քարտերով Ամերիաբանկը գտնվում է առաջատարների հնգյակում: Բանկի քարտերի ընդհանուր թիվը տարեկան կտրվածքով աճել է գրեթե 28 %, ինչը հիմնականում պայմանավորված է եղել տեղական ArCa և միջազգային Visa քարտերի զգալի աճով: Ակտիվ քարտերի կառուցվածքում աշխատավարձային քարտերը կազմել են 34 %: Ամերիաբանկի պլաստիկ տրանսակցիաների ծավալը 2012-ին կազմել է մոտ 73 մլրդ դրամ (5-րդ տեղը շուկայում), տարեկան աճը` գրեթե 40%: 2013-ի ապրիլի 1-ին Ամերիաբանկն ուներ 93 բանկոմատ (4-րդ տեղ), որոնց մեծ մասը գտնվում է Երևանում: Բանկի POS-թերմինալների թիվը կազմել է 602, տարեկան աճը` գրեթե 10%: Ամերիաբանկն այն բանկերից է, որ տեղական քարտերի թողարկումից և սպասարկումից բացի թողարկում և սպասարկում է միջազգային երկու համակարգերի քարտերը` Visa և MasterCard:
Նշենք, որ 2011 թվականի նոյեմբերից Աամերևիաբանկի հիմնական բաժնետերն է Ամերիա Խումբը` 99.99%:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
Հայաստան ներմուծվող ցորենի ավելի քան 99,9%-ը ստացվում է Ռուսաստանից