Շաբաթ, 28 Սեպտեմբերի 2013 18:09

ՎՏԲ-Հայաստան Բանկը միացավ MasterCard միջազգային վճարային համակարգին

ԱրմԻնֆո. ՎՏԲ-Հայաստան Բանկը միացավ MasterCard միջազգային վճարային համակարգին որպես Issuer և Acquirer միաժամանակ: Դա Բանկին հնարավորություն է տալիս թողարկելու տվյալ վճարային համակարգի քարտեր, ինչպես նաև սպասարկել դրանք բանկոմատների ցանցում, կատարել առևտրային էկվայրինգ, որը հնարավորություն է ընձեռում ընդունելու MasterCard միջազգային վճարային համակարգի քարտեր ապրանքների և ծառայության վճարման համար: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

Աղբյուրի համաձայն, բանկն իր հաճախորդներին առաջարկում է բազմարժութային քարտերի մի քանի տեսակ` Cirrus/Maestro, MasterCard Standart և Gold: MasterCard համակարգի քարտերից կարելի է օգտվել ոչ միայն ՎՏԲ-Հայաստան Բանկի ողջ մասնաճյուղային ցանցում, բոլոր բանկոմատներում, առևտրի կետերում և կանխիկացման POS-տերմինալներում, այլև արտասահմանում: Ձեռք բերելով MasterCard քարտեր, ինչպես նաև ՎՏԲ-Հայաստան Բանկի թողարկած այլ քարտեր` հաճախորդները հնարավորություն են ստանում օգտվելու միաժամանակ մի քանի արժութային հաշիվներից` AMD, USD, RUB ու EUR:

Առավել հարմարավետության ու ժամանակի խնայողության նկատառումներով հաշիվների համալրումը կարելի է կատարել Երևանում և Հայաստանի մարզերում տեղադրված TelCell ավելի քան 1000 վճարային տերմինալների միջոցով: MasterCard համակարգի քարտապանների համար նաև հեշտացված է վարկային գիծ բացելու ընթացակարգը: Քարտերը կարելի է ձեռք բերել արդեն սեպտեմբերի 28-ից ՎՏԲ-Հայաստան Բանկի բոլոր մասնաճյուղերում, իսկ սպասարկումը բանկոմատներում, մասնաճյուղերում և առևտրի ցանցում կիրականացվի հոկտեմբերի կեսից:

Նշենք, որ MasterCard միջազգային վճարային համակարգը միավորում է 22 հազար ֆինանսական հաստատություններ աշխարհի 210 երկրներում և ունի միասնական զեղչային համակարգ: ՙՎՏԲ-Հայաստան Բանկ՚ ՓԲԸ 2003թ.-ից VISA International միջազգային վճարային համակարգի լիիրավ անդամ է, Բանկի Visa քարտապանների թիվը գերազանցում է 280 հազարը, ինչն ապահովում է հայկական շուկայում առաջին տեղը քարտերի քանակով: ՎՏԲ-Հայաստան Բանկը նաև АRCA հայկական վճարային համակարգի սպասարկող անդամ է:

ՙՎՏԲ-Հայաստան Բանկի միացումը MasterCard միջազգային վճարային համակարգին արտացոլում է մեր ձգտումը նպաստելու անկանխիկ վճարումների ներքին համակարգի զարգացմանը ապրանքների ու ծառայությունների դիմաց վճարումների ընդհանուր ծավալում դրանց չափաբաժնի ավելացման և քարտապանների հավատարմության բարձրացման նպատակով: Դա հնարավորություն է տալիս առաջարկել հաճախորդներին ծառայությունների լայն տեսականի: Թողարկելով MasterCard քարտեր, մեր Բանկն օպտիմիզացնում է իր քարտային ծրագրերը, կիրառելով արևմտյան երկրների և տեխնոլոգիական որոշումների մատակարարների լավագույն փորձը՚,-ասել է ՙՎՏԲ Հայաստան Բանկ՚ ՓԲԸ լխավոր տնօրեն-Տնօրինության նախագահ Յուրի ուսևը:

Նշենք նաև, որ ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004 թվականի ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.75	-0.04
USD	382.72	0.10
EUR	444.15	-1.53
GBP	504.23	-1.52
CAD	274.21	-0.33
JPY	24.86	-0.27
CNY	53.81	-0.08
CHF	478.40	-2.22

Նորություններ

ՎՏԲ-Հայաստան Բանկը միացավ MasterCard միջազգային վճարային համակարգին