Երկուշաբթի, 2 Դեկտեմբերի 2013 20:48
Կենտրոնական բանկի նախագահ Արթուր Ջավադյանն ընդունել է ՎՏԲ Բանկի նախագահ-վարչության նախագահ Անդրեյ Կոստինին
ԱրմԻնֆո. Կենտրոնական բանկի նախագահ Արթուր Ջավադյանն այսօր ընդունել է ռուսական ՎՏԲ Բանկի նախագահ-վարչության նախագահ Անդրեյ Կոստինին:
Ինչպես ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից,
ողջունելով հյուրին՝ Կենտրոնական բանկի ղեկավարը կարևորել է հայաստանյան ֆինանսական շուկայում ՎՏԲ բանկի ներկայությունը, նշելով, որ այն ոչ միայն խթան է հայաստանյան ֆինանսական շուկայում նոր, ժամանակակից բանկային պրոդուկտների ներդրման համար, այլ նաեւ բանկային համակարգում մրցունակության պահպանման կարևորագույն գործոն:
Արթուր Ջավադյանը նշել է, որ ՎՏԲ-Հայաստան բանկը բավականին լավ է ներկայացված Հայաստանում, ինչը թույլ է տալիս բանկի ծառայությունները հասանելի դարձնել հանրապետության ողջ տարածքում: Նա ընդգծել է, որ ՎՏԲ բանկն ակտիվ ներդրումային գործունեություն է ծավալում Հայաստանի տնտեսության տարբեր ճյուղերում, ինչը հայաստանյան գործարար միջավայրի և տնտեսության զարգացման կարևոր գործոններից մեկն է:
ՎՏԲ Բանկի նախագահ-վարչության նախագահը նշել է, որ բանկի ղեկավարության կողմից մշտապես մեծ նշանակություն է տրվում Հայաստանի ֆինանսական շուկայում ՎՏԲ բանկի ներգրավվածության ակտիվացմանը: Անդրեյ Կոստինը գոհունակությամբ ընդգծել է, որ բանկը հաջողությամբ իրականացնում է հայաստանյան տնտեսության համար կարևոր բիզնես-նախագծերի ֆինանսավորում և դիտարկում է այս շուկան որպես հեռանկարային:
Արթուր Ջավադյանը հյուրի խնդրանքով ներկայացրել է Հայաստանի ֆինանսական համակարգի հիմնական ցուցանիշները, վերջին տարիների ընթացքում իրականացված բարեփոխումները՝ մասնավորապես, նոր ենթակառուցվածքների ստեղծման ուղղությամբ: Զրուցակիցները մտքեր են փոխանակել հայաստանյան ֆինանսական շուկայում ՎՏԲ բանկի նախանշվող ծրագրերի վերաբերյալ:
Նշենք, որ «ՎՏԲ-Հայաստան Բանկը դարձել է միջազգային ՎՏԲ խմբի անդամ 2004 թվականի ապրիլից: Ներկայում Ռուսաստանում իր մեծությամբ երկրորդ խոշորագույ բանկը հանդիսանալով, «ՎՏԲ Բանկը» տիրապետում է ՎՏԲ-Հայաստան Բանկի 100 % բաժնետոմսերին: Իր հիմնական ցուցանիշներով բանկն ավանդաբար գտնվում է Հայաստանի բանկային համակարգի առաջատարների շարքում: Բանկն ունի 67 մասնաճյուղ, որոնց մեծ մասը գտնվում է Հայաստանի մարզերում: Բանկը Հայաստանի բանկային համակարգի առատարան է նաև վարկային պորտֆելի չափերով` 2013 թվականի հոկտեմբերի 1-ին կազմելով 215.9 մլրդ.դրամ: Պորտֆելի կառուցվածքում ֆիզիկական անձանց վարկավորման ծավալը կազմել է 81,8 մլրդ դրամ (9 ամիսների աճը` 25.5 %), իսկ իրավաբանական անձանց համար` 134.1 մլրդ դրամ (9 ամիսների աճը` 30,1%): Ընդ որում, ինչպես կորպորատիվ այնպեսլ էլ մանրածախ պորտֆելի գծով բանկը հանդիսանում է առաջատարը: 2013 թվականի առաջին 9 ամիսների ընթացքում ՎՏԲ-Հայաստան Բանկն ապահովել է 4 մլրդ դրամի զուտ շահույթ, տարեկան աճը` 24 %:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%