Հինգշաբթի, 28 Նոյեմբերի 2013 20:38
American Express Քարտերը 3 տարի է Հայաստանում են
ԱրմԻնֆո. American Express Քարտերը 3 տարի է Հայաստանում են: Երեք տարի առաջ ԱԿԲԱ-ԿՐԵԴԻՏ ԱԳՐԻԿՈԼ Բանկը American ExpressТ ընկերության հետ Հայաստանում թողարկեց առաջին American Express Gold քարտը` Բանկի հաճախորդներին հասանելի դարձնելով 150 տարվա պատմություն ունեցող հեղինակավոր ընկերության ծառայությունները: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:
Աղբյուրի համաձայն, բանկը, էքսկլյուզիվ հիմունքներով, Հայաստանում իրականացնում է American Express ապրանքանիշի քարտերի թողարկում, ինչպես նաև սպասարկում է American Express ցանցի առևտրի և սպասարկման կետերը Հայաստանում:
Ներկայումս ԱԿԲԱ-ԿՐԵԴԻՏ ԱԳՐԻԿՈԼ Բանկը թողարկում է American Express ապրանքանիշի երկու տեսակի Քարտեր: Առաջինը, American ExpressТ Gold Քարտը, Քարտատերերին տրամադրում է բացառիկ հնարավորությունների ու առավելությունների լայն փաթեթ, որը ներառում է ճանապարհորդական և Քարտով կատարված գնումների բազմակողմանի ապահովագրություն, ապահովագրություն զեղծարարություններից և օժանդակություն ճանապարհին: Բացի այդ, Քարտատերերն միանում են համաշխարհային ճանաչում ունեցող American Express Membership Rewards ծրագրին, որը հնարավորություն է տալիս կուտակել միավորներ, որոնք փոխանակվում են տարատեսակ ապրանքներով և ծառայություններով: Քարտատերերը կարող են նաև American Express Selects ցանցի շնորհիվ օգտվել արտասահմանյան ու տեղական հեղինակություն վայելող առևտրի և սպասարկման կետերի կողմից ներկայացվող բացառիկ հատուկ առաջարկներից:
American Express ապրանքանիշի մուտքը Հայաստան լրջորեն նպաստեց քարտային բիզնեսի զարգացմանը` ի օգուտ հայ սպառողի:
Ընդամենը 1 տարի անց` 2011թ սեպտեմբերին հայկական շուկայի դատին հանձնվեց American Express ապրանքանիշի ևս մեկ քարտային պրոդուկտ` American ExpressТ Blue Քարտը: Այն առաջադեմ սպառողների համար ստեղծված վարկային քարտ է, որը տրամադրում է ֆինանսական ճկունություն, համաշխարհային չափանիշներին համապատասխանող հաճախորդների սպասարկման որակ և պարգևատրումների ու արտոնությունների բազմազանություն` ուղղված առավել դինամիկ և ժամանակակից կենսակերպ նախընտրող անհատների պահանջների բավարարմանը:
American Express Քարտերի թողարկման 3-ամյակի կապակցությամբ ԱԿԲԱ-ԿՐԵԴԻՏ ԱԳՐԻԿՈԼ Բանկը և American Express ընկերությունը հերթական անգամ իրենց հայաստանյան Քարտատերերին ընձեռում են յուրօրինակ անակնկալներ: American Express Gold-ի ինչպես գործող, այնպես էլ ս.թ. նոյեմբերի 1-ից մինչև 2014թ. հունվարի 31-ը դիմած Քարտատերերի համար Membership Rewards պարգևատրումների ծրագրի շրջանակներում ընձեռվում է բացառիկ հնարավորություն ստանալ լրացուցիչ 40 000 MR միավոր, որը համարժեք է Երևան-Փարիզ-Երևան մեկ ավիատոմսի արժեքին: Նշված միավորները կտրամադրվեն վեց ամսվա ընթացքում ամսական միջինում 1 մլն ՀՀ դրամ վճարումներ կատարած բոլոր Քարտատերերին: Իսկ American Express Blue Քարտը սկսած ս.թ. նոյեմբերի 11-ից տրամադրվում է պարզեցված տարբերակով` ընդամենը 72 ժամում և առանց լրացուցիչ թղթաբանության ու երաշխավորների: Բացի այդ, Բանկն այսուհետ առաջարկում է քարտերի սպասարկման միջնորդավճարի վճարման եղանակի ընտրություն` ամսական կամ տարեկան: Այժմ American Express Gold քարտի սպասարկման միջնորդավճարը կազմում է ամսական 5000 ՀՀ դրամ կամ 50000` տարեկան վճարման դեպքում, իսկ American Express Blue քարտինը` ամսական 1500 ՀՀ դրամ կամ 15000` տարեկան:
Նշենք, որ American Express ընկերությունը կրեդիտային քարտերի և ճանապարհային չեկերի թողարկման և սպասարկման, ինչպես նաև տուրիզմի ոլորտներում գործունեություն ծավալող միջազգային առաջատար ընկերություն է, որը հիմնադրվել է 1850թ.: 1996 թվականից սկսած American Express ընկերությունը հավատարիմ է մնում իր կողմից որդեգրված ռազմավարությանը, որի շրջանակներում իրականացնում է առևտրի և սպասարկման ոլորտի կազմակերպությունների սպասարկման և քարտերի թողարկման բիզնեսում աշխարհի տարբեր երկրների բանկերի ներգրավումը: Օգտագործելով իր համաշխարհային ցանցը և բրենդի բարձր ճանաչելիությունն ու գրավչությունը` այսօր American Express ընկերությունն էլ ավելի է ամրապնդել իր ներկայությունն աշխարհում: Աշխարհի 139 երկրներում American Express ընկերությունն արդեն ներկայացված է գործընկեր-բանկերի միջոցով:
Նշենք նաև, որ ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ ՀՀ բանկային համակարգում առաջատար դիրքեր է գրավում մի շարք ֆինանսական ցուցնիշներով. հանդիսանում է Հայաստանի 1ին խոշորագույն Բանկը` կապիտալի մեծությամբ և 2րդ խոշորագույնը` ընդհանուր ակտիվների մեծությամբ, 30.06.13թ-ի դրությամբ: ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ-ը երկրում ֆերմերների և ագրոբիզնեսի վարկավորման առաջատարն է, ինչպես նաև նշանակալի դերակատար է ՄՓՄՁ-ների հատվածում, ունի լավ կազմակերպված մասնաճյուղերի ցանց և ֆրանշիզա: Բանկը ստեղծվել է 1995թ. Եվրամիության «TACIS» ծրագրի շրջանակներում: 2006թ. սեպտեմբերին Կրեդիտ Ագրիկոլ բանկային խումբը դարձավ բանկի ամենախոշոր փայատերը` իրականացնելով նշանակալից ֆինանսական ներդրում բանկի կապիտալում: Բանկն իր ֆինանսական կայունության և հուսալիության շնորհիվ ձեռք է բերել մեծ հեղինակություն և վստահություն ինչպես Հայաստանում, այնպես էլ միջազգային ֆինանսական ասպարեզում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները