Երկուշաբթի, 2 Դեկտեմբերի 2013 14:38
ՊրոԿրեդիտ Բանկը ներկայացնում է իր նոր` 011 20 20 20 հեռախոսային կենտրոնը
ԱրմԻնֆո. ՊրոԿրեդիտ Բանկը ներկայացնում է իր նոր հեռախոսային սպասարկման կենտրոնը`ապահովելով բարելավված և բարձրակարգ սպասարկում:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,
զանգահարելով 011 20 20 20 հեռախոսահամարով՝ հաճախորդները կարող են ստանալ տեղեկատվություն իրենց հաշիվների վերաբերյալ, ինչպես նաև խորհրդատվություն և աջակցություն ՊրոԿրեդիտ Բանկի կողմից առաջարկվող ցանկացած այլ ծառայության վերաբերյալ՝ բիզնեսի ֆինանսավորման լուծումներ, խնայողություններ, ինտերնետային բանկային ծառայություն, Վիզա միջազգային վճարային քարտերով կատարված գործարքներ, գումարային փոխանցումներ և այլն:
Հեռախոսային սպասարկման կենտրոնը հագեցած է նորագույն տեխնոլոգիաներով, որոնք խթանում են արագ և արդյունավետ սպասարկումը ընձեռում զանգերը ձայնագրելու հնարավորություն՝ հետագա վերահսկողության և որակի բարելավման նպատակով:
Բանկի գործադիր տնօրեն Ասմուս Ռոտնեն նշել է. «Մենք ընտրել ենք մեր լավագույն մասնագետներին հեռախոսային սպասարկման կենտրոնի համար՝ վստահ լիենլու, որ բոլոր հաճախորդները ստանում են պրոֆեսիոնալ պատասխաններ իրենց բոլոր հարցերին»:
Նշենք, որ ՊրոԿրեդիտ Բանկը Հայաստանում բանկային և ֆինանսական ծառայությունների ամբողջական փաթեթ տրամադրող 100% արտերկրյա կապիտալով բանկ է, որի գործունեությունն ուղղված է փոքր և միջին բիզնեսի զարգացմանը, ինչպես նաև հասարակության լայն շրջաններում խնայողության մշակույթի խթանմանը:
Հայաստանի ՊրոԿրեդիտ Բանկը ՊրոԿրեդիտ խմբի մի մասն է կազմում, որը բաղկացած է Գերմանիայում, Արևելյան Եվրոպայում, Լատինական Ամերիկայում և Աֆրիկայում գործող 22 ֆինանսական կառույցներից, որոնց գործունեությունը ղեկավարվում և վերահսկվում է խմբի մայր ընկերության`Մայնի Ֆրանկֆուրտում (Գերմանիա) գտնվող «ՊրոԿրեդիտ Հոլդինգ»-ի (ProCredit Holding) կողմից:
Հայաստանի ՊրոԿրեդիտ Բանկի հիմնադիրներն են. «ՊրոԿրեդիտ Հոլդինգ» (ProCredit Holding) – 79.51% բաժնեմասով, «Վերակառուցման և զարգացման եվրոպական բանկ» (EBRD) – 10.83% բաժնեմասով, «Զարգացման Բանկ» (KfW) – 9.66% բաժնեմասով։
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2013 թվականի հոկտեմբերի 1-ի դրությամբ ՊրոԿրեդիտ Բանկի ակտիվները կազմել են 48.7 մլրդ. դրամ, տարեկան աճը` 18.8%: Ակտիվների կազմում վարկային ներդրումները կազմել են 82%: ՓՄՁ մասնաբաժինը վարկային պորտֆելում կազմել է ավելի քան 84% (1 տեղը համակարգում):
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները