Երեքշաբթի, 10 Դեկտեմբերի 2013 18:03

ՀՀ ԿԲ կանխատեսում. 2013 թվականի վերջին ինֆլյացիան կնվազի մինչև 6.5-7.0%, իսկ 2014 թվականի առաջին կիսամյակում կհասնի նպատակային մակարդակին

ԱրմԻնֆո. 2013 թվականի վերջին ինֆլյացիան Հայաստանում կնվազի մինչև 6.5-7.0%, իսկ 2014 թվականի առաջին կիսամյակում կհասնի նպատակային մակարդակին, կազմելով (4+/-1.5%): Ըստ ՀՀ Կենտրոնական բանկի չորրորդ եռամսյակի դրամավարկային քաղաքականության ծրագրի, նման պայմաներում դրամա-վարկային պայմանների թուլացումը կհամապատասխանի տնտեսական ակտիվության դանդաղմանը և ինֆլացիոն միջավայրի մեղմմանը: Իսկ ԿԲ դրամա-վարկային քաղաքականության հետագա ուղղությունները պայմանավորված կլինեն նաև հարկային և վարկային քաղաքականության ընթացքով: ԿԲ գնահատականներով, 2013 թվականին ՀՆԱ աճը կկազմի 3.4-3.8%, իսկ ինֆլյացիան միջնաժամկետ հատվածում կվերադառնա 4.6-6.0% միջանցք:

Ծրագրում կանխատեսվող մակարդակից ինֆլյացիայի շեղումների ռիսկերը ներկայումս գնահատվում են որպես հավասարաչափ, ինչպես կարճաժամկետ, այնպես էլ երկարաժամկետ հատվածներում: Հիմնական ռիսկերը կապված են համաշխարհային տնտեսության վերականգնման տեմպերի և ներքին պահանջարկի զարգացման հետ: Նման ռիսկերի առաջացման դեպքում ԿԲ կձեռնարկի պատասխան քայլեր`միջնաժամկետ հատվածում ինֆլյացիայի նպատակային մակարդակը պահպանելու համար:

Կարճաժամկետ հատվածում տնտեսական աճի սպասվածից ավելի մեծ դանդաղման հետևանքով ինֆլյացիան նվազեց ավելի արագ, քան կանխատեսվել էր: Արդյունքում, ներքին պահանջարկի սպասվածից ավելի մեծ թուլացման և ԿԲ գործողությունների շնորհիվ 2013 թվականի 4-րդ եռամսյակում ձևավորվեց ինֆլյացիոն թույլ դաշտ, որի պայմաններում ինֆլյացիան հետագայում էլ կնվազի ավելի արագ, քան սպասվում էր:

Համաձայն 3-րդ եռամսյակի դրամա-վարկային քաղաքականության ծրագրի բազային սցենարի, 2013 թվականի 3-րդ եռամսյակում, հաշվի առնելով հուլիսին էներգակիրների սակագների աճը և տնտեսվարող սուբյեկտների ինֆլյացիոն ակնկալիքները, սպասվում էր ինֆլյացիոն միջավայրի ընդլայնում, ինչի արդյունքում, 12-ամսյա ինֆլյացիան 3-րդ եռամսյակում պետք է բարձրանար մինչև 8.5%, հետագայում, 2014 թվականին, աստիճանաբար իջնելով մինչև նպատակային մակարդակ: Իսկ փաստացի արդյունքներով 3-րդ եռամսյակում, որը, որպես կանոն, համարվում է դեֆլյացիոն, ինֆլյացիան կազմեց 0.5%, նախորդ տարվա նույն ժամանակահատվածի 1.1% դեֆլյացիայի փոխարեն: Ինֆլյացիայի ձևավորման վրա ուղղակի և անուղղակի ազդեց էներգակիրների թանկացումը: Եռամսյակի ընթացքում պահպանվեց պարենային ապրանքների գների տատանման սեզոնայնությունը, մրգերի ու բանջարեղենի գներն իջան, մեղմելով ինֆլյացիոն ճնշումները 1.8 տոկոսային կետով: Նշված փոփոխությունների արդյունքում, 12-ամսյա ինֆլյացիան 3-րդ եռամսյակում շարունակեց աճը, հասնելով 8.2%-ի, հունիսի` 6.5%-ի փոխարեն:

Ըստ վիճակագրական տվյալների, 2013 թվականի նոյեմբերին ինֆլյացիան Հայաստանում կազմել է 0.9%, տարեկան կտրվածքով կազմելով`6.6%, իսկ հունվար-նոյեմբերին կազմել է 4.5%, տարեկան կտրվածքով կազմելով`5.8%: Ընդ որում, պարենային շուկայում նոյեմբերին արձանագրված 1.6% ինֆլյացիան հիմնականում պայմանավորված էր ձկնեղենի, բանջարեղենի և կարտոֆիլի 3,3-22% թանկացումով: Ոչ պարենային ապրանքների գների աճը նոյեմբերին (0.5%) պայմանավորված էր, հիմնականում, արվեստի գործերի 2.6%, անձնական օգտագործման իրերի`2.3% թանկացումներով: Իսկ ծառայությունների սակագների անկումը նոյեմբերին (0.1%) հիմնականում պայմանավորված էր բժշկական ծառայությունների և հանգստի կազմակերպման ոլորտների ծառայությունների սակագների, համապատասխանաբար` 1.7% եւ 1.2% անկումով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ կանխատեսում. 2013 թվականի վերջին ինֆլյացիան կնվազի մինչև 6.5-7.0%, իսկ 2014 թվականի առաջին կիսամյակում կհասնի նպատակային մակարդակին