Երեքշաբթի, 11 Փետրվարի 2014 20:26
«Էյչ-Էս-Բի-Սի Բանկ Հայաստանը» առաջինը շուկայում գործարկել է կանխիկի մուտքագրման շուրջօրյա ծառայություն
ԱրմԻնֆո. Էյչ-Էս-Բի-Սի Բանկ Հայաստան ՓԲԸ-ն իր հաճախորդներին է ներկայացնում կանխիկի մուտքագրման նոր ծառայություն, որը հաճախորդին կընձեռի իր հաշվին կանխիկի ակնթարթային մուտքագրման հնարավորություն՝ ի հավելումն Էյչ-Էս-Բի-Սի բանկոմատների միջոցով արդեն իսկ իրականացվող գործարքներին:
Ինչպես ԱրմԻնֆո գործակալությանը հաղորդեցին բանկի մամուլի ծառայությունից, Այսուհետ, Էյչ-Էս-Բի-Սի հաճախորդները բանկի Տերյան 66 հասցեում տեղադրված բազմաֆունկցիոնալ բանկոմատի միջոցով կարող են կանխիկը մուտքագրել իրենց բանկային հաշվեհամարին, որն անմիջապես կարտացոլվի մնացորդի վրա: Բանկոմատի այս ծառայությունը թույլ է տալիս մեկ գործարքով միանվագ մուտքագրել ցանկացած արժեքի մինչև 80 ՀՀ թղթադրամ՝ բացառությամբ 1999/2012 թվականներին թողարկված ՀՀ 5000 դրամ արժողության թղթադրամների, ինչպես նաև ՀՀ 100000 թղթադրամների:
Ուսումնասիրությունները ցույց են տվել, որ Էյչ-Էս-Բի-Սի Հայաստանի կողմից իրականացվող կանխիկացման գործարքների ամբողջ ծավալի շուրջ 80%-ն այսօր կատարվում է բանկի 55 բանկոմատներից բաղկացած ցանցի միջոցով: Սա հիմքեր է ստեղծում ենթադրելու, որ բանկոմատի միջոցով կանխիկի մուտքագրման ծառայությունը մոտ ապագայում կդառնա նույնքան պահանջված և կիրառվող, որքան կանխիկացմանը:
«Բանկը մշտապես ձգտում է բարելավել իր հաճախորդներին տրամադրվող առօրյա բանկային ծառայություններն ու սպասարկման որակը և դա անում է նաև հայաստանյան շուկա նոր տեխնոլոգիաներ ներմուծելով: Կանխիկի մուտքագրման այս արագ և պարզ ծառայությունը կօգնի մեր հաճախորդներին խուսափել հերթերից, ժամանակ խնայել և հնարավորություն կընձեռի իրենց կանխիկ գործարքները ազատ կառավարել բանկի ոչ աշխատանքային ժամերին», - ասել է Էլչ-Էս-Բի-Սի Բանկ Հայաստանի գլխավոր գործադիր տնօրեն Թիես Քլեմենցը:
Նշենք, որ Էլչ-Էս-Բի-Սի Բանկ Հայաստանի կանոնադրական կապիտալը 2014 թվականի հունվարի 1-ի դրությամբ կազմել է 18.4 մլրդ դրամ` առանց տարեկան փոփոխության: Որպես բանկի բաժնետերեր հանդես են գալիս HSBC Europe B.V.` 70% բաժնեմասով, և Wings Establishment`30% բաժնեմասով: Էլչ-Էս-Բի-Սի Բանկ Հայաստանը բավականին ակիտվ է առևտրի ֆինանսավորման ուղղությամբ, ընդ որում ոչ պակաս ակտիվությամբ զբաղվում է Հայաստանի տնտեսության տարբեր ճյուղերի ֆինանսավորմամբ (հիմնականում` ՓՄՁ, առևտուր, արդյունաբերություն, շինարարություն)` չանտեսելով նաև սպառողական վարկավորումը: Էլչ-Էս-Բի-Սի Բանկ Հայաստանը պահպանում է առաջատարությունը զուտ շահույթի գծով` 8.009 մլրդ դրամ 2013 թվականին` ապահովելով 7,3% տարեկան աճ: Սա բանկին թույլ է տվել 26,4%-ով ավելացնել 2013 թվականին կուտակված շահույթը` մինչև 20.1 մլրդ դրամ, ինչն իր հերթին ընդհանուր կապիտալն ավելացրել է 16,3%-ով` մինչև 41.3 մլրդ դրամ: 2013 թվականին բանկի ակտիվներն ու ընդհանուր պարտավորություններն ավելացել են գրեթե համաչափ` համապատասխանաբար 18%-ով և 18,2%-ով: Այսպես, բանկի ակտիվները 2014 թվականի հունվարի 1-ի դրությամբ կազմել են 249.4 մլրդ դրամ, որոնց տարեկան աճը պայմանավորված էր հաճախորդներին տրամադրված վարկերի համանման ավելացմամբ` ապահովելով 153.2 մլրդ դրամ ծավալ: Իսկ բանկի ընդհանուր պարտավորությունների կառուցվածքում, որոնք 2014 թվականի հունվարի 1-ին կազմել են 208.1 մլրդ դրամ, հաճախորդների հանդեպ պարտավորությունները տարեկան ավելացել են 17,1%-ով` մինչև 159.2 մլրդ դրամ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները