Երեքշաբթի, 25 Փետրվարի 2014 19:12

Հայաստանի ֆինանսական շուկայում ավանդների և վարկերի հունվարյան թանկացումը 5.6 տոկոսով նվազեցրել է մարժան

ԱրմԻնֆո. Ավանդային տոկոսադրույքները Հայաստանի ֆինանսական շուկայում 2014 թվականի հունվարին միջին հաշվով կազմել են 9.1 %, 2013-ի դեկտմբերի համեմատ աճելով 0.4 տոկոսային կետով, իսկ տարեկան կտրվածքով նվազելով 0.5 տոկոսային կետով: Իսկ վարկային տոկոսադրույքները մեկ ամսում աճել են 0.3 տոկոսային կետով, իսկ տարեկան կտրվածքով` 0,4 տ.կ., կազմլով 14,7%: Ավանդների և վարկերի հունվարյան թանկացումը բերել է մարժայի 0.4 տոկոսային կետով կրճատմանը, մինչև 5.6 %, իսկ տարեկան կտրվածքով 0,6 տոկոսային կետով աճին:

Ըստ ՀՀ ԿԲ տվյալների, ավանդների ամսական թանկացումը պայմանավորված է դոլարային ավանդների 0.8 տոկոսային կետով աճով (տարեկան էժանացումը` 1.2 տոկոսային կետով), մինչև 7 %: Միևնույն ժամանակ, դրամային ավանդները հաշվետու ամսում չեն փոփոխվել (տարեկան աճը` 0.2 տոկոսային կետով), մինչև 11.2 %: Հունվարին վարկային տոկոսադրույքների աճը պայմանավորված էր ինչպես դոլարային, այնպես էլ դրամային վարկերի 0.3 տոկոսային կետով թանկացումներով, որոնք համապատասխանաբար կազմել են 13 % և 16.5%: Տարեկան կտրվածքով դոլարային վարկերն էժանացել են 0.1 տոկոսային կետով, իսկ դրամային վարկերը թանկացել 1 տոկոսային կետով:

Ըստ աղբյուրի, տոկոսադրույքները կարճաժամկետ և երկարաժամկետ ավանդների գծով հունվարին հասել են 8%-ի, ամսվա կտրվածքով մնալով անփոփոխ: Տարեկան կտրվածքով կարճաժամկետ և երկարաժամկետ ավանդները համապատասխանաբար էժանացել են 0,9 տոկոսային կետով և 2.2 տոկոսային կետով: Կարճաժամկետ վարկերի տոկոսադրույքները հունվարին կազմել են 15,1 %, ամսվա աճը` 0.5 տոկոսային կետով, իսկ տարեկան կտրվածքով`0.3 տոկոսային կետով: Երկարաժամկետ վարկերի տոկոսադրույքները, այդ թվում նսև հիփոթեքայինվարկավորումը, հունվարին կազմել են 14,5 %, ամսվա աճը`0.2 տոկոսային կետով, իսկ տարեկան աճը` 0.6 % տոկոսային կետով: Հիփոթեքային վարկերի տոկոսադրույքները հաշվետու ամսում նվազել են 0.4 տոկոսային կետով, տարեկան աճը` 0.3 տոկոսային կետով, մինչև 12.3 %:

Ընդհանուր առմամբ, իրավաբանական անձանց ավանդների տոկոսադրույքները հունվարին աճել է 0.9 տոկոսային կետով, տարեկան կտրվածքով նվազելով 1 տոկոսային կետով, մինչև 8.7%, իսկ ֆիզիկական անձանց ավանդների տոկոսադրույքները կազմել են 9.5%, ամսվա կտրվածքով մնալով անփոփոխ: Մինչդեռ, կորպորատիվ վարկերի տոկոսադրույքները հունվարին կազմել են 12.5 %, մեկ ամսում միջին հաշվով աճելով 0.4 տոկոսային կետով, իսկ տարեկան կտրվածքով`0.8 տոկոսային կետով: Միևնույն ժամանակ, մանրածախ վարկերի տոկոսադրույքները հաշվետու ամսում աճել են 0.2 տոկոսային կետով, տարեկան կտրվածքոբ մնալով անփոփոխ` մոտ 16.2%:

Կարճաժամկետ պետական պարտավորոթյունների միջին կշռված եկամտաբերությունը առաջնային շուկայում նվազել է հունվարին 8,2 % - ից մինչև 7.9%, նախորդ տարվա 10.2%-ի համեմատ: Միջնաժամկետ պետական պարտատոմսերիի եկամտաբերությունը ամսվա կտրվածքով նվազել է 10%, մինչև 9,6 %, նախորդ տարվա 14.8% համեմատ:

Ըստ ՀՀ Կենտրոնական բանկի տվյալների, 2013 թվականին ավանդների տոկոսադրույքները, ինչպես նաև վարկերի տոկոսադրույքները, նվազել են 0.2 տոկոսային կետով, մինչև 8,7 %, արդյունքում, մարժան մնացել է անփոփոխ` 5.7 %: Մասնավորապես, դոլարային ավանդների տոկոսադրույքը նվազել է 0.7 տոկոսային կետով, մինչև 6,2%, իսկ դրամային ավանդների տոկոսադրույքն ավելացել են 0.4 տոկոսային կետով, մինչև 11.2 %: Միևնույն ժամանակ, դոլարային վարկերի տոկոսադրույքը նվազել է 0.6 տոկոսային կետով, մինչև 12.7 %, իսկ դրամային վարկերի տոկոսադրույքն աճել են 0.4 տոկոսային կետով, մինչև 16.2%: Պետպարտատոմսերի եկամտաբերությունը 2013 թվականին նվազել է, ընդ որում, ավելի էական չափերով է նվազել միջնաժամկետ և երկարաժամկետ պարտատոմսերով: Այսպես, կարճաժամկետ պետական պարտատոմսերի եկամտաբերությունը 2013-ին նվազել է 10,4 %, մինչեւ 8.2 %, միջնաժամկետ պարտատոմսերինը` 14,3 %, մինչև 10%, իսկ երկարաժամկետ պարտատոմսերի եկամտաբերությունը`16.3 %, մինչև 11,6 %:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի ֆինանսական շուկայում ավանդների և վարկերի հունվարյան թանկացումը 5.6 տոկոսով նվազեցրել է մարժան