Հինգշաբթի, 3 Ապրիլի 2014 16:28

ԿԲ. Առաջացել է 6 մլրդ.դրամ ծավալի գյուղատնտեսական վարկերով պարտքերի վերաձևակերպման անհրաժեշտությունը

ԱրմԻնֆո. Հայաստանում տեղի ունեցած վերջին ցրտահարություններն առաջացրել են 6 մլրդ.դրամ ծավալի գյուղատնտեսական վարկերով պարտքերի վերաձևակերպման անհրաժեշտությունը: Այս մասին այսօր վարչապետի հանձնարարությամբ կառավարությունում հայտարարել է ՀՀ Կենտրոնական բանկի նախագահ Արթուր Ջավադյանը:

Նրա խոսքով, գյուղերում տեղի ունեցած վնասները ներկայումս հաշվարկվում են հարցումների միջոցով: Բացի այդ, աշխատանքներ են տարվում բանկերի և վարկային կազմակերպությունների հետ և մի քանի օրից կառավարությանը կներկայացվի ստեղծված իրավիճակի ամբողջական պատկերը: «Կարող եմ ասել, որ խոսքը գնում է մոտ 6 մլրդ. դրամի վարկերի մասին»,-ասել է գլխավոր բանկիրը:

Վարչապետը նշել է, որ անցյալ տարի Արմավիրի մարզում եղել են նման վերաձևակերպումներ: Նրա խոսքով, այս տարվա ցրտահարություններն էական վնասներ պատճառեցին Հայաստանի գյուղատնտեսությանը, ինչի արդյունքում տուժեց 11.500 հազ. հեկտար տարածությամբ բերք: Ներկայումս ճշգրտվում են վնասների չափերը, որի արդյունքները կլինեն 2-3 օրից, ասել է նա: Կառավարությունը գյուղացիներին կօգնի սերմացուներով և պարարտանյութերով, մինչև սերմացանի սկիզբը, նշել է վարչապետը: «Դեռ ժամանակ կա, որպեսզի իրավիճակը մինչև գյուղատնտեսական տարվա սկիզբը շտկվի»,-ասել է նա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.90	0.01
USD	381.47	-0.04
EUR	449.14	-0.89
GBP	514.56	-1.05
CAD	278.81	-0.23
JPY	24.39	-0.07
CNY	54.44	-0.02
CHF	483.12	-1.71

Նորություններ

ԿԲ. Առաջացել է 6 մլրդ.դրամ ծավալի գյուղատնտեսական վարկերով պարտքերի վերաձևակերպման անհրաժեշտությունը