Հինգշաբթի, 10 Ապրիլի 2014 14:48

Հայաստանի Պետպահուստի ոսկու պաշարները 2013 թվականին համալրվել են 7.6 կգ

ԱրմԻնֆո. 2013 թվականին Հայաստանի Թանկարժեք մետաղների և թանկարժեք քարերի պետական պահուստը (Պետպահուստ) համալրվել են 7, 6 կգ ընդհանուր քաշով ոսկյա իրերով և 3.9 կգ ընդհանուր քաշով արծաթյա իրերով: Այս մասին ապրիլի 10-ին կառավարությունում հայտարարել է ՀՀ ֆինանսների նախարարի պաշտոնակատար Դավիթ Սարգսյանը, ներկայացնելով նախորդ տարվա հաշվետվությունը:

Նրա խոսքով, Պետպահուստում կա նաև մետաղական արծաթ, պլատին և մի շարք այլ ակնեղեն: Նախարարության զեկույցոմ նշվում է, որ անցյալ տարի թանկարժեք քարերով ընդհանուր առմամբ իրականացվել է 7 գործարք, ինչի արդյունքում ոսկու պահուստները Պետպահուստում համալրվել է 7.764 կգ-ով, արծաթի պահուստները` 3.949 կգ-ով, մետաղական արծաթը` 1.344 կգ-ով, պլատինի պահուստները`2.619 կգ-ով,իսկ պալադիումի պահուստները` 23 գրամով:

2014 թվականի հունվարի 1 – ի դրությամբ թանկարժեք մետաղների, քարերի և դրանցից պատրաստված իրերի ընդհանուր արժեքը կազմել է շուրջ 1,450 մլրդ դրամ: Այդ թվում, ոսկու պահուստները կազմել են 224.6 մլն դրամ, արծաթինը` 5 մլն դրամ, իսկ պլատինի պահուստները`մոտ 50 մլն դրամ: (ՀՀ ԿԲ փոխարժեքը 2014-ի ապրիլի 10 – ին կազմել է 415.28 դրամ մեկ ԱՄՆ դոլարի դիմաց):

Ինչպես հունվարի 29-ին հաղորդել էր Դավիթ Սարգսյանը, Պետգանձարանում գտնվող արժեքների ընդհանուր գումարը կազմել է 1,860 մլրդ դրամ, և կառավարությունը դեռ չի պատրաստվում այն վաճառել:

Նրա խոսքով, Պետգանձարանում կա 89,392 կգ ոսկի, այդ թվում բանկային ոսկու մեկ ձուլակտոր` 14 288 կգ քաշով: Մնացած ոսկին ձուլվբածքի տեսքով է: Նախարարը նշել է, որ կան նաև քարեր, բայց դրանք թանկարժեք չեն: Կա նաև 102 կգ արհեստական մարգարիտ և այլ ոչ թանկարժեք քարեր:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.81	0.07
USD	381.21	-0.18
EUR	443.92	-1.51
GBP	511.13	-1.73
CAD	274.84	-0.11
JPY	24.18	-0.16
CNY	54.60	-0.02
CHF	479.63	-1.96

Նորություններ

Հայաստանի Պետպահուստի ոսկու պաշարները 2013 թվականին համալրվել են 7.6 կգ