Չորեքշաբթի, 7 Մայիսի 2014 19:05

Առաջին եռամսյակում ավանդները Հայաստանի բանկերում ավելացել են 2.2%, իսկ տարեկան աճը կազմել է 22.2%

ԱրմԻնֆո. Հայստանի բանկերի կողմից ներգրավված ավանդների ընդհանուր ծավալը 2014-ի առաջին եռամսյակում ավելացել է 2,2%, ապրիլի 1-ին կազմելով 1.648 տրլն.դրամ, տարեկան կտրվածքով ավելանալով 22,2 %:

Ըստ ՀՀ Կենտրոնական բանկի տվյալների, որոնք ԱրմԻնֆո գործակալությանն են տրամադրվել ՀՀ ազգային վիճակագրական ծառայությունից, բանկային ավանդների կառուցվածքում դրամային ավանդները մարտի վերջին կազմել են 29.2 % կամ 481.4 մլրդ դրամ, առաջին եռամսյակում նվազելով 0,3%, իսկ տարեկան կտրվածքով` 25, 5%: Միևնույն ժամանակ, արտարժութային ավանդների ծավալը կազմել է 70.8 % կամ 1,166 տրլն. դրամ, եռամսյակում աճելով 3 %, իսկ տարվա աճը կազմել է 20.8%:

Ըստ աղբյուրի, բանկերի ավանդների ընդհանուր կառուցվածքում ոչ ռեզիդենտների ավանդները կազմել են 27.5% կամ 453.4 մլրդ դրամ, առաջին եռամսյակում նվազելով 2.2%, իսկ աճը տարեկան կտրվածքով կազմել է 31.4 %: Ռեզիդենտների ավանդները կազմել են 72.5 % կամ 1,194 տրլն.դրամ, եռամսյակի աճը` 4%, իսկ տարեկան կտրվածքով` 19%:

Ռեզիդենտների ավանդների կառուցվածքում ցպահանջ ավանդները կազմել են 29.3 % կամ 350,3 մլրդ դրամ, իսկ ժամկետային ավանդները` 70.7 % կամ 844,2 մլրդ դրամ: Ցպահանջ ավանդների եռամսյակում աճել են 2.4%, իսկ տարեկան աճը` 18.9%: Իսկ ժամկետային ավանդները եռամսյակում աճել են 4,6%, տարեկան աճը` 19%:

Հայաստանի բնակչության ավանդները բանկերում նույն օրվա դրությամբ կազմել են 808,5 մլրդ դրամ, առաջին եռամսյակի աճը` 2,3%, իսկ տարեկան կտրվածքով`18.1%:

Ըստ ՀՀ ԿԲ տվյալների, դրամային ավանդների տոկոսադրույքները մարտին կազմել են 6.87%, առաջին եռամսյակում նվազելով 3.55 տոկոսային կետով, իսկ տարեկան կտրվածքով`3.12 տոկոսային կետով (Դոլարի միջին փոխարժեքը 03.31.2014 թ դրությամբ կազմել 413,31 դրամ / $):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Առաջին եռամսյակում ավանդները Հայաստանի բանկերում ավելացել են 2.2%, իսկ տարեկան աճը կազմել է 22.2%