ԱրմԻնֆո. Հայաստանի անշարժ գույքի շուկայում առաջարկը 15 անգամ գերազանցում է պահանջարկը: Այսօր Երևանում կայացած մամուլի ասուլիսում նման կարծիք է արտահայտել «Ակցեռն» անշարժ գույքի գործակալության ղեկավար Հակոբ Բաղդասարյանը:
Նա նաև նշել է, որ անշարժ գույքի շուկայում վերջին ժամանակներս ավելի ակտիվորեն են կնքվում վարձակալության, քանի առք և վաճառքի պայմանագրերը: «Երկրում ստեղծված տնտեսական իրավիճակում նման միումները դեռ կշարունակեն աճել: Ընդհանուր առմամբ, անշարժ գույքի շուկայում աճն աննշան է և նման պայմաններում գնային բումի սպասելն անիմսատ է»,-նշել է նա: «Հայաստանում հիփոթեքի պահանջարկը շատ մեծ է, բայց հիփոթեքի վարկառուներին ներկայացվող պահանջներն այնքան խիստ են, որ այդ ծառայությունից կարող են օգտվել միայն սահմանափակ թվով անձինք»,-նշել է Բաղդասարյանը: Նա մտահոգություն է հայտնել, որ հիփոթեքային վարկավորման ընթացքում բանկերը հաշվի չեն առնում դեպի երկիր հոսող տրանսֆերտները, բայց «չէ՞ որ դրանց ծավալներն այնքան էլ փոքր չեն: Ինչո՞ւ բանկերը չեն պարզեցնում վարկավորման գործընթացը: Այս ամենը, գլոբալ փոփոխությունների հետ միասին, արգելակում է անշարժ գույքի շուկայի գնային քաղաքականությանը»,-ընդգծել է նա, հավելելով, որ ներդրումային մթնոլորտը Հայաստանում այնքան էլ բարենպաստ չէ: Ինժեներ-ճարտարապետ Միսակ Նուբար Թեբելեքյանի խոսքով, Հայաստանի ներդրումային դաշտը 2005 թվականին ավելի գրավիչ էր ներդրողների համար, քան այսօր, ընդ որում, վատթարացումներն սկսվեցին 2009 թվականից: «Հայաստանը կարիք ունի ընդլայնել ներդրումային դաշտը, ինչպես նաև կատարեօլագործել և զարգացնալ դատա-իրավական համակարգը, քանի որ ներդրողների իրավունքների պաշտպանությունը պետք է ապահովվի պատշաճ ձևով»,-ասել է նա: Ըստ ՀՀ անշարժ գույքի կադաստրի պետական կոմիտեի տվյալների, 2008-2013 թվականներին Հայաստանի անշարժ գույքի շուկայում գների աճի տեմպերը դանդաղել են` 24.6% - ից մինչեւ 4.2%: Այդ ժամանակահատվածում անշարժ գույքի օտարման գործարքների թիվը նվազել է` 54615 - ից մինչև 48716, իսկ վարձակալության գործարքները` 11865 - ից մինչև 8542: Օտարման գործարքների մասնաբաժինը գործարքների ընդհանուր ծավալներում վերջին 6 տարիներին նվազել է` 34.3% - ից մինչև 25.5%, իսկ վարձակալության գծով` 7,4% - ից մինչև 4,5%: Օտարման գործարքների կառուցվածքում 2008 թվականի արդյունքներով անշարժ գույքի առք և վաճառքը կազմել է 81.5%, իսկ 2013 թվականի այս ցուցանիշը նվազել է մինչև 74.3%: