«Օլիվեր Գրուպ»-ի հետազոտություններ. Մայրաքաղաքում բնակարանների վարառի համար առաջարկվող գները 2014 թվականին բարձրացել են 6.1%

ԱրմԻնֆո.Երևանի բազմաբնակարան շենքերում առաջարկվող մեկ քառակուսի մետրի գները 2014 թվականին 2013-ի համեմատ բարձրացել են 6.1%: Այս մասին են վկայում «Օլիվեր Գրուպ» գնահատող անկախ գործակալության կողմից անցկացված «Անշարժ գույքի շուկայի վերլուծություն»երրորդ հետազոտության արդյունքները: Ինչպես մարտի 17-ին կայացած մամուլի ասուլիսում նշել է «Օլիվեր Գրուպ»-ի գործադիր տնօրեն Արա Ադուրյանը, մայրաքաղաքի բազմաբնակարաններում 1 ք.մ տարածքի գինն անցյալ տարվա արդյունքներով կազմել է մոտ 323 հազ.դրամ:

«Գների կտրուկ աճը դրամային արտահայտությամբ տեղի է ունեցել նոյեմբերի կեսերից մինչև դեկտեմբերի վերջն ընկած ժամանակահատվածում, երբ արձանագրվեց ՀՀ դրամի զգալի արժեզրկումը դոլարի նկատմամբ, իսկ վաճառողները բնակարանների վաճառքն առաջարկում էին դոլարային գներ», - ասել է Ա.Ադուրյանը: Նրա խոսքով, Երևանում բնակարանների թանկացումը պայմանավորված էր դրամային արտահայտությամբ գների աճով, մայրաքաղաքի բոլոր համայնքներում, ընդ որում, ամենաբարձր աճը գրանցվել է Ավան համայնքում (մոտ 10%, մինչև 283 հազ.դրամ), իսկ ամենափոքր` Էրեբունի համայնքում (0,8%, մինչև 261 հազ. դրամ): Ամենաբարձր գինը, ըստ հետազոտության, արձանագրվել է մայրաքաղքի կենտրոնական մասում, մասնավորապես, Կենտրոն համայնքի «պենտհաուզներում» այն կազմել է 1.5 միլիոն դրամ, իսկ ամենացածր գինը` Քանաքեռ-Զեյթուն համանյքում` 106 հազ. դրամ: Հետազոտությունը ներգրավել է մահրաքաղաքի բնակարանների վաճառքի 19.028 հայտարարություն (հրապարակված «Գինդ» շաբաթաթերթում): Դրանցից 6573-ը վերաբերվել են երեք սենյականոց բնակարաններին, 6013 –ը` երկու սենյականոց, 4742-ը` մեկ սենյականոց, 1700 –ը` չորս սենյականոց բնակարաններին: Ըստ ուսումնասիրության, մեկ սենյականոց բնակարաններում ք.մ միջին շուկայական գինը 2014 թվականի վերջին կազմել է 333,2 հազ.դրամ, երկու սենյակի գինը` 326,6 հազ. դրամ, երեք սանյականոց բնակարաններինը` 315 հազար դրամ, իսկ չորս սենյականոց բնակարաններում` 312.5 հազ. դրամ: «Օլիվեր Գրուպ» ընկերության հիմնադիր Հրաչյա Հակոբյանն էլ իր հերթին է պարզաբանել, որ պետական մարմիններին կողմից անշարժ գույքի շուկայի վերաբերյալ հրապարակված գներն ընդամենը պայմանագրային գների վերաբերյալ տվյալներ են պարունակում: Ինչպես հայտնի է, հաճախ իրական գինը չի նշվում, որն իրականում վճարել է անշարժ գույքի գնորդը: «Ի տարբերություն այդ հրապարակումների, «Օլիվեր Գրուպ»-ի հետազոտոթյունները հիմնված են անշարժ գույքի շուկայի առաջարկների վրա, որոնք շատ ավելի ցածր են, վերնական վճարված գների համեմատ», - ասել է Հ.Հակոբյանը: Նա հավելել է, անշարժ գույքի շուկայի հետ կապված սպասելիքները հիմնականում դրական են: «Եթե նույնիսկ լինեն գների իջեցումներ, ինչում ես շատ եմ կասկածում, ապա դրանք կլինեն աննշան: Ընդհանուր առմամբ, 2015 թվականն աննախադեպ ծանր կլինի շուկայի համար, բայց 2016 թվականից սպասվում է կայունացում», - գտնում է Հակոբյանը: Իր հերթին, Հայաստանի Բանկերի միության նախագահ Սամվել Ճզմաչյանը, որը ներկա էր շնորհանդեսին, հայտարարել է, որ անշարժ գույքի շուկայի հետազոտությունները, որոնք պարբերաբար անց է կացնում «Օլիվեր Գրուպ» ընկերոթյունը, շատ օգտակար են Հայաստանի բանկային շուկայի մասնակիցների համար, քանի որ օգտակար տեղեկատվություն են տրամադրում անշարժ գույքի այլընտրանքային գնահատման համար, ինչը ներկայումս կարևոր խնդիր է բանկերի համար: «Ներկայումս բանկերը համագործակցում են առնվազն հինգ ռիելտրական ընկերությունների հետ: «Օլիվեր Գրուպ» գործակալոթյունն առաջատար է դրանց շարքում, որի հետազոտոթյուններն առանձնանում են բարձր պրոֆեսիոնալիզմով», - ասել է նա: Նշենք, որ «Օլիվեր Գրուպ» գործակալությունը, որը հիմնադրվել է 2002 թվականին, հանդիսանում է Հայաստանի խոշորագույն գնահատող ընկերությունը, որը պարբերաբար անց է կացնում անշարժ գոյքի, ինչպես նաև բիզնեսի գնահատումներ և դիտարկումներ: «Օլիվեր Գրուպ»-ի ծառայություններից օգտվում են Հայաստանի ֆինանսա-բանկային համակարգի մասնակիցների 2/3-ը (17 բանկ, 16 ՈՒՎԿ, ավելի քան 10 ապահովագրական և աուդիտորական կազմակերպություններ), ինչպես նաև Կենտրոնական բանկը և Համահայկական Բանկը: Ընկերությունն ունի 5 մասնաճյուղեր Հ մարզերում: 2013 թվականին «Օլիվեր Գրուպ» գործակալությունը և Բանկերի միությունն ստորագրեցին համագործակցության հուշագիր, որի շրջանակներում կողմերը պարբերաբար տեղեկատվություն են փոխանակում անշարժ գույքի շուկայի միտումների ու ընթացիկ վիճակի մասին: Այդ հուշագրի շրջանակներում ընկերությունը հունիսի 5-ը ներկայացրեց «Անշարժ գույքի շուկայի վերլուծության» երկրորդ հետազոտոթյունը, որոնք պարունակում էին 2013 թականի տվյալները մայրաքաղաքի բնակարանների գների ու դրանց դինամիկայի վերաբերյալ: