Հայաստանի պետական բյուջեից 2015 թվականի հունվար-ապրիլին կապիտալ շինարարությանն է ուղղվել 21.6 միլիոն դոլար, տարեկան աճը`26.5%

Համաշխարհային բանկը 2015 թվականի հունվար-ապրիլին Հայաստանի կապիտալ շինարարության ոլորտին է ուղղել 2.1 մլրդ. Դրամ ($ 4,3 մլն) կամ երկրի շինարարության ոլորտում միջազգային վարկային ներդրումների 29.3% -ը, կազմելով ավելի քան 7 մլրդ.դրամ ($ 14.7 մլն) տարեկան կտրվածքով աճը` 2.1 անգամ:

Վերակառուցման և զարգացման Եվրոպական բանկը 2015-ի հունվար-ապրիլին շինարարութան ոլորտում ներդրել է 889.6 մլն դրամ ($ 1.9 մլն , տարեկան անկումը` 31.6%) կամ բոլոր միջազգային ներդրումների ընդհանուր ծավալի 12.9% -ը: Ասիական  զարգացման բանկը կապիտալ շինարարության ոլորտին է ուղղել 3,1 մլրդ դրամ ($ 6.5 մլն), տարեկան անկումը`20.2%: Գերմանական զարգացման բանկը`29.4 մլն դրամ ($ 61.7 հազ.), տարեկան անկումը` 48.7%:

Ըստ ՀՀ Ազգային վիճակագրական ծառայության տվյալների, 2015 թվականի առաջին 4 ամիսներին երկրի կապիտալ շինարարության ոլորտում կատարված ներդրումները կազմել են 66.2 մլրդ.դրամ (ավելի քան $ 139 մլն), նախորդ տարվա նույն ժամանակահատվածի համեմատ աճը` 0.5%: Կապիտալ շինարարության ընդհանուր ծավալներում շինմոնտաժային աշխատանքները հաշվետու ժամանակահատվածում կազմել են 57.1 մլրդ դրամ, տարեկան աճը` 1,8%:

Ըստ վիճակագրության, 2015 թվականի հունվար-ապրիլին ՀՀ պետական ​​բյուջեից կապիտալ շինարարության ոլորտում ներդրվել է 10,3 մլրդ.դրամ ($ 21.6մլն, տարեկան աճը`26,5%) կամ կապիտալ շինարարությանն ուղղված միջոցների 15.5% -ը: Կազմակերպությունները կապիտալ շինարարությանն են ուղղել 30,9 մլրդ դրամ ($ 64.9 մլն), տարեկան անկումը` 6.5% կամ կապիտալ շինարարությանն ուղղված միջոցների 46.7% -ը: Հայաստանի բնակչության կողմից  շինարարության ոլորտում ներդրվել է 16,1 մլրդ դրամ ($ 33,7 մլն), տարեկան անկումը`0.8% կամ կապիտալ շինարարությանն ուղղված միջոցների 24.3% -ը: «Հայաստան» հիմնադրամը 2015-ի հունվար-ապրիլին շինարարության ոլորտում ներդրել է 128.8 մլն.դրամ կամ կապիտալ շինարարությանն ուղղված միջոցների 0.2%-ը: Հայ Առաքելական եկեղեցու կողմից ոլորտին է ուղղվել 144,7 մլն դրամ, տարեկան անկումը` 56.7%: Ամենամեծ ծավալով միջոցները շարունակում են շինարարության ոլորտին ուղղել դվելոպերային ընկերությունները` 18.8 մլրդ դրամ ($ 39.5 մլն, կապիտալ շինարարությանն ուղղված միջոցների 28,4% -ը), տրանսպորտի ոլորտն ուղղել է 6,3 մլրդ դրամ ($ 13.2 մլն, 9, 5%), էլեկտրաէներգիայի և գազի ոլորտը`5.7 մլրդ դրամ ($ 11.9 մլն, 8,5%), հանքարդյունաբերության ոլորտը`3.4 մլրդ դրամ ($ 7.2 մլն., 5.2%), կրթության ոլորտը`3.8 մլրդ դրամ ($ 7.9 մլն, 5.7 %): Ֆինանսական հատվածը շինարարության ոլորտին է ուղղել 250,5 մլն դրամի վարկեր ($ 525.7 հազ., 0.4%): Վերամշակող արդյունաբերությունը` 4,5 մլրդ դրամ (կապիտալ շինարարությանն ուղղված միջոցների 6.8%-ը), ջրամատակարման ոլորտն ուղղել է շուրջ 5 մլրդ դրամ (7.5%), տեղեկատվության և հաղորդակցության ոլորտը`3.8 մլրդ դրամ (5.7%), մեծածախ և մանրածախ առևտրի ոլորտը`2.6 մլրդ.դրամ (3,5%), մշակույթի ոլորտը`1,2 մլրդ.դրամ,  (1,9%), գյուղատնտեսության ոլորտը`887 մլն դրամ (1,3%), առողջապահության ոլորտը` ավելի քան 1 մլրդ դրամ (1.5%):

Դրամի միջին փոխարժեքը ԱՄՆ դոլարի նկատմամբ 2015 թվականի հունվար-ապրիլին կազմել է 476.46 դրամ /դոլար, իսկ միայն ապրիլին`474.07 դրամ /  դոլար: