Տնտեսագետ. ՀՆԱ-ի նկատմամբ պետպարտքի 60%-ի առաստաղը հաղթահարելու համար կառավարությունը ցանկանում է ստանալ լրացուցիչ ագրեգատներ

Կենտրոնական բանկի պարտքերն առանձնացնելով պետական պարտքից, ՀՀ կառավարությունը ցանկանում է, ավելի շուտ, ստանալ լրացուցիչ ագրեգատներ` ՀՆԱ-ի նկատմամբ պետպարտքի 60%-ի առաստաղը հաղթահարելու համար: Այս մասին հունիսի 26-ին Երևանում կայացած մամուլի ասուլիսում հայտարարել է ՀՀ Կենտրոնական բանկի նախկին նախագահ Բագրատ Ասատրյանը:

Նրա խոսքով, Հայաստանի օրենսդրությունը հստակ կարգավորում է պետական պարտքին վերաբերվող պրոբլեմները, որոնց համար ԿԲ-ն կառավարության հանդեպ պատասխանատվություն չի կրում, և հակառակը: Հարցը կրում է զուտ տեխնիկական բնույթ: Երկիրն արագորեն մոտենում է պետական պարտքի 60%-ի առաստաղին, և առաջացել է այդ շեմը հաղթահարելու անհրաժեշտությունը: Եվ եթե դա իրոք այդպես է, ուրեմն կառավարությունն զբաղված է «խարդախությամբ, նշել է Ասատրյանը, հավելելով, որ պարքը մնում է պարտք, և ոչ ոք չի կարող այն փոխել: «Կարող էին պարզ ասել, որ ուզում են պետական պարտքը հասցնել 70%-ին, այդ դեպքում ամեն ինչ հասկանալի կլիներ, այլ ոչ թե ընտրել ոլորանները»,-նշել է տնտեսագետը:

Հիշեցնենք, որ ՀՀ խորհրդարանը հաստատեց «Պետական պարտքի մասին» ՀՀ օրենքի փոփոխությունները: Մինչ այդ պետական պերտքը չպետք է գերազանցեր նախորդ տարվա ՀՆԱ-ի 60%-ը, իսկ 50%-ից անցնելու դեպքում`պետբյուջեի դեֆիցիտը չպետք է գերազանցեր վերջին երեք տարիների ՀՆԱ-ի 3%-ը: Ըստ նոր փոփոխությունների, պետական պարտք կարող է համարվել միայն կառավարության կողմից ներգրավված միջոցները, հաշվարկից դուրս թողնելով Կենտրոնական բանկին:

Ըստ ՀՀ Ազգային վիճակագրական ծառայության տվյալների, Հայաստանի պետական ​​պարտքը 2014 թվականի վերջին կազմել է 2 110 տրլն դրամ ($ 4.442 մլրդ), կամ ՀՆԱ-ի 46.6%-ը, ըստ որում, միայն արտաքին պարտքի մասնաբաժինը կազմել է ՀՆԱ-ի 39.7%-ը: 2015 թվականի ապրիլի 1-ին պարտքը հասավ 2.177 տրլն դրամի ($ 4.620 մլրդ), որտեղ արտաքին պարտքը կազմել է 1.849 տրլն դրամ ($ 3.924 մլրդ): Մասնավորապես, արտաքին պարտքի կառուցվածքում կառավարության մասնաբաժինն 2015 թվականի առաջին եռամսյակում աճել է` 88.4% -ից մինչև 89%, իսկ Կենտրոնական բանկի մասնաբաժինը նվազել է`11.6% -ից մինչև 11%: Հայաստանի ՀՆԱ-ն 2014-ին աճել է 3,4%, 2015-ի առաջին եռամսյակի աճը` 2.2%, իսկ պետական ​​պարտքն 2014-ին աճել է 13.4%, 2015-ի առաջին եռամսյակի աճը` 3,2%, իսկ արտաքին պարտքը 2014-ին ավելացել է13,7%, 2015-ի առաջին եռամսյակի աճը` 2.8%: Պետբյուջեի դեֆիցիտը 2014-ի վերջին կազմել է 31.8 մլրդ դրամ կամ ՀՆԱ-ի մոտ 1%-ը, 2015-ի առաջին եռամսյակում աճելով մինչև ՀՆԱ-ի 2,3%-ին: ՀՀ կառավարությունը կանխատեսում է, որ պետական ​​պարտքը 2014-ի $ 4,442 մլրդ-ից 2015-ին կաճի մինչև  $ 4.953 մլրդ: Արդյունքում, Հայաստանի պետական ​​պարտքի տարեկան աճը կկազմի 6%: 2015 թվականի պետբյուջեով երկրի արտաքին պարտքի աճը կանխատեսվում է մինչև $ 4,129 մլրդ: