Հինգշաբթի, 27 Օգոստոսի 2015 10:50

Միջազգային ֆինանսական կորպորացիան Հայաստանում ներկայացրել է իր ներդրումային պորտֆելը

Արմինֆո. Օգոստոսի 26-ին ՀՀ էկոնոմիկայի նախարարն ընդունել է Միջազգային ֆինանսական կորպորացիայի Հարավային Կովկասի տարածաշրջանային ղեկավարին:

Ինչպես տեղեկացնում է նախարարության մամուլի ծառայությունը, ողջունելով Յան Վան Բիլսենին, ՀՀ էկոնոմիկայի նախարարը շնորհակալություն է հայտնել Հայաստանի համար կարևոր նախագծերում Միջազգային ֆինանսական կորպորացիայի աջակցության համար (ՄՖԿ) և ընդգծել ՄՖԿ նոր նախաձեռնությունները քննարկելու պատրաստակամությունը:

Միջազգային ֆինանսական կորպորացիայի Հարավային Կովկասի տարածաշրջանային ղեկավար Յան Վան Բիլսենն հերթին շնորհակալություն է հայտնել ջերմ ընդունելության համար:

ՄՖԿ տարածաշրջանային ղեկավարը ներկայացրել է ՄՖԿ ներդրումային պորտֆելը և առանձնացրել իրենց համար հետաքրքրություն ներկայացնող մի քանի ոլորտներ:

Հանդիպման ընթացքում քննարկվել են Հայաստանում ներդրումային միջավայրի բարեփոխումների ծրագրի շրջանակներում մշակվող հայեցակարգը, ավիացիայի, քաղաքային տրանսպորտի ոլորտներում համագործակցության հնարավորությունները: Կարևորվել է ՄՖԿ ներկայացուցիչների կարծիքը «Հայաստան. Կայուն տնտեսական զարգացման ռազմավարություն. Ինովացիոն զարգացման ուղինե հայեցակարգի նախագծի վերաբերյալ: Առաջարկվել է նաև դիտարկել ՓՄՁ ԶԱԿ և ՄՖԿ միջև համագործակցության խորացման հնարավորությունը: ՄՖԿ տարածաշրջանային ղեկավար Յան Վան Բիլսենին են փոխանցվել Տնտեսական համագործակցության զարգացման կազմակերպության (ՏՀԶԿ) զեկույցները Հայաստանի Հարապետության ագրոբիզներսի և շինարարական նյութերի ոլորտների վերաբերյալ:

Հանդիպման վերջում շեշտադրվել է ՄՖԿ պատրաստակամությունը և հնարավորությունը ընդլայնել համագործակցությունը Հայաստանի հետ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Միջազգային ֆինանսական կորպորացիան Հայաստանում ներկայացրել է իր ներդրումային պորտֆելը