ԶԼՄ. ՀԷՑ նոր սեփականատերը մտադիր է փոխել ընկերության աշխատանքի սկզբունքները

Արմինֆո. «Հայաստանի էլեկտրական ցանցերե ընկերության նոր սեփականատերը ծրագրում է փոխել ընկերության գործելաոճը, հաղորդում է «Ժողովուրդըե։

Թերթը հիշեցնում է, որ հոկտեմբերի 1-ին ՀԷՑ-ը գնեց ռուսաստանաբնակ միլիարդատեր, «Տաշիր գրուպե ընկերության սեփականատեր Սամվել Կարապետյանը։ Վերջինս հայաստանյան շրջանակների հետ զրույցներում ասել է, որ մտադիր է վերացնել, այսպես կոչված, էլեկտրիկների ինստիտուտը։  ՀԷՑ-ը նախատեսում է ներդրումների միջոցով էլէներգիայի հաշվիչները միացնել մեկ ընդհանուր ցանցի, որի միջոցով այդ սարքերը ամսվա վերջին տվյալները ավտոմատ կհաղորդեն կայանին, արդյունքում էլեկտրիկ-սպառող շփում այլևս չի լինի։ ՀԷՑ-ի նոր սեփականատերը համոզված է, որ այդ նոր համակարգը ներդնելով՝ հնարավոր կլինի նվազեցնել էներգետիկ համակարգում էլեկտրական էներգիայի կորուստների ծավալները։ Հիշեցնենք, որ ներկայումս ՀԷՑ-ի կորուստները տարեկան կազմում են 12-ից 13 տոկոս, կամ նույն է թե՝ 25-ից 30 մլն դոլարե,–գրում է «Ժողովուրդըե։

Ավելի վաղ ՀՀ էներգետիկայի և բնական պաշարների նախարարությունը հաղորդել էր, որ «Հայաստանի էլեկտրական ցանցերե ընկերության սեփականատիրոջ պարտավորությունները վաճառքից հետո բավականաչափ ընդլայնվել են։ Գնորդ ընկերությունը, նախկինից բացի, ստանձնել է նաև նոր պարտավորություններ, որոնք էական նշանակություն կարող են ունենալ ՀԷՑ-երի ֆինանսական վիճակի բարելավման համար։ Մասնավորապես, սեփականատիրոջ պարտավորությունների մեջ է մտնում, առնվազն 2 տոկոսով նվազեցնել ընկերության տեխնոլոգիական կորուստները։  Մյուս կողմից՝ վերջինս պարտավոր է թույլ չտալ առևտրային կորուստների ավելացում՝ 2014-2015թթ. սակագնային տարվա համեմատ։ Առաջիկա 5 տարվա ընթացքում նոր սեփականատերը պետք է ներդնի միջազգային ISO ստանդարտներ, էապես բարելավի ընկերության որակի կառավարումը և էներգետիկայի համակարգը։ Գնորդը պարտավոր է պայմանագրերում ամրագրված ժամկետներում ապահովել ընկերության կողմից 100 տոկոս վճարումներ՝ արտադրողներին և ծառայություն մատուցողներին։ Ինչպես հայտնի է, ֆինանսական դժվարությունների հետևանքով, վերջին շրջանում նախկին սեփականատերը ի վիճակի չէր լինում ժամանակին և ամբողջությամբ կատարել այդ պայմանը։ Մի բան, ինչը խնդիրներ էր ստեղծում արտադրող կայանների և ծառայություններ մատուցող ընկերությունների համար։

Հիշեցնենք, որ ՀՀ հանրային ծառայությունները կարգավորող հանձնաժողովը հոկտեմբերի 1-ին համաձայնություն է տվել ՀԷՑ բաժնետոմսերի 100%-ը «Լիորմանդ Հոլդինգ Լիմիթիդե ընկերությանը վաճառքի գործարքին: Սեպտեմբերի 30-ին «Տաշիրե ընկերությունների խումբը և «Ինտեռ ՌԱՕե ընկերությունը համաձայնագիր են ստորագրել՝ Հայաստանի Հանրապետությունում էլեկտրաէներգետիկ ակտիվների առքուվաճառքի վերաբերյալ։ Կողմերը նաև պայմանավորվել են, որ «Հայաստանի էլեկտրական ցանցերե ՓԲԸ-ն և «Հրազդանի ՋԷԿե ԲԲԸ-ն շարունակելու են ամբողջ ծավալով կատարել իրենց կողմից նախկինում ստանձնած պարտավորությունները։ «Տաշիրե ընկերությունների խումբն ամբողջությամբ իր վրա է վերցնում ՀԷՑ-ի կառավարման գծով պարտականությունները։ Զարգացման հետագա պլանների մեջ է մտնում հակաճգնաժամային ծրագրի ներդրումը՝ ընկերության ֆինանսական գործունեության օպտիմալացման և «Հայաստանի էլեկտրական ցանցերե ՓԲԸ-ի ֆինանսա-տնտեսական վերահսկողությունն ուժեղացնելու նպատակով։ Նախատեսվում է իրականացնել նաև բաշխիչ ցանցերի սարքավորումների փուլային արդիականացում։ Հայաստանի Հանրապետության բնակչությանն աջակցելու նպատակով որոշում է ընդունվել հաջորդ տարվա ընթացքում սեփական միջոցների հաշվին՝ ՀՀ կառավարության հետ պարիտետային սկզբունքով, փոխհատուցել բարձրացած և մինչև 2015թ. օգոստոսի 1-ը գործող սակագնի տարբերությունը՝ բնակչության և փոքր բիզնեսի համար։ ՀՀ Հանրային ծառայությունները կարգավորող հանձնաժողովը հունիսի 17-ին ընդունել էր էլեկտրաէներգիայի գները զգալիորեն բարձրացնելու մասին որոշում: Հունիսի 19-ին սկսվեցին բողոքի լայնամասշտաբ ակցիաները: Դրանից հետո երկրի նախագահ Սերժ Սարգսյանը հայտարարեց, որ «Հայաստանի էլցանցերե ՓԲԸ-ում կանցկացվի միջազգային աուդիտ, իսկ մինչև դրա ավարտը կառավարոթյունն իր վրա կվերցնի էլեկտրաէներգիայի «սակագների բարձրացման բեռըե: Դրանից հետո Ինտեր ՌԱՕ ընկերությունն սկսեց իր ակտիվները վաճառելու համար փնտրել գնորդի: