ՎԶԵԲ-ը Հայաստանի 2015 թվականի տնտեսական աճի կանխատեսումը բարելավել է մինչև դրական 1-3%

Արմինֆո. Վերակառուցման և զարգացման եվրոպական բանկը (ՎԶԵԲ) Հայաստանի 2015 թվականի ՀՆԱ կանխատեսումը բարելավել է` մինչև 1-3%: Այդ նախնական կանխատեսումը հոկտեմբերի 14-ին հնչեցրել է  ՎԶԵԲ երևանյան գրասենյակի ղեկավար Մարկ Դեյվիսը (Mark Davis), հիշեցնելով, որ մայիսյան կանխատեսման համաձայն` սպասվում էր 1.5% անկում, ինչը մյուս միջազգային կազմակերպույթւոնների կանխատեսումների համեմատ ամենահոռետեսականն էր: Նա հավելել է նաև, որ Հայաստանի մակրոտնտեսական ցուցանիշների վերջնական կանխատեսումները կհրապարակվեն հոկտեմբերի վերջին:

«Նախորդ կանխատեսումը հիմնված էր Ռուսաստանում տիրող բարդ տնտեսական իրավիճակի բացասական ազդեցության վրա, որի տնտեսության համար մենք կանխատեսել էինք 4% անկում, ինչպես նաև հիմնված էր ներդրումների և տրանսֆերտների արձանագրված անկման, բնակչության գնողունակության նվազման և տարածաշրջանի երկրների ազգային արժույթների արժեզրկման վրա: Սակայն, տարվա ընթացքում սկսեցին ստացվել դրական իմպուլսներ, Հայաստանի տնտեսությունն այդ մարտարավերների նկատմամբ ցուցադրեց տոկունությունե,-նշել է Մ.Դեյվիսը: Մասնավորապես, ընթացիկ տարում արձանագրվեց գյուղատնտեսական համախառն արտադրանքի աննախադեպ աճ, ինչպես նաև հանքահոմքային արդյունաբերության էական աճ, ինչը պայմանավորված էր պղնձի նոր հանքավայրի շահագործման մեկնարկով: Արդյունքում, տնտեսական ակտիվությունը 2015 թվականի օգոստոսի վերջին ցուցադրեց 4.2% տարեկան աճ, իսկ հունվար-օգոստոսին, 2014 թվականի նույն ժամանակահատվածի համեմատ` 4.1% աճ:

«Սակայն, այս գործոնները կրում են միանվագ բնույթ, և երկիրն առաջիկայում պետք է պատրաստ լինի տարածաշրջանային սթրեսներինե,-ընդգծել է ՎԶԵԲ ներկայացուցիչը:

Ավելի վաղ, Արժույթի միջազգային հիմնադրամը կտրուկ փոխել էր Հայաստանի տնտեսության աճի կանխատեսումը` լճացումից մինչև 2.5% աճ, 2016-ին դանդաղելով մինչև 2.2%: Ըստ Համաշխարհային բանկի (ՀԲ) վերջին կանխատեսման, Հայաստանի տնտեսական աճը 2015 թ. կլինի 0.8%, նախկինում կանխատեսված 3.3%-ի փոխարեն: Վերակառուցման և Զարգացման Եվրոպական բանկը (EBRD) իր կանխատեսումը զրոյից իջեցրեց մինչև մինուս 1,5%, Ասիական զարգացման բանկի կողմից Հայաստանի 2015 թվականի ՀՆԱ-ի կանխատեսումը կազմել էր 1.6%, իսկ Եվրասիական զարգացման բանկը` 0,8%: Moody`s միջազգային վարկանիշային գործակալությունն իր վերջին զեկույցում Հայաստանի ՀՆԱ աճը կանխատեսել էր 2,3%, իսկ Fitch-ը վերանայեց իր կանխատեսումը, դեպի 1.5% աճի կողմը, նախկինում կանխատեսված դանդաղ ռեցեսիայի և ՀՆա-ի 0.5% անկման փոխարեն:

ՀՀ Կենտրոնական բանկի կանխատեսման, 2015 թ., տնտեսական աճը Հայաստանում կարագանա` 2.8-3.6%, նախորդ` 1,6-2.6% դանդաղման կանխատեսման փոխարեն: 2016 թ. տնտեսական աճը կմնա գրեթե նույն մակարդակի վրա` 2.5-3.4%, բայց 2017-ից կսկսի աստիճանաբար արագանալ` 3,5-4.5%:

«Հայաստանի Հանրապետության 2015 թվականի պետական բյուջեի մասինե Օրենքով երկրի ՀՆԱ-ի աճը կանխատեսվում է 4.1%, իսկ գնաճը` 4% (± 1,5%), ՀՆԱ-ի անվանական մեծությունը` 4867,5 մլրդ.դրամ, իսկ ՀՆԱ-ի դեֆլյատորը` 3.3%: ՀՀ Ազգային վիճակագրական ծառայության տվյալներով, տնտեսական ակտիվությունը Հայաստանում 2015 թվականի հունվար-հուլիսին աճել է 4.2%, իսկ միայն հուլիսին` 9.2%: