Վ.Ալոյան. ՀԿԵ-ն ամենաշահագրգիռ կողմն է ցանկացած ուղղությամբ երկաթուղային հաղորդակցության բացման գործում

Արմինֆո.  «Հարավկովկասյան երկաթուղիե ՓԲԸ ամենաշահագրգռված կողմն է ցանկացած ուղղությամբ` դեպի Ռուսաստան, Թուրքիա, Իրան, երկաթուղային հաղորդակցմության բացման գործում, քանի որ դա կնշանակեր մեկ բան. փոխադրումների ծավալների ավելացում և, որպես հետևանք` երկաթուղու եկամուտների ավելացում: Այդ մասին հայտարարել է ՀԿԵ հասարակայնության հետ կապերի ծառայության ղեկավար Վարդան Ալոյանը ԱրմԻնֆո-ի թղթակցի հետ հարցազրույցում, հերqելով Միջազգային և անվտանգության հարցերի հայկական ինստիտուտի փորձագետի այն հայտարարությունը, թե ՀԿԵ շրջափակում է Թուրքիայի, Ռուսաստանի և Իրանի ուղղությամբ երկաթուղային ուղղությունների բացումը, քանի որ դա իր համար ձեռնտու չէ: Փորձագետը, մասնավորապես, ընկերությանը մեղադրել էր այն բանի համար, որ ճանապարհներն անմխիթար վիճակում են, հարկավոր է վերանորոգել 40 կամուրջ, և, բացի Համաշխարհային բանկի միջոցներով վերանորոգված 72 կմ տեղամասից, մյուս բոլոր ճանապարհները վերականգնման կարիք ունեն:

«Այո, այդ հոդվածում կան թվեր, որոնցից մի քանիսը միանգամայն ստույգ են: Օրինակ` թե որքանով են նվազել մեր փոխադրումների ծավալներն այս տարի: Սակայն կան թվեր, որոնք կասկածելի են և իրականությանը չեն համապատասխանում: Օրինակ, ես հետաքրքվել եմ ընկերության հին աշխատակիցներից, թե Համաշխարհային բանկը երբ է փող տվել Հայկական երկաթուղու գծերի վերանորոգման համար: Ասում են, կարծես, 90-ական թվականներին, սակայն դա 25 տարի առաջ էր: Իսկ այն մասին, որ 2008 թվականից ընկերությունը միայն 77,6 մլրդ դրամ է ծախսել ենթակառուցվածքի վերականգնման համար, վերանորոգել է 440 կմ գծեր, փոխել է 700 հազար փայտակոճ` ոչ մի խոսք: Իսկ 250 մ երկարությամբ Զամանլուի կամուրջը, որը շահագործման էր հանձնվել դեռ 1898 թվականին և այլևս չէր վերանորոգվել, գործնականում, նորից կառուցվել է: Այսօր Երևան-Թբիլիսի գնացքը ճանապարհին ավելի քիչ ժամանակ է ծախսում, քան 2008 թվականին` նույն ճանապարհն անցնելով 6 ժամում: Ընդ որում, արագության մեծացումն ապահովվում է միայն հայկական տեղամասի հաշվինե, - նշել է ԵԿՀ ներկայացուցիչը` ընդգծելով նաև ճանապարհի անվտանգության մակարդակի բարձրացումը: Եթե 2009 թվականին կար 96 զառիվայր, ապա անցյալ տարի` ընդամենը 6-ը: Այս ամենը ներդրումների արդյունավետության և ենթակառուցվածքի փաստացի վիճակի ցուցանիշներ են: «Հարկ է նշել, որ մենք արդեն Հայաստանում անցկացնում ենք, գործնականում, շարժակազմի գործարանային վերանորոգում: Շոգեքարշերը և էլեկտրաքարշերը վերանորոգում են մեր մասնագետները` առանց արտաքին օգնության ներգրավման: Չեմ ուզում ընթերցողին ձանձրացնել թվերով, իսկ եթե լրագրողներին և փորձագետներին դրանք հարկավոր են, մենք միշտ բաց ենք երկխոսության համարե, - ընդգծել է Ալոյանը, հիշեցնելով, որ ՀԿԵ-ն ի զորու չէ ազդել աշխարհաքաղաքական գործընթացների վրա աշխարհում: «Անհեթեթություն է մեզ մեղադրել այն բանի համար, թե իբր մենք հարվածում ենք մեր իսկ շահին: Իմա՟ստը: Չէ որ մենք, նախ և առաջ, գործարար կառույց ենք: Ասեմ, որ երբ ուսումնասիրվում էր հայ-թուրքական սահմանի բացման հնարավորությունը, մենք անմիջապես վերանորոգեցինք դեպի Կարս տանող ճանապարհի մեր տեղամասը: Եթե կայացվի այդ հարցի շուրջ քաղաքական որոշում, մենք պատրաստ ենք գնացքներ գործարկել այդ ուղղությամբ: Ինչ վերաբերում է Իրան-Հայաստան նախագծին, ՀԿԵ-ն ստորագրել է համապատասխան հուշագիր, և եթե ճանապարհը կառուցվի, մենք կարող ենք ինտեգրվել նոր ենթակառուցվածքի պայմաններումե, - ընդգծել է Ալոյանը, հավելելով, որ ընկերությունը փոխգործակցում է Տնտեսական մրցակցության պաշտպանության պետական հանձնաժողովի հետ: «Այս տարի ապրիլից հանձնաժողովը չափազանց մանրակրկիտ կերպով ստուգել է ՀԿԵ-ն: Դրանից հետո պաշտոնական կարգով հայտնաբերված խախտումների մասին մենք տեղեկացանք մամուլից, մեզ այդ մասին չէր հաղորդվել: Բնականաբար, մենք էլ ունենք թույլ տեղեր և թերություններ: Մենք դրանց մասին գիտենք և աշխատում ենք դրանք շտկելու ուղղությամբ: Սակայն, ընդհանուր առմամբ, զարգացման հիմնական վեկտորը ճիշտ է ընտրված: Այդ մասին խոսվել է նաև վերջերս «ՌԵՈՒե ԲԲԸ նախագահ Օլեգ Բելոզյորովի հետ Հայաստանի նախագահ Սերժ Սարգսյանի հանդիպման ժամանակ, օրերս դա նշել է նաև ՀՀ տրանսպորտի և կապի նախարար Գագիկ Բեգլարյանը` խորհրդարանում: Բոլոր վիճելի հարցերի շուրջ մենք փոխգործակցում ենք ՀՀ տրանսպորտի և կապի նախարարության հետ, մասնավորապես, սկսել ենք կոնցեսիոն պայմանագրին կից լրացուցիչ համաձայնագրի նախապատրաստման աշխատանքըե, - նշել է պարոն Ալոյանը:

«ՀԿԵե ՓԲԸ-ն «Ռուսական երկաթուղիներե ԲԲԸ-ի 100% դուստր ընկերությունն է և իրակնացնում է հայկական երկաթուղիների կոնցեսիոն կառավարում` 2008 թվականի փետրվարի 13-ին Երևանում «Հայկական երկաթուղիե ՓԲԸ-ն «ՀԿԵե ՓԲԸ-ի կառավարմանը հանձնելու մասին  «Ռուսական երկաթուղիներե ԲԲԸ-ի և Հայաստանի Հանրապետության միջև կնքված կոնցեսիոն պայմանագրի համաձայն: Կոնցեսիոն կառավարման ժամկետը 30 տարի է, քսան տարվա աշխատանքից հետո ևս 10 տարի երկարաձգման իրավունքով` կողմերի փոխադարձ համաձայնությամբ: