Bloomberg-ի կանխատեսում. 2016 թվականին Հայաստանը ՀՆԱ-ի 2.5% աճով առաջ կանցնի Ադրբեջանից, բայց կզիջի Վրաստանին

Արմինֆո.  Ըստ Bloomberg-ի կողմից իրականացվող 93 երկրների հունվարյան կանխատեսումների, 2016 թվականին Հայաստանը ՀՆԱ-ի 2.5% աճով առաջ կանցնի Ադրբեջանից (2.4%), բայց կզիջի Վրաստանին (3%): Հայաստանի կանխատեսումների նման կանխատեսումներ են Bloomberg-ի կողմից տրվել նաև Բուլղարիային, ԱՄՆ-ին և Էստոնիային (2016-ին ՀՆԱ աճը` 2.5%, 51 տեղ կամ 28 տեղ` առանց կանխատեսման միատեսական ցուցանիշների):

Bloomberg-ի փորձագետները ՀՆԱ-ի անկում են կանխատեսում 5 երկրներում, այդ թվում` Ռուսաստան – 0.5%, Էկվադոր – 0.5%, Հունաստան – 1.8%, Բրազիլիա – 2.5% (75% ռեցեսիայով), իսկ ամենավատ կանխատեսումը տրվել է Վենեսուելային - 3.3%, ինչը հիմնականում պայմանավորված է նավթի գների անկումով: Նրանց կարծիքով, կշարունակի անկումը նաև Բրազիլիայի տնտեսությունը, իսկ Հունաստանի պրոբլեմների պատճառն արտաքին պարռտքերն են և փախստակաների ներհոսքը Սիրիայից: Վերլուծաբանները Ռուսաստանի համար կանխաըեսում են 65% ռեցեսիա և տնտեսական անկում` ԱՄՆ և ԵՄ պատժամիջոցների, ինչպես նաև նավթի ցածր գների հետևանքով: Արգենտինայի տնտեսության գծով Bloomberg-ը կանխատեսում է 0% ստագնացիա և 60% ռեցեսիա: ՀՆԱ աճի ցածր ցուցանիշներ կունենան նաև Ճապոնիան և Ֆինլանդիան – 1% (առաջինի ռեցեսիան կկազմի 30%), Խորվաթիան – 1.1% (ռեցեսիան` 22%), Շվեյցարիան – 1.2% (ռեցեսիան` 20%): Ընդ որում, Ֆինլանդիան տուժել է Ռուսաստանի հետ աշխարհագրական մոտիկությունից և տնտեսական սերտ կապերից, իսկ Շվեյցարիայի արժութային քաղաքականոթյունը վնասել է երկրի արտահանմանը և տուրիզմին:

Համաձայն Bloomberg գործակալության կանխատեսման, ցուցակի առաջատարն է Հնդկաստանը, 7.4% աճով: Նրան հաջորդում են` Վիետնամը և Բանգլադեշը (6.6%), Չինաստանը (6.5%, 12% ռեցեսիա), Շրի Լանկան (6.4%), Քենիան և Պանաման (6 1%), Ֆիլիպինները (6%) և Ուգանդան (5.6%): Առաջին տասնյակը եզրափակում է Դոմինիկյան Հանրապետությունը` 5,4%:

Նշենք, որ Համաշխարհային բանկի հունվարի կանխատեսումով Հայաստանում տնտեսական աճը 2016-ին սպասվում է 2.2%, ինչը բարձր է Ադրբեջանի ցուցանիշից (0,8%), սակայն ավելի ցածր է, քան Վրաստանում (3%): Ավելին, 2015 թվականի համեմատ Համաշխարհային բանկը Հայաստանում կանխատեսում է տնտեսական աճի աննշան դանդաղեցում (2.5%), Ադրբեջանում`ավելի արագ կկրճատվի (2%), մինչդեռ Վրաստանում սպասվում է աճի արագացում (2, 5%): Արժույթի միջազգային հիմնադրամը կտրուկ փոխել էր Հայաստանի տնտեսության աճի կանխատեսումը` լճացումից մինչև 2.5% աճ, 2016-ին դանդաղելով մինչև 2.2%: Վերակառուցման և Զարգացման Եվրոպական բանկը (EBRD) իր կանխատեսումը մինուս 1,5%-ից բարձրացրել էր մինչև դրական`2.3%, իսկ 2016-ին` 2%:

Նշենք, որ ՀՀ Կենտրոնական բանկի 2015 թվականի 4-րդ եռամսյակի դրամավարկային քաղաքականության ծրագրով Հայաստանի 2015 թ., տնտեսական աճի կանխատեսումը վերանայվել է դեպի արագացում` 3.2-3.9%, որը 2016-ին կդանդաղի մինչև 1.6-2.7%: Վերջինը պայմանավորված կլինի գյուղատնտեսական և արդյունաբերական ապրանքների համախառն աճի դանդաղումով, ինչպես նաև ծախսերի պահպանման ցածր մակարդակով, հակառակ ակնկալվող ներքին և արտաքին պահանջարկի աճին` ՌԴ-ից ներհոսող տրանսֆերտների ավելացման արդյունքում, Հայաստանի գործընկեր-երկրների տնտեսությունների որոշակի ակտիվացման և դրամավարկային պայմաների մեղմման հաշվին:

ՀՀ Ազգային վիճակագրական ծառայության տվյալներով, տնտեսական ակտիվությունը Հայաստանում 2015 թվականի հունվար-նոյեմբերին դանդաղել է` 3.8-ից մինչև 2.9%, ինչը հետևանք է առևտրի ծավալների անկման, ինչպես նաև շինարարության ոլորտի ծավալների և ծառայույթունների ծավալների զգալի կրճատման, գյուղատնտեսության և արդյունաբերությնա ցածր ծավալներին զուգահեռ: Հայաստանի արտաքին առևտրի շրջանառությունը 2015 թվականի հունվար-նոյեմբերին կրճատվել է 20.6%, մասնավորապես, արտահանումը կրճատվել է 4.7%, իսկ ներմուծումը` 26.2: