Ճապոնիայի կողմից ֆինանսավորվող «Մեկ գյուղ – մեկ արտադրություն» ծրագիրը Հայաստանում կստացանա իր շարունակությունը

Արմինֆո. Ճապոնիայի միջազգային համագործակցության գործակալության կողմից ֆինանսավորվող «Մեկ գյուղ – մեկ արտադրանք» ծրագիրը Հայաստանում կստացանա իր շարունակությունը: Այդ մասին հունվարի 18-ին Երևանում, «Տեղական արտադրության զարգացում և տեղական ապրանքանիշերի առաջմղում Հայաստանում» կոնֆերանսի շրջանակներում, պատասխանելով ԱրմԻնֆո գործակալության հարցին, հայտարարել է ծրագրի գլխավոր մասնագետ Ակիհիրո Ցուկամոտոն (Akihiro Tsukamoto):

Նրա խոսքով, Հայաստանի և Ճապոնիայի միջև նոր համաձայնագրի նախագիծն արդեն պատրաստ է, որը, հավանաբար, կստորագրվի այս տարվա ընթացքում, բայց կիրառման ժամկետները դեռ հայտնի չեն: 2016 թվականին կֆինանսավորվեն սկսնակ գործարարների նախագծերը, 74 մլն.դրամ ընդհանուր գումարով: Աջակցություն կստանան նաև տուրիզմի ոլորտի 11 ընկերություններ` 46.5 մլն.դրամ ընդհանուր գումարով: 2016 թվականի փետրվարի 1-ից յուրաքանչյուր վարկի չափը կկազմի մինչև 7 մլն.դրամ, ներկայիս 5 մլն. դրամի փոխարեն:

Ծրագրի իրականացման անցյալ 3 տարիներին 2 մլն.դոլարի աջակցություն է ցուցաբերվել փոքր և միջին բիզնեսի ձեռնարկություններին, որից օգտվել է 250 ձեռնարկություն, հիմնականում – նորաստեղծ: Աջակցությունը հիմնականում ցուցաբերվել է ջրի արտադրության, գինեգործության, պանրի արտադրության և տուրիզմի ոլորտների ձեռնարկություններին: Միջոցները տրամադրվել են 100% երաշխիքով, տարեկան 10% տոկոսադրույքով և 5 տարի մարման ժամկետով: Գլխավոր մասնագետը տեղեկացրել է նաև, որ 2016 թվականի փետրվարի 1-ից յուրաքանչյուր վարկի չափը կհասնի մինչև 7 մլն. դրամ:

Ակիհիրո Ցուկամոտոն ընդգծել է, որ գործակալության կողմից տարբեր երկրներում իրականացված դիտարկումների արդյունքում Հայաստանում իրականացվող ծրագիրը ճանաչվել է լավագույններից մեկը: Հայաստանի ՓՄՁ ոլորտի օրենսդրությունը հիմնականում համապատասխանում է Ճապոնիայի օրենսդրությանը:

Նշենք, որ Ճապոնիայի միջազգային համագործակցության գործակալությունը 1997 թվականից Հայաստանին ցուցաբերում է տեխնիկական և ֆինանսական օգնություն: Խոսքը, առաջին հերթին, գնում է ոչ մեծ դրամաշնորհային ծրագրերի մասին, որոնք ներկա դրությամբ արդեն գերազանցել են 2.5 մլրդ.յենան: Բայց կան նաև խոշոր վարկային համաձայնագրեր: 2005 թվականի մարտի 29-ին Հայաստանի կառավարության և Ճապոնիայի միջազգային համագործակցության բանկի միջև ստորագրվեց  «Երևանի համակցված շոգեգազային ցիկլով էլեկտրակայանի(էներգաբլոկ) նախագիծ» ARM-P2 վարկային համաձայնագիրը, որը շահագործման է հանձնվել 2010 թվականին: Նշված նախագծի շրջանակներում բանկը ՀՀ կառավարությանը տրամադրեց 15918 մլն.ճապոնական յենայի չափով պետական օժանդակության վարկ, 0.75% արտոնյալ տոկոսադրույքով, 40 տարի մարման (10 տարին` արտոնյալ) ժամկետով: Համաձայնագիրը ՀՀ ԱԺ կողմից վեվարացվեց 2005 թվականի հուլիսի 27-ին: Ներկայումս Երևանի ՋԷԿ-ի ևս մի բլոկի շինարարության նպատակով նոր վարկի ներգրավման ուղղությամբ ընթանում են բանակցություններ: