Արմինֆո. Հայաստանի կառավարությունը 500.9 հազար եվրո կտրամադրի Վեդու ջրամբարի կառուցման մրցութային փաստաթղթերի նախապատրաստման համար: Համապատասխան որոշում է կայացվել փետրվարի 25-ին: Միջոցները կտրամադրվեն փաստաթղթերի փաթեթի նախապատրաստման համար` ամենակարճ ժամկետում շինարարությունն սկսելու նպատակով:
Հիշեցնենք, որ Ֆրանսիան` ի դեմս Զարգացման ֆրանսիական գործակալության, 75 մլն եվրո վարկ կտրամադրի Հայաստանին Վեդու ջրամբարի կառուցման համար: Նախագծի շրջանակում նախատեսվում է կառուցել 85 մ բարձրությամբ և 29 մլն խմ տարողությամբ ամբարտակ, ինչի արդյունքում կհաջողվի իրականացնել 3,2 հազարի հա տարածքի ոռոգում: Ընդհանուր առմամբ, շինարարական աշխատանքները կշարունակվեն շուրջ 4 տարի: Նոր ջրամբարը կստեղծվի Վեդի և Խոսրով գետերի տարեկան ջրհոսքը կարգավորելու համար` հետագայում Արարատյան հարթավայրի մերձակա հողատարածքների ոռոգման նպատակով օգտագործելու համար: Ինչպես ԱրմԻնֆո-ի թղթակցին հաղորդել է ջրային պաշարների հայտնի անկախ փորձագետ Քնարիկ Հովհաննիսյանը, ջրամբարի շահագործման գործընթացում հնարավոր կլինի ոռոգել դեգրադացման եզրին հայտնված հողերը: Նա նշել է, որ արդյունքում կփոխվի ջրամբարին հարող տարածքի միկրոկլիման, կմեծանա օդի խոնավությունը և էապես կբարելավվի տեղի բնակչության սոցիալ-տնտեսական վիճակը: Նա հիշեցրել է, որ Վեդու ջրամբարից զատ կառավարության ծրագրերը ներառում են առաջիկա տարիներին Կապսի, Եղվարդի, ինչպես նաև Սելավ-Մաստարայի ջրամբարների կառուցում:
