Արմինֆո. Լոռու մարզի Դեբեդ համայնքում SMART կենտրոնի կառուցման առաջին փուլի աշխատանքները կավարտվեն այս տարվա նոյեմբերին: Այդ մասին վարչապետ Հովիկ Աբրահամյանին հաղորդվել է մայիսի 4-ին Լոռու և Տավուշի մարզեր աշխատանքային այցի ընթացքում:
Ինչպես ԱրմԻնֆո-ին հաղորդել են կառավարության տեղեկատվության և հասարակայնության հետ կապերի վարչությունից, կառավարության ղեկավարի առաջին կանգառը եղել է Դեբեդ համայնքում, որտեղ Հովիկ Աբրահամյանը ծանոթացել է SMART կենտրոնի կառուցման շինաշխատանքների ընթացքին: Տեղեկացվել է, որ «Հայաստանի մանուկներ»հիմնադրամի ֆինանսավորմամբ ՏՏ կենտրոնի կառուցման նպատակով ներդրվելու է ավելի քան 3 մլն դոլար: Կենտրոնն ուղղված է լինելու մարզում ինովացիոն ենթակառուցվածքների զարգացմանը, նորագույն տեխենոլոգիաների մշակմանը, որոնք կներդրվեն արդյունաբերության տարբեր ճյուղերում:
