Ամուլսարի ոսկու  հանքավայրը յուրացնող Գեոթիմ ՓԲԸ-ն անվանափոխվել է Լիդիան Արմենիա ՓԲԸ-ի  

Արմինֆո. Ամուլսարի ծրագիրը մտնում է նոր փուլ և այս կապակցությամբ ընկերությունը որոշում է կայացրել անվանափոխել Լիդիան Ինթերնեյշնլ Լիմիթեդ ընկերության դուստր կազմակերպություն հանդիսացող Գեոթիմ ՓԲԸ-ն Լիդիան Արմենիա ՓԲԸ-ի:  

Ինչպես ԱրմԻնֆո-ին հաղորդեցին Լիդիան Արմենիա ընկերությունից, որոշումը կայացվել է հաշվի առնելով այն հանգամանքը, որ Հայաստանում աշխատող թիմը ընդլայնվելու է, դառնալով երկրում խոշորագույն ներդրումային ծրագրի՝ Ամուլսարի վրա աշխատող մեծ թիմ, որը ներառելու է Գեոթիմի, Լիդիան Ինթերնեյշնլի, կապալառուների թիմը: Ամուլսարի ծրագիրը ներկայացնելու համար ընկերությանը անհրաժեշտ էր մեկ անվանում, անվան հետ կապված շփոթմունքներից խուսափելու համար:   

Ավելի քան 10 տարի Լիդիան Ինթերնեյշնլը ներկայացրել է Ամուլսարի ծրագիրը և Հայաստանը համաշխարհային շուկայում,  Լիդիան անվանումը ձեռք է բերել մեծ ճանաչում: Ընդհանուր անունը հնարավորություն կտա Ամուլսարի ծրագրին ներկայանալու մեկ անվամբ և տարբերանշանով:  

Գեոթիմի անվանափոխությունը Լիդիան Արմենիայի որևէ այլ իրավական փոփոխություն չի ենթադրում: Ընկերությունը կշարունակի աշխատել նույն իրավական պայմաններով, ինչպես և գործում էր նախորդ անվանմամբ: Լիդիան Ամենիա ՓԲԸ-ն (նախկինում՝ Գեոթիմ ՓԲԸ-ն) գրանցված է Հայաստանում և ընկերության վրա տարածվում են Հայաստանյան բոլոր օրենքները:
Ավելի վաղ հաղորդվել է, որ Վերակառուցման և զարգացման եվրոպական բանկը (ՎԶԵԲ) լրացուցիչ թողարկման շրջանակում 11.390 մլն կանադական դոլարով (1 բաժնետոմսի դիմաց 0,34 կանադական դոլար) ձեռք է բերում Lydian International-ի 33,500,000 սովորական բաժնետոմսեր` մեծացնելով իր բաժնեմասը ընկերության կանոնադրական կապիտալում: Ինչպես ԱրմԻնֆո-ին հաղորդել են ընկերությունում,  Lydian International Limited տնօրենների խորհուրդը հուլիսի 21-ին հաստատել է այդ փաթեթի մասնավոր տեղաբաշխման (Private Placement) պայմանները: Այդ ներարկումների նպատակը Ամուլսարի ոսկու կորզման նախագծի բնապահպանական և սոցիալական ներգործության կառավարման միջոցառումների իրականացումն է:

Ներկայում ՎԶԵԲ-ը տնօրինում է ընկերության 12,038,780 սովորական բաժնետոմսերի, ինչը կազմում է ներկայում թողարկված և շրջանառության մեջ գտնվող սովորական բաժնետոմսերի շուրջ 1,8%: Տեղաբաշխման ավարտին ՎԶԵԲ-ը կտնօրինի ընկերության 45,538,780 սովորական բաժնետոմսեր, ինչը կկազմի թողարկված և տեղաբաշխված սովորական բաժնետոմսերի շուրջ 6,5%:

Lydian International Limited նախագահ և գործադիր տնօրեն Հովարդ Սթիվենսը նշել է, որ այդ ներդրումները կարևոր դեր են խաղում, առավել ևս, ընկերության` մշակողի կարգավիճակից արտադրողի կարգավիճակի անցման փուլում: Լրացուցիչ ֆինանսական ներարկումները կուղղորդվեն բնապահպանական ծրագրերի և սոցիալական ներգործության մեղմման այլ միջոցառումների ֆինանսավորմանը, այդ թվում կենսաբազմազանության պահպանման ֆինանսավորման ծրագրին, ջրի մաքրման կայանքի տեղադրմանը, ինչպես նաև Ամուլսարի նախագծի շրջանակում անցկացվող այլ միջոցառումներին: Ամուլսարի հանքավայրի շինարարության նախագծի իրագործումը մանրազնին կվերահսկվի բանկի և անկախ ֆինանսնական խորհրդատուների կողմից:

Ավելի վաղ «Գեոթիմե ՓԲԸ տնօրեն Հայկ Ալոյանը ԱրմԻնֆո-ի հետ զրույցում հայտարարել է, որ այդ միջոցառումներն իրականացվում են Ամուլսարի հանքավայրի զարգացման շրջանակում և լեռնահանքային արդյունաբերության լավագույն համաշխարհային ստանդրատներին համապատասխան:  «Գեոթիմն ու Լիդիան ինթերնեյշնլը պարտավորվել են իրականացնել Ամուլսարի բնապահպանական և սոցիալական կառավարումը միջազգային լավագույն փորձի հիմնա վրա», - նշել է Ալոյանը: Նրա խոսքով, օրերս իրականացված փոփոխված Բնապահպանական և սոցիալական ազդեցության գնահատման հրապարակումը և բազմաթիվ շահագրգիռ կողմերի հետ մանրակարկիտ քննարկումները ևս մեկ քայլ են Ամուլսարը համաշխարհային կարգի լավ կառավարվող հանք դարձնելու ուղղությամբ: «ԹեԲմեր ինստիտուցիոնալ ներդրողները, մասնավորապես IFC-ն և ՎԶԵԲ-ը, թեԲ ընկերության ղեկավարությունը պարտավորություն են ստանձնել հանքը զարգացնել հանքարդյունաբերության միջազգային լավագույն փորձի չափանիշներով: Այսօր հանքարդյունաբերությունը աշխարհում ներդրել է ժամակակակից, գործնական տեխնոլոգիական միջոցներ՝ ապահովելու հանքերի անվտանգ գործունեությունը և ես վստահ եմ, որ Հայաստանը նույնպես կարող է ունենալ ժամանակակից և անվտանգ հանքարդյունաբերություն: Ամուլսարը այդ ուղղությամբ կարևոր քայլ կլինի: Ուզում եմ նաև շեշտել, որ մինչ հանքային ոլորտը աշխարհում տնտեսական բացասական ցիկլի մեջ է, Լիդիանին այդուհանդերձ հաջողվել է ապահովել ծրագրի շինարարության համար անհրաժեշտ ներդրման մեծ մասը: Ծրագիրը զգալի օգուտներ կբերի ևԲ բաժնետերերին, ևԲ Հայաստանի տնտեսությանը», - ասել է Ալոյանը:  

Նշենք, որ ՎԶԵԲ 2009 թվականից կարևոր ռազմավարական ներդրող է Lydian International Limited համար: Եվրաբանկն արդեն աջակցել է ընկերությանը նախորդ չորս տեղաբաշխումների շրջանակում: Մշտական աջակցություն է տրամադրվում լեռնահանքային արդյունաբերության առաջավոր միջազգային փորձի մշակման և ներդրման առումով: ՎԶԵԲ-ը հետևողականորեն աջակցություն է ապահովում  Lydian International Limited-ի հանքավայրերի հետախուզնման և մշակման ծրագրերին:

Նշենք, որ 2005 թվականին Մեծ Բրիտանիայում հիմնադրված Lydian International ընկերությունը հանդես է գալիս որպես հայկական «Գեոթիմե ՓԲԸ միակ բաժնետեր, որն ունի Ամուլսարի ոսկու հանքավայրի մշակնան լիցենզիա: Մայիսի 17-ին հրապարակել է Ամուլսարի նախագծի Բնապահպանական և սոցիալական ազդեցության գնահատման (ԲՍԱԳ) թարմացված տարբերակը, որը աննախադեպ է Հայաստանի համար: Փաստաթուղթը, որի մշակմանը մասնակցել են Wardell Armstrong International, Golder Associates, TEC, ERM, Sharde Resoursec, Shape Consulting միջազգային անկախ փորձագիտական ընկերությունները, ինչպես նաև հայկական մի շարք գիտահետազոտական ինստիտուտներ և  կազմակերպություններ, նախապատրաստվել է Միջազգային ֆինանսական կորպորացիայի (IFC) և Վերակառուցման և զարգացման եվրոպական բանկ(ի (EBRD) պահանջներին համապատասխան: Հիշեցնենք, որ 2006 թվականից ի վեր նախագծի շրջանակներում  երկրաբանահետախուզական և այլ աշխատանքների համար ներդրումները կազմել են արդեն շուրջ 80 մլն դոլար: Կարևոր բաժնետերերն են միջազգային ինստիտուցիոնալ ներդրողներ IFC և EBRD: Ընկերությունը ծրագրում է 2016-2018 թվականներին շուրջ 370 մլն դոլար ծավալի կապիտալ ներդրումներ իրականացնել Ամուլսարի նախագծում, որի տեխնիկատնտեսական հիմնավորման համաձայն (Feasibility Study) ոսկու հաստատված պաշարները հանքավայրում կազմում են 2,5 մլն ունցիա, կորզվող պաշարները` 2,1 մլն ունցիա: Հանքավայրի շահագործման ժամկետը կազմում է 10 տարի և 4 ամիս, նախատեսվում է տարեկան արդյունահանել միջին հաշվով 200 հազար ունցիա ոսկի (10 մլն տոննա հանքաքար): Մեկ ունցիայի արտադրության համար միջին ծախսերը կկազմեն 585 դոլար, իսկ ոսկու կորզման ընդհանուր ցուցանիշը` 87%: Ամուլսարի հանքավայրը Հայաստանում երկրորդն է` ըստ պաշարների մեծության: Ամուլսարի 370 մլն դոլար ներդրումային արժողությամբ ծրագրի շրջանակում կստեղծվի 1300 աշխատատեղ` շինարարության գործընթացում (շինարարական աշխատանքները կտևեն մոտ 2 տարի), և 650-700 աշխատատեղ հանքավայրի շահագործման ողջ ընթացքում` 10 տարուց ավելի: