Արմինֆո. ՎՏԲ-Հայաստան Բանկն ընդլայնում է հեռահար ծառայությունների շրջանակը, առաջարկելով հաճախորդներին Բանկից հետադարձ զանգ պատվիրելու հնարավորություն, ինչը զգալիորեն կբարձրացնի Բանկի հետ հաղորդակցության հարմարավետությունը:
Ինչպես ԱրմԻնֆո-ին հայտնել են բանկի մամուլի ծառայությունում, հաճախորդների հեռախոսային սպասարկման գործընթացն առավելագույնս դյուրացնելու նպատակով ՎՏԲ-Հայաստան Բանկը գործարկում է հաճախորդի Բանկից հետադարձ զանգի՝ Call back ծառայությունը: Տվյալ ծառայությունը հնարավորություն է ընձեռում հաճախորդներին խնայելու միջոցները Բանկ զանգահարելու համար և պատվիրել զանգ Բանկից՝ հաճախորդին հարմար ժամի՝ 09:30-19:30 աշխատանքային օրերին և 10:00-17:00՝ շաբաթ օրը: Ծառայությունը հնարավոր է պատվիրել ոչ միայն Հայաստանից, այլև արտերկրից:
Call back ծառայությունից հաճախորդները կարող են օգտվել նաև այն դեպքում, եթե չեն կարողացել զանգահարել Բանկ՝ թողնելով հետադարձ զանգի հայտ Բանկի կայքում, ինչից հետո հեռախոսավարը անմիջապես կկատարի հետադարձ զանգ: Հետադարձ զանգ պատվիրելու համար անհրաժեշտ է այցելել Բանկի www.vtb.am կայքը և լրացնել կարճ հայտ, թողնելով զանգ իրակացնացնելու համար անհրաժեշտ տեղեկատվություն (անուն, ազգանուն, հայրանուն, հեռախոսահամարը և զանգի համար հարմար ժամը):
Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ոչ միայն մայրաքաղաքում, այլև երկրի մարզերում:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |