«Ռուսատոմ սերվիս՚ ընկերությունը Հայկական ԱԷԿ-ում նախագծականխարգելիչ վերանորոգում է իրականացնում

Արմինֆո. Հայկական ԱԷԿ-ում սեպտեմբերին սկսված նախագծականխարգելիչ վերանորոգումը կավարտվի 2016 թվականի նոյեմբերին: Այդ մասին տեղեկացնում է ընկերութան մամուլի ծառայությունը:

Վերանորոգման շրջանակներում իրականացվելու է ռեակտորային սարքավորումների և խողովակաշարերի շահագործական ստուգում, որին կմասնակցեն ՀԱԷԿ շահագործման ժամկետի երկարացման նախագծում ներգրավված 4 կազմակերպություններ ներկայացնող մոտ 50 մասնագետներ: ՙՀարկ է նշել, որ նախատեսվում է հսկայական ծավալի աշխատանք իրականացնել, որը ռուսական կայաններում սովորաբար իրականացվում է 4 նախագծականխարգելիչ վերանորոգումների ընթացքում՚,- նշվում է «Ռուսատոմ սերվիսի՚ հաղարդագրության մեջ:  

Բացի այդ հայկական և ռուսական կողմերն անցել են ՀԱԷԿ երկրորդ էներգաբլոկի համակարգերի, կառույցների և բաղադրիչների գործիքային զննմանը, որն իրականացվելու է առաջիկա երեք տարիների ընթացքում: Ներկա պահին ռուսական կողմն արդեն մշակել է զննման և հսկողության ավելի քան 30 ծրագիր: 

Գործիքային զննման շրջանակներում առաջնահերթ խնդիր է հանդիսանում անվտանգության համար կարևոր նշանակություն ունեցող սարքավորումների շահագործման ժամկետների երկարացումը: Այս տարի նախատեսվում է իրականացնել գլխավոր ցիրկուլյացիոն պոմպերի, գլխավոր փականների, բեռնաբարձման մեխանիզմների և ռադիացիոն թափոնների կառավարման համակարգի զննումը: ՙԸնդհանուր առմամբ գործիքային զննման շրջանակներում սարքավորումների չափման և հաշվարկների համակարգի հիման վրա անհրաժեշտ է լինելու հիմնավորել ՀԱԷԿ-ի 2000 միավորների շահագործման ժամկետի երկարացումը՚,- ասվում է հաղորդագրության մեջ:

2014 թվականի դեկտեմբերին Ռուսաստանի Դաշնության և Հայաստանի Հանրապետության կառավարությունների միջև ստորագրվեց Հայկական ատոմային էլեկտրակայանի  № 2 էներգաբլոկի ժամկետի երկարացման հարցում համագործակցության մասին համաձայնագիրը: 2015 թվականի փետրվարին ստորագրվեց ՀԱԷԿ շահագործման ժամկետի երկարացման աշխատանքների ֆինանսավորման համար արտահանման վարկի տրամադրման մասին համաձայնագիրը: 2015 թվականի հունիսին «Ռուսատոմ Սերվիսե ԲԸ և «ՀԱԷԿե ՓԲԸ միջև ստորագրվեց Հայկական ԱԷԿ № 2 էներգաբլոկի շահագործման ժամկետի երկարացման համար աշխատանքներ, մատակարարումներ և ծառայություններ կատարելու մասին պայմանագիր:

«Ռուսատոմ Սերվիսե ԲԸ-ն «Ռոսատոմե պետական կորպորացիայի էլեկտրաէներգետիկ բաժանմունքի մասն է: Ընկերությունը ՋՋԷՌ-ով աշխատող օտարերկրյա ԱԷԿ-երին մատուցում է շահագործման և վերանորոգման հետ կապված ծառայություններ և մատակարարումներ: Ընկերությունը ներկայացված է Ռուսաստանից դուրս ՋՋԷՌ-ներով աշխատող ԱԷԿ ունեցող գրեթե բոլոր երկրներում: Չինաստանի, Իրանի, Բուլղարիայի և Հայաստանի շուկաներում «Ռուսատոմ սերվիսե ԲԸ-ն առաջատար դիրքեր է զբաղեցնում՝ հանդիսանալով շահագործման ժամկետների երկարացման, նախազգուշական վերանորոգումների իրականացման և սարքավորումների արդիականացման հետ կապված աշխատանքների գլխավոր կապալառու: Ընկերության պատվերների ծավալը օտարերկրյա շուկաներում կազմում է 500 մլն դոլար: