Արմինֆո. Իրանի նկատմամբ պատժամիջոցների վերացումը նախադրյալներ է ստեղծել Իրանում տարածաշրջանային տնտեսական աճի նոր կետ ստեղծելու համար: Այդ մասին ասվում է Հայաստանում Ռուսաստանի դեսպան Իվան Վոլինկինի՝ ՙEXPO-RUSSIA ARMENIA 2016 plus IRAN՚ ցուցահանդեսի մասնակիցներին ուղղված ողջույնի խոսքում:
ՙԵվրասիական տնտեսական հանձնաժողովն ազատ առևտրի գոտու մասին ժամանակավոր համաձայնագիր կնքելու շուրջ մի շարք խորհրդակցություններ է անցկացրել Իրանի հետ: Հուսով ենք, որ Իրանի հետ Ռուսաստանի ու Հայաստանի առևտրային համագործակցությունը բեղմնավոր կլինի: Տնտեսական կապերի դիվերսիֆիկացված զարգացումն ամուր հիմք է ստեղծում մեր հետագա գործընկերության համար: Համոզված եմ, որ ՙEXPO-RUSSIA ARMENIA 2016 plus IRAN՚ միջազգային արդյունաբերական ցուցահանդեսը կընթանա կառուցողական և գործարար մթնոլորտում, իսկ դրա արդյունքները կօգնեն բազմակողմ առևտրատնտեսական համագործակցության ներուժի հետագա բացահայտմանը՚,- նշել է նա:
Նշենք, որ հոկտեմբերի 26-28-ը Երևանում կայանալիք ՙEXPO-RUSSIA ARMENIA 2016 plus IRAN՚ յոթերորդ միջազգային արդյունաբերական ցուցահանդեսի նպատակն է՝ Ռուսաստանի և Հայաստանի միջև տնտեսական, գիտատեխնիկական, մշակութային և քաղաքական համագործակցության զարգացումը, երկրների միջև կապերի հաստատումն ու ամրապնդումը, համատեղ բիզնեսի, առևտրատնտեսական և ներդրումային հարաբերությունների զարգացումը: Ցուցահանդեսին կներկայացվեն հետևյալ թեմատիկ բաժինները՝ էներգետիկա, մեքենաշինություն, մետալուրգիա, սարքաշինություն, տրանսպորտ և լոգիստիկա, երկրաբանություն և լեռնաարդյունաբերություն, շինարարություն, քիմիական արդյունաբերություն, տեղեկատվական տեխնոլոգիաներ, բանկեր և ապահովագրական ընկերություններ, գյուղատնտեսություն, բժշկություն, կրթություն: Ցուցահանդեսի շրջանակներում տեղի կունենան նաև կլոր սեղաններ և շփումների Բորսա՝ В2В ձևաչափով: Ցուցահանդեսին կմասնակցեն ընկերություններ Բելառուսից, Ղազախստանից, Տաջիկստանից, ԱՊՀ երկրներից: Պայմանավորվածություն է ձեռքբերվել ցուցահանդեսին Իրանի պետական կառույցների և գործարար շրջանակների ներկայացուցիչների մասնակցության շուրջ:
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |