Արմինֆո. Հայաստանի բնական գազի բոլոր զպառողները 2017 թվականից կարող են տնտեսել 13.4 մլրդ.դրամ (մոտ 28 մլն.դոլար): Այս մասին նոյեմբերի 25-ին լրագրողնրին հայտարարել է «Գազպրոմ Արմենիա» ընկերության գլխավոր տնօրեն Հրանտ Թադևոսյանը, մեկնաբանելով Հանրային ծառայությունները կարգավորող հանձնաժողովի որոշումը, որն այսօր հաստատել է հանրապետությն նսպառողների համար բնական գազի սակագների վերանայման մասին ընկերության հայտը:
Ըստ Թադևոսյանի, այդ 13.4 մլրդ.դրամը կարող էր դառնալ ընկերության եկամուտը, եթե սակագները մնային նույնը: Նա նշել է, որ 2017 թվականի հունվարի 1-ից լրանում է հայկական «Գազպրոմ Էքսպորտ» ՍՊԸ և «Վրաստանի գազի արտահանման ընկերության» միջև բնական գազի մատակարարման մասին պայմանագրի ժամկետը: Ըստ ներկայիս պայմանագրի, Վրաստանը տրանզիտի դիմաց վերցնում է գազի ծավալի 10%-ը: Ըստ տնօրենի, ակնհայտ է, որ այդ ծավալների ընդհանուր գումարը զգալիորեն գերազանցում է գազի բոլոր միջազգային գները, վստահություն հայտնելով, որ գազի տրանզիտի սակագինը զգալիորն կիջնի, ինչը կբերի նաև ռուսական գազի սակագնի իջեցման, ինչը կավելացնի գազի սպառման ծավալները հանրապետությունում: Նոր սակագները, որոնք ուժի մեջ կմտնեն 2017 թվականից, հաշվարկված են 1.721 մլրդ.խոր.մետր սպառման ծավալաներով: Այժմ սպասվում է այդ ծավալներ իավելացում: Դրա հետ մեկտեղ, հաջորդ տարվանից Գազպրոմ Արմենիան չի նախատեսում մի շարք խոշոր ծրագրերի իրականացում, հատկապես կապիտալ շինարարության գծով:
Հիշեցնենք, որ ՀՀ հանրային ծառայությունները կարգավորող հանձնաժողովի` նոյեմբերի 25-ի կայացած նիստում քննարկվել է «Գազպրոմ Արմենիաե ՓԲԸ-ի կողմից սպառողներին վաճառվող բնական գազի սակագների սահմանման մասին հարցը: Հանձնաժողովը որոշել է «Գազպրոմ Արմենիա» ՓԲԸ կողմից սպառողներին վաճառվող բնական գազի համար սահմանել հետևյալ սակագները. 1) ՀՀ կառավարության 2016 թվականի նոյեմբերի 3-ի №1122-Ն որոշման համաձայն սոցիալապես անապահով ընտանիքների սպառողներին վաճառվող բնական գազի սակագինը՝ տարեկան. ա. մինչև 600 խորանարդ մետր բնական գազի համար՝ 100000 դրամ/հազար խմ (ներառյալ ԱԱՀ-ն), բ. 600 խորանարդ մետրը գերազանցող բնական գազի համար՝ 139000 դրամ/հազար խմ (ներառյալ ԱԱՀ-ն), 2) գյուղատնտեսության ոլորտում գործունեություն իրականացնող ջերմոցային տնտեսություններին վաճառվող բնական գազի սակագինը`ա. նոյեմբերի 1-ից մինչև մարտի 31-ը ներառյալ ժամանակահատվածի համար՝ 212 ԱՄՆ դոլարին համարժեք դրամ` սպառված յուրաքանչյուր հազար խմ բնական գազի համար (ներառյալ ԱԱՀ-ն), բ. ապրիլի 1-ից մինչև հոկտեմբերի 31-ը ներառյալ ժամանակահատվածի համար՝ ամսական մինչև 10 հազար խորանարդ մետր սպառման դեպքում՝ 139000 դրամ/հազար խմ (ներառյալ ԱԱՀ-ն), իսկ ամսական 10 հազար խորանարդ մետր և ավելի սպառման դեպքում՝ 242.1 ԱՄՆ դոլարին համարժեք դրամ` սպառված յուրաքանչյուր հազար խմ բնական գազի համար (ներառյալ ԱԱՀ-ն), 3) գյուղատնտեսության ոլորտում գործունեություն իրականացնող վերամշակող՝ պահածոների, խմիչքների և կաթնամթերքի արտադրությամբ զբաղվող, անձանց վաճառվող բնական գազի սակագինը` 212 ԱՄՆ դոլարին համարժեք դրամ` սպառված յուրաքանչյուր հազար խմ բնական գազի համար (ներառյալ ԱԱՀ-ն), 4) ամսական մինչև 10 հազար խորանարդ մետր սպառում ունեցող սպառողներին, բացառությամբ վերը նշված 1-3-րդ կետերով նախատեսված սպառողների, վաճառվող բնական գազի սակագինը՝ 139000 դրամ/հազար խմ (ներառյալ ԱԱՀ-ն), 5) ամսական 10,0 հազար խորանարդ մետր և ավելի սպառում ունեցող սպառողներին, բացառությամբ վերը նշված 1-3-րդ կետերով նախատեսված սպառողների, վաճառվող բնական գազի սակագինը 242.1 ԱՄՆ դոլարին համարժեք դրամ` սպառված յուրաքանչյուր հազար խմ բնական գազի համար (ներառյալ ԱԱՀ-ն):
