Արմինֆո. Հատուկ ուշադրություն դարձնելով հաճախորդների խնդիրների և կարիքների բացահայտմանը, ծառայությունների մատուցման որակի բարձրացմանը և հաղորդակցման բարելավմանը Արդշինբանկը մշտապես աշխատում է բանկում ներդրված արագ արձագանքման գործիքների և մեխանիզմների զարգացման և արդիականացման ուղղությամբ:
«2016 թվականի ընթացքում Բանկը նշանակալի քայլեր է ձեռնարկել հաճախորդների հետ հաղորդակցման բարելավման ուղղությամբ, որոնց շարքին են դասվում առաջին հերթին արդիական տեխնոլոգիաների վրա հիմնված շուրջօրյա կոմունիկացիոն կենտրոնի ստեղծումը, որը հնարավորություն է տալիս մշտապես կապի մեջ լինել բանկի հետ բոլոր տարածված կապի միջոցներով, ինչպես նաև հաճախորդների բողոքների և հարցումների կառավարման նոր համակարգի մշակումն ու ներդնումը, որն էապես բարելավել է հաճախորդների հարցերին արձագանքման որակը և արագությունը: Առաջիկայում ևս մենք շարունակելու է աշխատել որակի կառավարման և վերահսկողության գործիքների զարգացման ուղղությամբ»,- նշեց Բանկի Ռազմավարական զարգացման տնօրեն Արմեն Գասպարյանը:
Ութամյա համագործակցության տարիներին Արդշինբանկը արդեն չորրորդ անգամ է արժանանում «լավագույն համագործակցող բանկ» մրցանակին: Ինչպես նշեց Արդշինբանկի Որակի կառավարման վարչության պետ Դավիթ Խաչատրյանը, նման ճանաչումը խոսում է այն մասին, որ Արդշինբանկը լրջորեն է մոտենում յուրաքանչյուր հաճախորդի կողմից բարձրացված խնդիրներին և փորձում է հնարավորինս արդյունավետ լուծումներ գտնել, թե կոնկրետ խնդրի լուծմանն ուղղված ուղղիչ և կանխարգելիչ միջոցառումներ իրականացնելով, թե բանկում համապատասխան ծառայության մատուցման պայմանների փոփոխություններ նախաձեռնելով:
Ֆինանսական համակարգի հաշտարարի գրասենյակում նաև տեղի է ունեցել հանդիպում Ղրղզստանի Խորհրդարանի և ֆինանսական համակարգի ներկայացուցիչների հետ: Ղրղզստանի ներկայացուցիչները այցելեցին Արդշինբանկ` ուսումնասիրելու լավագույն համագործակցող բանկի փորձը հաճախորդների հետ հաղորդակացման և Ֆինանսական համակարգի հաշտարարի հետ համագործակցության մասով:
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |