Արմինֆո. 2016 թվականին ԵԱՏՄ երկրներն արտադրել են 45.4 մլն.տոննա կաթ: Այս մասին Կաթ արտադրողների ազգային միության 8-րդ համագումարում հայտարարել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերության գծով Կոլեգիայի անդամ (նախարար) Սերգեյ Սիդորսկին:
Նրա խոսքով, Ռուսաստանի մասնաբաժինը կազմում է 70%: Ընդ որում, Ռուսաստանն ավելի քիչ կաթ է արտադրում, քան սպառում, երկիրն իր պահանջարկը ծածկում է 82%-ով: Նման իրավիճակ է նաև Հայաստանում և Ղազախստանում, որտեղ կաթի պահանջարկը ծածկվում է 90%-ով: Մինչդեռ արտադրության ծավալները Բելառուսում և Ղրղզստանում գերազանցում է ներքին պահանջարկը (մասնավորապես, Բելառուսում`2.5 անգամ), ինչն այդ երկրներին հնարավորություն է տալիս մեծացնել կաթի մատակարարումներն ինչպես ԵԱՏՄ, այնպես էլ 3-րդ երկրներ: «Մեր հաշվարկներով, ներմուծման փոխարինման արդյունքը կաթի գծով կազմել է մոտ 1 մլրդ.դոլար,- ընդգծել է ԵՏՀ նախարարը, - 2017 թվականին ընդհանուր առմամբ կանխատեսվում է կաթի արտադրության աճ, մինչև 46.5 մլն.տոննա, փոխադարձ առևտրի ավելացում` մինչև 5 մլն.տոննա, ինչպես նաև երրորդ երկրներից ներմուծման կրճատում`մինչև 3.2 մլն.տոննա»: Սիդորսկին հաղորդել է, որ Հանձնաժողովում ձևավորված է հեռանկարային նախագծերի ռեեստր: Կաթի արդյունաբերության ոլորտի արտադրության բարձրացման նպատակով առաջիկա մի քանի տարիներին նպատակահարմար է միավորել ջանքերը կերի և անասնապահական պրեպարատների մշակման հարցում, ինչպես նաև ապահովել տոհմական աշխատանքների համակարգումը`միասնական ծրագրերի իրականացման և սելեկցիոն նորամուծական տեխնոլոգիաների ներդրման համար:
Նա առաջարկել է նաև ստեղծել կաթ արտադրողների եվրասիական ասոցիացիա, որը բանակցային հարթակ կհանդիսանա բիզնեսի միասնական դիրքորոշման ձևավորման համար: «Ագրոարդյունաբերության զարգացման ազգային ծրագրերում դրվում են մասշտաբային խնդիրներ: Ավելի օգտակար և արդյունավետ կլիներ այդ հարցերը լուծել համատեղ, հանդիպելով «հնգյակի» գյուղատնտեսության նախարարների մակարդակով»,-եզրափակել է Սերգեյ Սւդորսկին:
Եվրասիական տնտեսական հանձնաժողովը (ԵՏՀ) Եվրասիական տնտեսական միության մշտական գործող կարգավորող մարմինն է: Այն իր գործունեությունը սկսել է 2012 թվականի փետրվարի 2-ից: Եվրասիական տնտեսական հանձնաժողովի հիմնական կոչումը ԵԱՏՄ գործունեության և զարգացմանպայմանների ապահովումն է, ինտեգրման հետագա զարգացման առաջարկների մշակումը: Ներկայումս ԵՏՀ կազմում ընդգրկված են հինգ երկրներ. Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղզստանի Հանրապետությունը և Ռուսաստանի Դաշնությունը: ԵՏՀ-ն ունի կառավարման վերազգային մարմնի կարգավիճակ և իր գործունեության մեջ առաջնորդվում է ընդհանուր առմամբ եվրասիական տնտեսական ինտեգրման նախագծի մասնակից երկրների շահերով՝ չպատճառաբանելով իր որոշումները ազգային կառավարություններից որևէ մեկի շահով: Հանձնաժողովի որոշումները պարտադիր են կատարման համար ԵԱՏՄ մասնակից երկրների տարածքում:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները