«Գլոբալ հիդրո կասկադ» ընկերությունը 70 մլն դոլար կներդնի Որոտանի ՀԷԿ-երի համալիրի արդիականացման գործում

Արմինֆո. Ամերիկյան «Գլոբալ հիդրո կասկադ» ընկերությունը 70 մլն դոլար կներդնի Որոտանի ՀԷԿ-երի համալիրի արդիականացման գործում: Մայիսի 17-ին  այդ մասին լրագրողներին հաղորդել  է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը` Երևանում այլընտրանքային էներգետիկայի զարգացման հեռանկարներին նվիրված հայ-ամերիկյան համաժողովի հարթակներում պատասխանելով ԱրմԻնֆո-ի հարցին:

Նրա ասելով, միջոցները կուղղորդվեն, հիմնականում, ողջ հիդրոտենիկական սարքավորման փոխարինմանը, որը 30-ամյա վաղեմության է: «Համալիրի սարքավորումը բարոյապես և ֆիզիկապես մաշված է», - նշել է փոխնախարարը, հավելելով, որ արդիականացումից հետո Հայաստանը, գործնականում, ՀԷԿ-երի նոր համալիր կունենա: Նա հաղորդել է, որ նախագծի գլխավոր կապալառուի մրցութային  ընտրության գործընթացն ավարական փուլում է: Ինչպես սպասվում է, աշխատանքները կսկսվեն այս տարի և կշարունակվեն առավելագույնը 2-3 տարի:

Ինչպես ավելի վաղ հաղորդել էր ԱրմԻնֆո-ն, մարտի 29-ին Հայաստանի հանրային ծառայությունները կարգավորւող հանձնաժողովը հավանություն էր տվել Որոտանի ՀԷԿ-երի համալիրի վերազինման համար գերմանական KFW բանկի կողմից Հայաստանի կառավարությանը տրամադրված 51 եվրո վարկը նոր սեփականատիրոջը` «Գլոբալ հիդրո կասկադ» ընկերությանը վերաուղորդելու որոշմանը: Միջոցները կուղղորդվեն ՀԷԿ-երի համալիրի արդիականցմասնը: Նախատեսվում է,  մասնավորապես, լիովին փոխել տուրբինները, գեներատորները, տուրբինային կարգավորիչները, Որոտանի ՀԷԿ-երի համալիրի Տաթևի, Շամբի և Սպանդարյանի ՀԷԿ-երի կառավարման համակարգերը: Վարկային ռեսուրսների սպասարկումն ընկերությունը կապահովի վաճառվող էլեկտրաիէներգիայի սակագնի հաշվին:  Միջազգային ֆինանսական կորպորացիան (IFC), որը Համաշխարհային բանկի խմբի անդամ է, ներգրավել է 140 միլիոն ԱՄՆ դոլարի չափով միջազգային ֆինանսավորման փաթեթ «Որոտանի ՀԷԿ-երի համալիրի» համար։ Ֆինանսավորումը կտրամադրվի «Կոնտուր Գլոբալե միջազգային ընկերության դուստր կազմակերպություն հանդիսացող «Կոնտուր Գլոբալ հիդրո կասկադ» միջազգային էներգետիկական ընկերությանը, որը 2015 թվականին ձեռք է բերել «Որոտանի ՀԷԿ-երի համալիրըե։ Ֆինանսավորման փաթեթը ներառում է 45 միլիոն ԱՄՆ դոլարի չափով վարկ IFC-ի սեփական միջոցներից և դրան զուգահեռ՝ 65 միլիոն ԱՄՆ դոլարի վարկ Գերմանական զարգացման բանկից, ևս 30 միլիոն ԱՄՆ դոլար՝ Գերմանիայի ներդրումների և զարգացման կորպորացիայից։ Վարկային միջոցներով Կոնտուր Գլոբալը հնարավորություն կունենա վերանորոգել 404 ՄՎտ հզորություն ունեցող «Որոտանի ՀԷԿ-երի համալիրը», որի շատ մասեր գրեթե չորս տասնամյակի հնություն ունեն։ Դրա արդյունքում ակնկալվում է արտադրել տարեկան 1,150 գիգավատտ-ժամում էներգիա, ինչը կօգնի պայքարել կլիմայի փոփոխությունների դեմ, կանխելով տարեկան մոտավորապես 55,000 տոննա ջերմոցային գազերի արտանետումը։ Ակնկալվում է, որ ֆինանսական օժանդակությամբ կխթանվի Հայաստանում էներգետիկ կայունությունը և լրացուցիչ 60,000 սպառողի կայուն կերպով մաքուր էներգիա կմատակարարվի։

Որոտանի ՀԷԿ-երի համալիրի գույքային համալիրը, որը հանդիսանում է ամերիկյան Contour Global Hydro Cascade ընկերության սեփականությունը, վարկային ռեսուրսների ներգրավման նպատակով գրավադրվել է: Գույքի գրավադրման թույլտվությունը տրվել է դեկտեմբերի 7-ին ՀՀ Հանրային ծառայությունները կարգավորող հանձնաժողովի կողմից:

Ընկերության 100% բաժնետոմսերը նախատեսվում է հավասարաչափ բաշխել HSBC Trustee Company, Միջազգային ֆինանսական կորպորացիա (IFC), Նիդեռլանդների զարգացման և ֆինանսների հիմնադրամ (FMO), Գերմանական ներդրումների և զարգացման հիմնադրամ (DEG) ֆինանսական կազմակերպույթունների և Հայաստանի Հանրապետության միջև: Գույքի գրավադրումը թույլ կտա ներգրավել լրացուցիչ 150 մլն. եվրո, չհաշված կառավարության կողմից գերմանական KfW բանկից ներգրավված 51 մլն. եվրոն մինչև Կասկադն ամերիկյան ընկերությանը վաճառելը: 2015 թվականի օգոստոս 12-ին ամերիկյան «Contour Global» ընկերությունը և Հայաստանի Հանրապետությունը հայտարարեցին Որոտանի կասկադի ակտիվները $ 180 մլն-ով ձեռքբերելու գործարքի ավարտի մասին: 2016 թվականին Որոտանի ՀԷԿ-երի համալիրին բաժին է ընկել երկրում արտադրվող էլեկտրաէներգիայի շուրջ 15%-ը: Ընկերությունն ստացել է Որոտանի կասկադ-ի երեք ՀԷԿ-երը 25 տարով շահագործելու լիցենզիա, 404.2 ՄՎտ ընդհանուր հզորությամբ, այդ թվում`Սպանդարյան ՀԷԿ-ը (76 ՄՎտ), Շամբիի ՀԷ Կ-ը (171 ՄՎտ) և Տաթևի ՀԷԿ-ը (157,2 ՄՎտ):