Արմինֆո. Եվրասիական տնտեսական միության երկրների փոխվարչապետները մինչև 2025 թվականը Միության թվային օրակարգի իրացման աշխատանքային խմբի առաջին նիստում քննարկել են այն նախագծերը, որոնք կարող են դրվել Եվրասիական թվային ինտեգրման հիմքում:
Դրանցից մեկը կարող Է դառնալ ԵԱՏՀ-ին առընթեր ԵԱՏՄ-ի թվային զարգացման իրավասությունների կենտրոնը:
Բացելով քննարկումը՝ ԵԱՏՀ-ի կոլեգիայի նախագահ, աշխատանքային խմբի ղեկավար Տիգրանն Սարգսյանն ընդգծել Է, որ այսօր Միության տնտեսական ապագան կախված Է «թվից»: «Մեզ անհրաժեշտ Է ստեղծել թվային շուկաներ և ձևավորել սեփական թվային հարթակները,-ընդգծել Է ԵԱՏՀ-ի կոլեգիայի նախագահը :-Ըստ վիճակագրության, միայն Էլեկտրոնային խանութների ծառայություններից օգտվողների թիվը տարեկան աճում Է 30 տոկոսով: Ավանդական ճյուղերի ավելի ու ավելի շատ ձեռնարկություններ են անցնում բիզնեսի կազմակերպման և հաճախորդների հետ փոխգործակցության հետինդուստրիալ տեղեկատվական մոդելներին, աճում Է արդյունաբերական ռոբոտների և արտադրության կառավարման ինտելեկտուալ համակարգերի օգտագործումը: Մեր առջև ծառանում են նոր մարտահրավերներ: Եթե մենք չարձագանքենք դրանց, ապա համաշխարհային տնտեսության առաջատարներից հետ մնալու ռիսկի առաջ ենք կանգնում»:
Նիստի մասնակիցներին առաջարկվել Էր մինչև 2025 թվականը Միության թվային օրակարգի իրացման հիմնական ուղղությունների նախագիծը: Որպես ԵԱՏՄ-ում թվային ինտեգրման առանցքային վեկտորներ՝ առաջարկվել է ընտրել տնտեսության ճյուղերի թվային տրանսֆորմացիան, ապրանքների և ծառայությունների, կապիտալի և աշխատանքի շուկաների թվային տրանսֆորմացիան, Միությունում կառավարման և ինտեգրման գործընթացների թվային տրանսֆորմացիան, թվային ենթակառուցվածքի զարգացումը և թվային գործընթացների պաշտպանվածության ապահովումը: Տիգրան Սարգսյանի խոսքով՝ զարգացման դրայվերներ պետք հանդիսանան նախագծերը, որոնցով շահագրգռված են Միության բոլոր երկրները, որոնք ընդունակ են հաջողությամբ մրցակցել գլոբալ շուկաներում: Առաջնային կարող են լինել արտադրանքի, ապրանքների կամ բեռների նույնականացման; տարանցիկ թվային միջանցքների ստեղծման, տվյալների պահպանման, մշակման և վերլուծության ինդուստրիայի զարգացման ոլորտում նախաձեռնությունները:
Բելառուսի փոխվարչապետ Վասիլի Մատյուշևսկին ներկաների ուշադրությունը հրավիրել է այն բանի վրա, որ գլոբալ առևտրային հարթակների զարգացումը կարևոր հարցի առաջ է կանգնեցնում Միությանը՝ ինտեգրվել գլոբալ հարթակներից մեկին՝ ամերիկյան, եվրոպական կամ չինական, թե՞ ստեղծել սեփական հարթակը ԵԱՏՄ երկրների և գործընկերների համար, ովքեր պատրաստ են աշխատել եվրասիական ինտեգրացիոն միավորումների հետ: Նախագծերի ներուժը գնահատելու համար առաջարկվել Է ներգրավել բարձրտեխնոլոգիական ճյուղերի փորձագետների: Հետագայում հնարավոր Է ԵԱՏՀ-ին առընթեր Միության թվային զարգացման իրավասությունների կենտրոնի ստեղծումը: Ռուսաստանի փոխվարչապետ Իգոր Շուվալովի կարծիքով՝ Միության երկրների բիզնեսը պատրաստ կլինի աշխատել կոլեգիայի հետ միասին, քանի որ «ընկերությունները հետաքրքրված են թվային ոլորտի նախագծերի առաջմղմամբ, բայց դրա համար վերջիններիս հարկավոր Է շուկա, անհրաժեշտ են աշխատանքի թափանցիկ կանոններ»:
Հայաստանի փոխվարչապետ, միջազգային տնտեսական ինտեգրացման և բարեփոխումների նախարար Վաչե Գաբրիելյանն ընդգծել է, որ անհրաժեշտ Է պրագմատիկ մոտեցում ցուցաբերել նախագծերի իրագործման նկատմամբ, թույլ չտալ, որ նախաձեռնությունները հանգեցնեն բիզնեսի լրացուցիչ և չարդարացված ծախսերի: Ամփոփելով հանդիպման արդյունքները՝ Տիգրան Սարգսյանը նշել Է, որ կարելի Է բանավիճել այն բանի շուրջ, թե ԵԱՏՄ-ի երկրներն ինչպես են ներգրավվելու բարձրտեխնոլոգիական ճյուղերում և զարգացնելու նոր շուկաները՝ ապահովելով չորս ազատությունների իրացումը, բայց արդեն ակնհայտ Է, որ նոր տնտեսության հիմքում ընկած Է «թիվը»: «Մեզ անհրաժեշտ Է ԳՈԷԼՌՈ-2 ծրագիր,-հայտարարել Է ԵԱՏՀ-ի կոլեգիայի նախագահը:-Հարյուր տարի առաջ բոլորի համար պարզ Էր, որ Էլեկտրիֆիկացումը թույլ կտա իրականացնել արդյունաբերական ճեղքում»:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%