Արմինֆո. Հայաստանում կարող են մասշատաբային ստուգումներ իրականացվել Արարատյան դաշտավայրի ձկնային տնտեսություններում, դրանք օրենսդրական դաշտ տեղափոխելու նպատակով: Այս մասին մայիսի 24-ին լրագրողներին հայտնել է ՀՀ բնապահպանության նախարար Արծվիկ Մինասյանը:
Նրա խոսքով, ստուգումները կանցկացվեն բոլոր ընկերություններում, անկախ պատկանելիությունից: «Հայաստանի իշխանությունները վճռականորեն են տրամադրված: Բոլոր ձկնային տնտեսությունները պետք է մտնեն հարկային դաշտ»,-հայտարարել է նախարարը: Նա նշել է, որ փաստացի ջրօգտագործումը կհամապատասխանեցվի նորմերին, ըստ գործող օրենսդրության: «Հնարավոր է, որ սահմանվեն ժամկետներ, որպեսզի տնտեսվարողները կարողանան հարմարվել այդ պայմաններին: Առանց հատուկ թույլտվության ոչ ոք Արարատյան դաշտի արտեզյան ջրերից օգտվելու իրավունք չի ունենա»,-ասել է նախարարը:
Նախարարը նշել է նաև, որ ներկայումս ստուգումներ են իրականացվում Արարատյան դաշտավայրից դուրս գտնվող ձկնաբուծական տնտեսություններում: Ստուգումների առաջին արդյունքները վկայում են ջրի մասշտաբային, ոչ նպատակային օգտագործման մասին, իսկ մի շարք դեպքերում խոսքը գնում է քրեական պատասխանատվության մասին:
Ինչպես ավելի վաղ տեղեկացվել էր ԱրմԻնֆո գործակալությանը, անօրինական արտեզյան հորերի փակման և պահպանման ուղղոթյամբ ստուգումների արդյունքում տարեկան տնտեսվում է ավելի քան 360 միլիոն խորանարդ մետր ջուր: ՀՀ կառավարութունը ծանծաղ է ճանաչել Ախուրյան, Հրազդան, Սևջուր և Քասախ գետերի մի շարք ավազանները, ինչը թոյլ է տվել ներդնել ջրօգտագործման սահմանաչափ: Ինչպես նախատեսվում է, որ ջրի սպառումը կկրճատվի 2/3-ով, ինչը դրական ազդեցություն կունենա ջրային ավազանի ինքնավերականգնման գործընթացի վրա: Արդեն մշակվել է Արարատյան դաշտավայրի արտեզյան ջրհորների կառավարման պլանը: Իրավիճակը կայունացնելու նպատակով արդեն երկու տարի իրականացվում է արտեզյան անօրինական հորերի փակման ծրագիրը:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |