Արմինֆո. 2017 թվականի սեպտեմբերի 11-ին Սալոնիկում կայանալիք «ԵԱՏՄ-Հունաստան. Նոր կամուրջ համագործակցության և զարգացման համար» գործարար համաժողովին կմասնակցեն Եվրասիական տնտեսական միության երկրների և Հունաստանի միջև տնտեսական համագործակցության և առևտրի զարգացման աշխուժացմանը կողմնորոշված խոշորագույն գործարար ասոցիացիաների, առաջատար ընկերությունների և կառույցների ներկայացուցիչներ, ինչպես նաև Հայաստանի, Բելառուսի, Ղազախստանի, Ղրղըզստանի և Ռուսաստանի կառավարությունների պատվիրակությունները:
Համաժողովն առաջին քայլն է ԵԱՏՄ պետությունների և Հունաստանի միջև տնտեսության ոլորտում երկխոսության զարգացման նպատակով 2017 թվականի հունիսի 24-ին ընդունված ԵԱՏՄ և Հունաստանի կառավարության համագործակցության շուրջ համատեղ հայտարարության դրույթների իրագործման ճանապարհին: Համաժողովն ընթանում է Սալոնիկի ամենամյա միջազգային ցուցահանդեսի շրջանակում, որին պատվավոր հյուրի կարգավիճակով ներկա կլինի Չինաստանը, ինչը գործարար համաժողովի մասնակիցների համար կապահովի նոր գործարար շփումների հաստատման և արտաքին առևտրային կապերի ընդլայնման լրացուցիչ հնարավորություն:
Միջոցառման գլխավոր թեմաների թվում է համագործակցությունն էներգետիկայի, տրանսպորտային ծառայությունների ոլորտներում, լոգիստիկ ենթակառույցների, ագրարային և արդյունաբերական արտադրության զարգացումը, Միության երկրներ մատակարարվող արտադրանքի հարմարեցումը տեխնիկական կարգավորման, անասնաբուժական և ֆիտոսանիտարական վերահսկողության արդեն գործող և մշակվող նորմերին ու ստանդարտներին:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |