Արմինֆո.«Թուրքմենական ավիաուղիների՚ չվացուցակը համալրել է Աշխաբադ-Երևան-Աշխաբադ միջազգային երթուղին, հաղորդել է Հայաստանում Թուրքմենստանի դեսպանության մամուլի ծառայությունը:
Ինչպես արդեն հաղորդվել է, Հայաստանի և Թուրքմենստանի մայրաքաղաքների միջև ուղիղ օդային հաղորդակցության մասին խոսք էր գնացել օգոստոսին Թուրքմենստանի նախագահի Հայաստան այցի ընթացքում: Ամենաբարձր մակարդակի պայմանավորվածության սեղմ ժամկետում իրագործումը վկայում է այն մասին, որ կողմերը նպատակաուղղված են առկա ներուժի արդյունավետ կիրառմանը` փոխշահավետ համագործակցության զարգացման համար:
Աշխաբադ-Երևան ուղիղ չվերթի գործարկմամբ Թուրքմենստանի ազգային փոխադրողը բազմապատկել է Կովկասի տարածաշրջանի ուղղությամբ իր տրանսպորտային-տարանցիկ ներուժը: Ճյուղավորված երթուղային ցանցի ձևավորումը շարունակվում է, և մոտ ժամանակներս դրանում կներառվեն նոր տարածաշրջանային և միջտարածաշրջանային գծեր:
«Թուրքմենական ավիաուղիներն՚ անշեղորեն ընդլայնում է իր միջազգային երթուղիների աշխարհագրությունը, որոնք նպաստում են բարիդրացիական հարաբերությունների կամուրջների անցկացմանն աշխարհի բոլոր շահագրգիռ պետություննեիր հետ` արդյունավետ օգտագործելով քաղաքացիական ավիացիայի պարկի օրինաչափ արդիականացումը` համաշխարհային հայտնի արտադրողների նորագույն ավիատեխնիկայի մատակարարումների հաշվին:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |