«Վարորդի ընկեր՚ իրավապաշտպան կազմակերպություն. Աջակողմյան ղեկով ավտոմեքենաների արգելքը ոչ այլ ինչ է, եթե ոչ` հերթական բիզնես-նախագիծ

Արմինֆո. Հայաստանում աջակողմյան ղեկով ավտոմեքենաների ներմուծման և շահագործման նկատմամբ արգելք նախատեսող ծրագրի մշակման նախաձեռնողները, ամենայն հավանականությամբ, ավտոփոխադրամիջոցների խոշոր ներկրողներ են: Հոկտեմբերի 9-ին մամուլի ասուլիսում այդ մասին հայտարարել է «Վարորդի ընկեր՚ իրավապաշտպան կազմակերպության փոխնախագահ Դավիթ  Պեդանյանը` պատասխանելով ԱրմԻնֆո-ի հարցին: Նրա ասելով, նախաձեռնությունը հարկավոր է դիտարկել նաև այն անձանց  բիզնես-նախագծի համատեքստում,  որոնք արգելքի ընդունման արդյունքում կզբաղվեն հարցի տեխնիկական կողմով, մասնավորապես, մեքենաների աջակողմյան ղեկերը ձախակողմյանի վերասարքավորմամբ:

Պեդանյանի ասելով, այժմ Հայաստանում աջակողմյան ղեկերով ավտոմեքենաների մասնակցկությամբ ՃՏՊ-ների վերաբերյալ պաշտոնական վիճակագրություն չկա: Ելնելով դրանից` փորձագետը խորամանկություն է համարում, որ որպես այդ գաղափարի հիմնավորում նշվում է այն փաստը, որ Հայաստանում երթևեկությունը նախատեսված չէ աջակողմյան ղեկով մեքենաների համար, ինչի առնչությամբ ՃՏՊ-ների մեծ մասը տեղի է ունենում հենց նման  մեքենաների  մասնակցությամբ: Վկայակոչելով Հայաստանի ճանապարհային ոստիկանության պետի տեղակալ Արմեն Խաչատրյանին` Դավիթ Պեդանյանը նշել է, որ նման բան չկա: «Ձախ ղեկը, հնարավոր է, առավել հարմար է վազանցումների ժամանակ, սակայն, օրինակ, կայանման ժամանակ աջակողմյան ղեկի առավելությունն ակնհայտ է, քանի որ տեսանելիության գոտին ավելի մեծ է՚, - նշել է Պեդանյանը:

Տվյալ պահի դրությամբ, ինչպես հայտարարել է փորձագետը, նախաձեռնությունը կհարվածի վարորդների ավելի քան 35 տոոկսի գրպաններին: Ըստ ոչ պաշտոնական տվյալների, հենց այդքան է աջակողմյան ղեկով մեքենաների թիվը հանրապետությունում: «Այդ մեքենաների տերերը փոխադրամիջոցները ձեռք են բերել, հիմնականում, դրանց մատչելիության պատճառով, և, նախաձեռնելով այդ նախագիծը, նրանց համար ստեղծվում է լրացուցիչ և չհիմնավորված ֆինանսական բեռ, առավել ևս, որ հարցի գինը 700-1000 դոլար է՚, - հայտարարել է նա:

Աջակողմյան ղեկով փոխադրամիջոցներն արգելելու մասին խոսակցությունները նոր թափով վերսկսվել են վերջերս: Շրջանառվող լուրերի համաձայն, այդ նախաձեռնությանը նոր լիցք են հաղորդել ավտոմեքենաների խոշոր ներկրողները, որոնք  պաշտոնյաների «աչքերը բացել են՚ նշված մեքենաների վտանգավորության վրա: Հենց այդ հանդիպումների արդյունքում Տրանսպորտի նախարարությունում մեկնարկել են այդ ուղղությամբ նոր քննարկումներ` բոլոր շահագրգիռ կողմերի մասնակցությամբ: Ինչպես օրերս ԱԺ-ում հայտարարել է տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, նման մեքենաները վտանգ են ներկաայցնում, քանի որ դրանց մասնակցությամբ արձանագրվում են բազմաթիվ ՃՏՊ-ներ (թեև այդ մասին մինչ օրս պաշտոնական վիճակագրություն չի ներկայացվել - խմբ.): Նախարարի ասելով, այդ առնչությամբ իրենք մտադիր են այդ հարցը կարգավորել օրենսդրական մակարդակում, սակայն մեքենաների տերերին ժամանակ կտրվի ղեկի տեղը փոխելու համար:

Ինչպես ԱրմԻնֆո-ին հաղորդել է նախարարության մամուլի քարտուղար Անահիտ Առաքելյանը, հնարավոր օրինագծի նախաձեռնողը գերատեսչությունը չէ, և տվյալ պահին այդ հարցի վերաբերյալ որևէ որոշում կամ օրինագիծ չկա, այլ ընթանում են քննարկումներ: Այդուհանդերձ, ԵԱՏՄ շրջանակում կան մի շարք փաստաթղթեր, որոնք կարող են խթանել աջակողմյան ղեկով մեքենաների ներկրման և շահագործման արգելքը: Խոսքը վերաբերում է ԵԱՏՄ Մաքսային միության ТР ТС 018/2011 կանոնակարգին, որի դրույթներն կսել են գործել 2015 թվականից Ռուսաստանի,  Ղազախստանի և Բելառուսի տարածքում: Ստացվում է, որ ըստ տեխնիկական կանոնակարգի, այդպիսի մեքենաները, պարզապես, չեն կարող անցնել տեխզննում: Ֆիզիկական անձը, փաստորեն, չի կարող ներկրել արտակարգ կանչի կոճակ չունեցող ավտոմեքենա: Երկրորդային շուկայի ավտոմեքենաների համար ոչ մի զեղչ չկա: Խոսակցություններ կան, որ «Էռա-ԳԼՕՆԱՍՍ՚-ը Հայաստանում «սարերի հետևում չէ՚: Համենայն դեպս, ընկերությունը դրանում շահագրգռված է: Իսկ գլխավորը` 2018 թվականի հունվարի 1-ից ԵԱՏՄ մաքսային նորմերը լիովին ուժի մեջ կմտնեն Միության ողջ տարածքում, սահմանափակումներ կարելի է ակնկալել նաև Հայաստանում: