ՀՀ կառավարությունը հանրապետության համայնքներին կնվիրի 6,1 մլրդ դրամի գույք

Արմինֆո. ՀՀ կառավարությունը հանրապետության համայնքներին կնվիրի 6,1 մլրդ դրամի գույք: Համապատասխան որոշումը կայացվել է գործադիր մարմնի հոկտեմբերի 12-ի նիստում:

Ինչպես նշել է ՀՀ տարածքային կառավարման և զարգացման նախարար Դավիթ Լոքյանը, խոսքը գնում է 5 մարզերի 15 համայնքներին գույք նվիրելու մասին, հիմնականում խողովակաշարեր և ոռոգման համակարգեր: Ընդհանուր առմամբ, ծրագիրը կներառի 115 բնակավայր: Նախարարը սա համարում է նախադեպ, քանի որ նախկինում այդպիսի լայնամասշտաբ ակտիվներ տեղական կառավարման մարմիններին չեն փոխանցվել: Այսպիսով, համայնքները կարող են ունենալ վարկային ռեսուրսներ ներգրավելու լուրջ  հնարավորություններ: Դավիթ Լոքյանն անհրաժեշտ է համարում շարունակել այս գործընթացը: Ակտիվների կառավարումը կիրականացվի համայնքների կողմից: Նախարարը նշել է գազի հետ կապված պրոբլեմները, որոնց գազատարներն անցնում են սահմանամերձ համայնքներով, բայց միջոցների բացակայության պատճառով Կոչի Ոսկեվան, Ոսկեպար և այլ համայնքների բնակիչների տներին միացված չեն:

Իր հերթին, ՀՀ վարչապետ Կարեն Կարապետյանը հիշեցրել է, որ սահմանային համայնքների նկատմամբ գործում է հատուկ ռեժիմ: Գազ չունեցող համայնքներն այլընտրանքային տարբերակ ունեն: Բայց գազի օգտագործումը հնարավոր է, եթե կա համապատասխան մոտեցում: Վարչապետը հանձնարարել է «Գազպրոմ Արմենիա» ընկերության հետ համատեղ ուսումնասիրել այդ հարցը: Նա կարևորել է այսօրվա որոշումը, բայց նշել է համայնքներին որպես սեփականություն փոխանցված ակտիվների արդյունավետ կառավարման անհրաժեշտությունը: «Հակառակ դեպքում կարող ենք խնդիրներ ունենալ», - ասել է ՀՀ կառավարության ղեկավարը