Արմինֆո. Հայ-ռուսական համատեղ ավիաընկերության ստեղծման ուղղությամբ աշխատանքը շարունակվում է, ԱրմԻնֆո-ի թղթակցին հաղորդել է հայ-ռուսական միջկառավարական հանձնաժողովի համանախագահ, ՌԴ տրանսպորտի նախարար Մաքսիմ Սոկոլովը:
Նրա ասելով, աշխատանք է տարվում ՌԴ արդյունաբերության և առևտրի նախարարության և Հայաստանի կառավարության գծով: Քննարկվում են, մասնավորապես, ապագա ավիաընկերության մոդելները, որն ապահովի ստեղծվող կառույցի եկամտաբերությունը: Ի սկզբանե նախատեսվում էր ավիաընկերություն ստեղծել «Սուխոյի քաղաքացիական ինքնաթիռներ՚ ԲԸ նոր SSJ100 ինքնաթիռների լիզինգի ներգրավմամբ, որոնք տարբերվում են հուսալիույթյամբ և հարմարավետությամբ: Սակայն լիզինգի գործարքն առայժմ բավականին թանկ արժե: Հաշվի առնելով ոչ բավականաչափ ուղևորահոսքը` դժվար կլինի ապահովել ինքնաթիռների նոր պարկով ավիաընկերության շահութաբերությունը: Այդ պատճառով, այժմ «Սուխոյի քաղաքացիական ինքնաթիռներ՚ ԲԸ հետ քննարկվում է արդեն օգտգագործված օդանավերի ներգրավման հարցը, ինչը հնարավորություն կընձեռի ապահովել այդ ավիաընկերության շահութաբերությունը: Ռուսաստանի նախարարի ասելով, այժմ քննարկվում է ինանքնաթիռների ձեռք բերման սխեման: «Գլխավորն այն է, որ աշխատանքը չի ընդհատվել, այն շարունակվում է Եվ մեր արտադրողը, և հայկական կողմը որոնում են այդ նախագծի իրագործման փոխընդուների լուծումներ՚, - ասել է Մաքսիմ Սոկոլովը:
Հիշեցնենք, որ համատեղ ավիաընկերություն ստեղծելու մտադրության մասին ավելի վաղ լրագրողներին հաղորդել էր Հայաստանի տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը: Տարեսկզբին Հայաստանի վարչապետ Կարեն Կարապետյանի Մոսկվա այցի շրջանակում քննարկվել էին «Սուխոյի քաղաքացիական ինքնաթիռներ՚ ԲԸ և «ՆՊՖ Սոգլասիե՚ ԲԸ համատեղ նախագծին առնչվող միջոցառումները` նպատակուղղված հայկական ազգային օպերատորի` օդային փոխադրումների շուկա դուրս բերմանը` SSJ100 ինքնաթիռների կիրառմամբ: Մասնավորապես, ստեղծվել է նախագծի գծով համատեղ աշխատանքային խումբ` երկու կողմերի ներկայացուցիչների մասնակցույթյամբ, ձևավորվում են պարամետրերի և մասնակցության պայմանների տարբերակներ, ինչպես նաև մշակվել է նախագծի իրագործման ճանապարհային քարտեզ, նշել են ռուսական գերատեսչությունում: «Սուխոյի քաղաքացիական ինքնաթիռներ՚ ԲԸ ավիաընկերույթյան հետ բանակցություններ են վարվում, սակայն խոսքը վերաբերում է ոչ թե ազգային ավիափոխադրողի, այլ համատեղ ավիաընկերության ստեղծմանը՚, - ասել է Մարտիրոսյանը: Նա դժվարացել է նշել, թե ինչպիսին կլինի կողմերի բաժնեմասային մասնակցությունը նոր ընկերույթյունում, ընդգծելով, որ բոլոր հարցերը դեռ քննարկման փուլում են: