Չորեքշաբթի, 25 Հոկտեմբերի 2017 09:23

Արմինֆո. «Ես խնդիրներ չեմ տեսնում ՀԱԷԿ երկրորդ էներգաբլոկի արդիականացման նպատակով Հայաստան խոշոր չափերի սարքավորում հասցնելու քռնչությամբ՚, - ԱրմԻնֆո-ի թղթակցի հետ զրույցում հայտարարել է ռուս-հայկական առևտրատնտեսական համագործակցության միջկառավարական հանձնաժողովի ռուսաստանցի համնախագահ, ՌԴ տրանսպորտի նախարար Մաքսիմ Սոկոլովը:

Նրաա սելով, այժմ քննարկվում է «Պորտ Կավկազ՚ - Փոթի լաստանավային անցման գործարկմամբ փոխադրման սխեման: Այնուհետև բեռները կուղարկվեն «Հարավկովկասյան երկաթուղու՚ երթուղիներով: «Կարծում եմ` այդ ուղղությունն առավել անվտանգն ու արդյունավետն է` այդպիսի լուրջ բեռի փոխադրումների տեսանկյունից՚, - նծել է ռուսաստանցի նախարարը:

ԱրմԻնֆո-ի թղթակցի հետ զրույցում ՀՀ էներգետիկ ենթակառուցվածքների և բնական պաշարների նախարարի խորհրդական Արեգ Գալստյանը հաղորդել է, որ այժմ սկսվում է ՀԱԷԿ երկրորդ էներգաբլոկի շահագործման ժամկետի երկարաձգման ծրագրի իրագործման երկրորդ փուլի նախապատրաստումը: Այդ նպատակով վերականգնվել են երկաթգծերը` խոշոր ծավալաչափի սարքավորում փոխադրելու նպատակով: Ընդ որում, խոսքը վերաբերում է ոչ միայն Արմավիրից մինչև կայան, այլև հենց ԱԷԿ-ի տարածքում երկաթուղային տեղամասի վերականգնմանը, ինչն անհրաժեշտ է  խոշոր ծավալաչափի սարքավորումն ուղիղ արտադրամաս հասցնելու համար, որտեղ պետք է տեղադրվի: Բոլոր սարքավորումները` գեներատորները, տրանսֆորմատորը, տուրբինի արդիականացման համար սարքավորումը, կոնդենսատորը, այսպես կոչված, ջերմամեխանիկական և էլեկտրական սարքավորումը, կստացվի փուլ առ փուլ: «Մենք ծրագրում ենք 2018 թվականի պլանային վերանորոգման ընթացքում լիովին փոխել տուբոգեներատորի ջերմամեխանիկական սարքավորումը, մասնավորապես, հին հանգույցները փոխարինել նորերով: Բացի այդ, լիովին կարդիականացվի 220 Կվ հզորությամբ համակարգային էլեկտրաենթակայանը: Պետք է հիմնանորոգվեն նաև խտարանները, որոնք չափազանց կարևոր տարր են և ազդում են բլոկի աշխատանքի արդյունավետության պարամետրերի վրա: Մենք արդեն մոտ ենք այն բանին, որպեսզի սկսենք խտարաններին առնչվող աշխատանքները, և ակնկալում ենք, որ աշխատանքների այդ մասը կկատարեն հայկական ընկերությունները: 2018 թվականի պլանային վերանորոգման շրջանակում հիմնական շեշտադրումը կլինի անվտանգության համակարգերի մակարդակի բարձրացման վրա. խոսքը վերաբերում է էլեկտրոնիկային, ավտոմատիկային, պոմպերին, փականներին: Ծրագրի իրագործումը թույլ է տալիս ապահովել բլոկի տեխնիկատնտեսական պարամետրերի բարձրացում, ավելացնել էլեկտրաէներգիայի արտադրության ծավալները, հասնել բլոկի հզորության ավելի բարձր ծավալների, որոնք 10 տոկոսով կամ 300 մլն կՎտ/ժ-ով կգերազանցեն նախագծային հզորություները՚, - հաղորդել է նախարարի խորհրդականը: