Արմինֆո. Հայաստանի արտարժույթի միջբանկային շուկայի ծավալը հոկտեմբերի 23-27-ը կրճատվել է 19.6%, մեկ շաբաթ առաջվա 52.4% աճից հետո: Դրան զուգընթաց, արտարժույթի ներբանկային շուկայում դոլարով և եվրոյով գործարքները մտան փասիվ փուլ, իսկ ռուբլու գնման նկատմամբ վերացավ հետաքրքրությունը, բայց վաճառքի գծով արձանագրվեց դրական դինամիկա: Արտարժույթի բորսայական հարթակը շարունակում է մնալ դատարկ:
Արդյունքում` դոլարի նկատմամբ դրամի դանդաղ արժեզրկումը շարունակվեց` 481,8-ից մինչև 482.5 դրամ/1դոլար, եվրոյի նկատմամբ սմրսպնդվռլեվ 570-ից մինչև 561 դրամ/եվրո մակարդակ, իսկ ռուբլու նկատմամբ արժևորվելով`8.4-ից մինչև 8.3 դրամ/1ռուբլի մակարդակ: Մեկ տարի առաջ, 2016-ի հոկտեմբերի 27-ի դրությամբ դոլարի նկատմամբ դրամի փոխարժեքը կազմել էր 475,5 դրամ/1դոլար, եվրոյի նկատմամբ` 517.5 դրամ/1եվրո, և ռուբլու նկատմամբ` 7,5 դրամ/1ռուբլի, ինչը ներկա փոխարժեքների համեմատ ցույց է տալիս այդ արժույթների հանդեպ դրամի տարեկան արժեզրկում:
Ինչպես ԱրմԻնֆո-ին հաղորդեցին ՀՀ կենտրոնական բանկի մամուլի ծառայությունից, NASDAQ OMX Armenia բորսայի արտարժութային հարթակն արդեն հինգ ամիս դատարկ է: Ընդ որում, արտարժույթի միջբանկային շուկայում հոկտեմբերի 23-27-ն իրականացվել է 9 մլն դոլար ծավալի գործառնություն, 482.06 դրամ/դոլար միջին կշռված փոխարժեքով (նախկին 481.82 դիմաց), ընդ որում, առավելագույն ծավալները գրանցվել են երեքշաբթի – 4.5 մլն.դոլար, իսկ նվազագույն ծավալները`երկուշաբթի օրը – 500 հազար դոլար: Դրան զուգընթաց, արտարժույթի ներբանկային շուկայում դոլարի առքուվաճառքի 0.5-3% աճը փոխարինվեց 14.5-5% անկման միտումով, եվրոյի առքուվաճառքի 9.4-25.2% աճը փոխարինվեց 15.1-2.4% անկումով, իսկ ռուբլու գնումը 13.1% աաճը հասավ 0.1% անկման, իսկ վաճառքի գծով` 21% անկումը փոխարինվեց 11.3% աճով: Արդյունքում` գնվել է 70.9 մլն դոլար 481.51 դրամ/դոլար միջին փոխարժեքով, 7.9 մլն եվրո 565,43 դրամ/եվրո միջին փոխարժեքով և 1.4 մլրդ ռուբլի 8,33 դրամ/ռուբլի միջին փոխարժեքով, իսկ վաճառվել է 84.6 մլն դոլար 482,90 դրամ/դոլար միջին փոխարժեքով, 16.5 մլն եվրո 569,12 դրամ/եվրո, և 531.4 մլն ռուբլի 8,42 դրամ/ռուբլի միջին փոխարժեքով:
Աղբյուրի համաձայն, նախորդ շաբաթ (հոկտեմբերի 16-21-ը) Հայաստանի բանկերը տրամադրել են 45.4 մլրդ դրամի և 72.2 մլն դոլարի վարկեր: Նախորդ ժամանակահատվածի համեմատ (հյոկտեմբերի 9-14-ը) տրամադրվող վարկերի դինամիկան հետևյալն է. դրամային վարկերի 32% անկումը փոխարինվել է 22.7% աճով, իսկ դոլարային վարկերինը`48% աճը դանդաղել է մինչև 42.4%:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին